Andhra Pradesh Police / ବିପଦରେ ଥିଲା ୨୨ ଜଣଙ୍କ ଜୀବନ; କ୍ରେନ୍ ସହାୟତାରେ ଉଦ୍ଧାର କଲା ପୋଲିସ୍

ସାମୁଦ୍ରିକ ଝଡ଼ "ଅର୍ଣ୍ଣବ" ଏବଂ "ମୁରାସୁ" ପରେ ହୋଇଥିବା ବର୍ଷା ଯୋଗୁଁ ଆନ୍ଧ୍ର ପ୍ରଦେଶରେ ସାଧାରଣ ଜୀବନ ଯାତ୍ରା ପ୍ରଭାବିତ ହୋଇଛି। ବର୍ଷା ଯୋଗୁଁ ରାଜ୍ୟର ଅନେକ ଅଞ୍ଚଳରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଥିଲା। ବାତ୍ୟା ପରେ ହୋଇଥିବା ବର୍ଷା ଯୋଗୁଁ ରାଜ୍ୟର ଏଲୁରୁ ଜିଲ୍ଲାରେ ବହୁ ସଂଖ୍ୟକ ଲୋକ ବନ୍ୟା ପାଣିରେ ଫସି ଯାଇଥିଲେ। ଏଭଳି ସମୟରେ ରାଜ୍ୟ ପୋଲିସ ବାହିନୀ ମାନବୀୟ ମନୋଭାବ ସ୍ପଷ୍ଟ ଭାବରେ ଦେଖିବାକୁ ମିଳିଥିଲା। ପୋଲିସ ରାଉଥୁଗୁଡମ ଅଞ୍ଚଳରେ ବନ୍ୟା ପାଣିରେ ଫସି ରହିଥିବା ୨୨ ଜଣଙ୍କୁ ଉଦ୍ଧାର କରିଥିଲା। ଜୀଲୁଗୁମିଲି ଇନ୍ସପେକ୍ଟର ୟାଦଗିରି, ଏସଆଇ କ୍ରାନ୍ତି କୁମାର ଏବଂ ତାଙ୍କ କର୍ମଚାରୀ ରାତିରେ ଏକ ନିର୍ମାଣାଧିନ ଜାତୀୟ ରାଜପଥ ସେତୁ ନିକଟରୁ ୨୨ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରିଥିଲେ। ଘୂର୍ଣ୍ଣିଝଡ଼ ଏବଂ ପ୍ରବଳ ବର୍ଷାର ପ୍ରଭାବ ଯୋଗୁଁ ପାଗ ବଦଳିବା ସହ ଉପର ଅଞ୍ଚଳରେ ନଦୀ ନାଳର ଜଳସ୍ତର ବୃଦ୍ଧି ପାଇଛି। ଯେଉଁଥିପାଇଁ ଅନେକ ଅଞ୍ଚଳରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି।

ବନ୍ୟା ପାଣିରେ ଫସି ରହିଥିବା ୨୨ ଜଣଙ୍କୁ ସୁରକ୍ଷିତ କରାଗଲା ଉଦ୍ଧାର
ଏହି ସମୟରେ ଜୀଲୁଗୁମିଲି ମଣ୍ଡଳ ଅଧିନସ୍ଥ ରୌଥୁଗୁଡମ ଗ୍ରାମରେ ଏକ ନିର୍ମାଣାଧିନ ଜାତୀୟ ରାଜପଥ ସେତୁ ନିକଟରେ ୨୨ ଜଣ ଲୋକ ବନ୍ୟା ପାଣିରେ ଫସି ରହିଥିଲେ। ପାଣି ଏତେ ଅଧିକ ଥିଲା ଯେ ସେମାନେ ବାହାରକୁ ବାହାରି ପାରିଲେ ନାହିଁ। ସେମାନଙ୍କ ଜୀବନ ବିପଦରେ ରହିଥିଲା। ହେଲେ ତଥାପି ଏକ କ୍ରେନ୍ ସହାୟତାରେ ପୋଲିସ ସେଠାରେ ଫସି ରହିଥିବା ୨୨ ଜଣଙ୍କୁ ଉଦ୍ଧାର କରିଥିଲା। ପ୍ରବଳ ବର୍ଷା ଏବଂ ପ୍ରବଳ ସ୍ରୋତ ଭଳି କଷ୍ଟକର ପରିସ୍ଥିତି ସତ୍ତ୍ୱେ ପୋଲିସ ତତ୍କାଳ କାର୍ଯ୍ୟାନୁଷ୍ଠାନ ଗ୍ରହଣ କରି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା ଏବଂ ଫସି ରହିଥିବା ଲୋକଙ୍କ ଜୀବନ ବଞ୍ଚାଇଥିଲା।

ଅନ୍ଧାରରେ କ୍ରେନ୍ ସହାୟତାରେ ହୋଇଥିଲା ଉଦ୍ଧାର କାର୍ଯ୍ୟ
ରାତିର ଅନ୍ଧାରରେ ପାଣିର ପ୍ରବଳ ସ୍ରୋତରେ ଫସି ରହିଥିବା ଲୋକଙ୍କୁ ଉଦ୍ଧାର କରିବା କୌଣସି ଚ୍ୟାଲେଞ୍ଜ ଠାରୁ କମ୍ ନଥିଲା। ହେଲେ ପୋଲିସ କର୍ମଚାରୀ ଦୃଢ଼ ଭାବରେ ଅଟଳ ରହିଥିଲେ। ସେମାନେ ତୁରନ୍ତ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଏକ କ୍ରେନ୍ ସାହାଯ୍ୟରେ ପାଣିରେ ଫସି ରହିଥିବା ଲୋକଙ୍କୁ ସୁରକ୍ଷିତ ଭାବରେ ଉଦ୍ଧାର କରିବାରେ ସକ୍ଷମ ହୋଇଥିଲେ।