Amitabh Bachchan Receives Threat / ଅମିତାଭ ବଚ୍ଚନଙ୍କୁ ମିଳିଲା ଧମକ, ସୁରକ୍ଷା ବ୍ୟବସ୍ଥା କଡ଼ାକଡ଼ି

ମୁମ୍ବାଇ,୨୩/୧୦ :  କିଛିଦିନ ଦଳେ ବଲିଉଡ ଷ୍ଟାର ଟାଇଗର ଶ୍ରଫଙ୍କୁ ଗୁଳିମାଡ଼ ଘଟଣା ପରେ ଏବେ ବଲିଉଡ୍ ଅଭିନେତା ଅମିତାଭ ବଚ୍ଚନ ଓ ପଞ୍ଜାବୀ ଗାୟକ ତଥା ଅଭିନେତା ଦିଲଜିତ୍ ଦୋସାଞ୍ଜଙ୍କୁ ବୋମା ଧମକ ମିଳିଛି । ମୁମ୍ବାଇର ମେୟର ରିତୁ ତାୱଡେଙ୍କୁ ଏକ ଧମକପୂର୍ଣ୍ଣ ଇମେଲ୍ ମିଳିବା ପରେ ପୋଲିସ ତଦନ୍ତ ଆରମ୍ଭ କରିଛି । ତେବେ ଯାଞ୍ଚ ସମୟରେ କୌଣସି ସନ୍ଦେହଜନକ ବସ୍ତୁ ମିଳିନଥିବା ପୋଲିସ କହିଛି ।

ମିଳିଥିବା ସୂଚନା ଅନୁଯାୟୀ, ଧମକପୂର୍ଣ୍ଣ ଇମେଲରେ ଅମିତାଭ ବଚ୍ଚନଙ୍କ ମୁମ୍ବାଇ ସ୍ଥିତ ଜଲସା ବଙ୍ଗଳାକୁ ବୋମାରେ ଉଡ଼ାଇ ଦେବାକୁ ଧମକ ଦିଆଯାଇଛି । ଏହା ୧୯୮୪ର ଅପରେସନ୍ ବ୍ଲୁ ଷ୍ଟାର୍ ର ପ୍ରତିଶୋଧ ବୋଲି ଇମେଲରେ ଦାବି କରାଯାଇଛି । ଅକ୍ଟୋବର ୩୧ରୁ ନଭେମ୍ବର ୨୭ ମଧ୍ୟରେ ଆକ୍ରମଣ ହୋଇପାରେ ବୋଲି ଧମକ ଦିଆଯାଇଛି ।

ପଢନ୍ତୁ ଏହି ଖବର: ବୟସକୁ ମାତ୍ ଦେଉଛି ଗ୍ଲାମର୍ ,୫୩ ବର୍ଷରେ ବି ମଲାଇକା ଦେଖାଉଛନ୍ତି ଜଲୱା

ଏହି ଇମେଲରେ ଦିଲଜିତ୍ ଦୋସାଞ୍ଜଙ୍କୁ ମଧ୍ୟ ଟାର୍ଗେଟ୍ କରାଯାଇଛି । ଅମିତାଭ ବଚ୍ଚନଙ୍କ ପାଦ ଛୁଇଁଥିବା ଘଟଣାକୁ ଏହାର କାରଣ ଭାବେ ଦର୍ଶାଯାଇଛି । ନଭେମ୍ବର ୨୭ରେ ମୁମ୍ବାଇର ମହାଲକ୍ଷ୍ମୀ ରେସକୋର୍ସରେ ଦିଲଜିତଙ୍କ ଉପରେ ବୋମା ଓ ଆତ୍ମଘାତୀ ଆକ୍ରମଣ କରିବାର ଧମକ ଦିଆଯାଇଛି । ତେବେ ଇମେଲ୍ ପଠାଇଥିବା ବ୍ୟକ୍ତିଙ୍କ ପରିଚୟ ଏଯାଏଁ ଜଣାପଡ଼ିନାହିଁ । ଟାଇଗରଙ୍କୁ ଗୁଳିମାଡ଼ ଘଟଣା ପରେ ବଲିଉଡରେ ଭୟର ବାତାବରଣ ରହିଛି । ସଲମାନ ଖାନ, ଅମିତାଭ ବଚ୍ଚନ, ଅକ୍ଷୟ କୁମାରଙ୍କ ସୁରକ୍ଷା ବଢିଯାଇଛି ।