ପୁଣି ଥରେ ଅନୁପ୍ରବେଶ ପ୍ରସଙ୍ଗ ଉଠାଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ଶନିବାର ମହାରାଷ୍ଟ୍ରର କୋଲହାପୁରରେ ଅନୁପ୍ରବେଶ ପ୍ରସଙ୍ଗ ଉଠାଇଛନ୍ତି କେନ୍ଦ୍ର ଗୃହମନ୍ତ୍ରୀ । ଅମିତ ଶାହ କହିଛନ୍ତି, ଭାରତ ଏକ ଧର୍ମଶାଳା ନୁହେଁ । ଏଠାରେ ଜନ୍ମଗ୍ରହଣ କରିଥିବା ଲୋକମାନେ ହିଁ କେବଳ ଏହି ଦେଶରେ ରହିବେ । ଅନ୍ୟମାନଙ୍କୁ ବାଛି ବାଛି ଭାରତରୁ ବାହାର କରାଯିବ ।

ସେହିପରି କେନ୍ଦ୍ର ଗୃହମନ୍ତ୍ରୀ ଅମିତ ଶାହ କୋଲହାପୁରରେ ଏକ ସମାବେଶକୁ ସମ୍ବୋଧିତ କରିବା ସମୟରେ ଉଦ୍ଧବ ଠାକରେ ଏବଂ କଂଗ୍ରେସ ଦଳକୁ ଟାର୍ଗେଟ କରି କହିଥିଲେ ଯେ ପ୍ରତ୍ୟେକ ଅନୁପ୍ରବେଶକାରୀଙ୍କୁ ଦେଶରୁ ବାହାର କରିଦିଆଯିବ । ଏହି ଦେଶ ଧର୍ମଶାଳା ନୁହେଁ; ଏଠାରେ ଜନ୍ମଗ୍ରହଣ କରିଥିବା ଲୋକମାନେ ହିଁ ଏଠାରେ ରହିବେ । ଅମିତ ଶାହ କହିଥିଲେ, "ଆଜି ମୁଁ ଆତ୍ମବିଶ୍ୱାସର ସହିତ କୋଲହାପୁରର ଏହି ପବିତ୍ର ଭୂମିରୁ ଦେଶର ଜନତାଙ୍କୁ କହୁଛି ବଙ୍ଗଳାର ଲୋକମାନେ ଆମକୁ ଆଶୀର୍ବାଦ ଦେଇଛନ୍ତି । ମୁଁ ଆପଣଙ୍କୁ ପ୍ରତିଶ୍ରୁତି ଦେଉଛି ଯେ କେବଳ ବଙ୍ଗଳାର ସୀମାରୁ ଅନୁପ୍ରବେଶ ବନ୍ଦ ହେବ ନାହିଁ । ପ୍ରତ୍ୟେକ ଅନୁପ୍ରବେଶକାରୀଙ୍କୁ ଖୋଜି ଖୋଜି ଦେଶରୁ ବାହାର କରାଯିବ ।

यह देश धर्मशाला नहीं है; घुसपैठियों को चुन-चुनकर निकाला जाएगा। pic.twitter.com/wx77Duted7

— Amit Shah (@AmitShah) June 20, 2026

ସେହିପରି ଅମିତ ଶାହ ଆହୁରି କହିଛନ୍ତି, ଉଦ୍ଧବ ଠାକରେ କଂଗ୍ରେସ ଦଳର କୋଳରେ ବସିଛନ୍ତି । ସେ ଅନୁପ୍ରବେଶକାରୀଙ୍କୁ ଭୋଟ ବ୍ୟାଙ୍କ ଭାବରେ ବ୍ୟବହାର କରି ବଞ୍ଚିବାକୁ ଚାହୁଁଛନ୍ତି । କିନ୍ତୁ ଧ୍ୟାନ ଦେଇ ଶୁଣନ୍ତୁ, ଏହି ଦେଶ କୌଣସି ଧର୍ମଶାଳା ନୁହେଁ; ଏଠାରେ ଜନ୍ମଗ୍ରହଣ କରିଥିବା ଲୋକମାନେ ହିଁ ଏଠାରେ ରହିବେ । ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତର ସୁରକ୍ଷା ସୁନିଶ୍ଚିତ କରାଯିବ ।

ସେହିପରି ଅମିତ ଶାହ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ଏକ ରେକର୍ଡ ସ୍ଥାପନ କରିଛନ୍ତି । ସେ ଦେଶର ସବୁଠାରୁ ଦୀର୍ଘ ସମୟ ଧରି ନିର୍ବାଚିତ ପ୍ରଧାନମନ୍ତ୍ରୀ ହେବାର ରେକର୍ଡ ସ୍ଥାପନ କରିଛନ୍ତି । ଏହି ୧୨ ବର୍ଷ ମଧ୍ୟରେ, ମୋଦିଙ୍କ ନେତୃତ୍ୱରେ ଭାରତୀୟ ଜନତା ପାର୍ଟି ଏବଂ NDA ର ଶାସନ ସୋମନାଥ ଠାରୁ ଗଙ୍ଗାସାଗର ଏବଂ ସାରା ଦେଶରେ ବିସ୍ତାରିତ ହୋଇଛି ।

ଅମିତ ଶାହ କହିଛନ୍ତି ଯେ ୨୦୧୪ ମସିହାରେ ବିଜେପି ସରକାର କ୍ଷମତାକୁ ଆସିବା ପରଠାରୁ, ଅଯୋଧ୍ୟାରେ ଭଗବାନ ରାମଙ୍କ ଏକ ଭବ୍ୟ ମନ୍ଦିର ନିର୍ମାଣ ହୋଇଛି । ଔରଙ୍ଗଜେବଙ୍କ ଦ୍ୱାରା ଧ୍ୱଂସ ହୋଇଥିବା କାଶୀ ବିଶ୍ୱନାଥ କରିଡରକୁ ପୁନଃନିର୍ମାଣ କରାଯାଉଛି । କେଦାରନାଥ ଏବଂ ବଦ୍ରିନାଥର ନବୀକରଣ କରାଯାଉଛି । ସୋମନାଥରେ ପୁଣି ଏକ ସ୍ୱର୍ଣ୍ଣ ମନ୍ଦିର ନିର୍ମାଣ କରାଯାଉଛି ।