ବିଜେପିରେ ଯୋଗ ଦେଲେ ପ୍ରସିଦ୍ଧ କଣ୍ଠ ଶିଳ୍ପୀ ଅନୁରାଧା ପୌଡୱାଲ୍

ଅର୍ଗସ ବ୍ୟୁରୋ: ରାଜନିତୀରେ ଯୋଗ ଦେଲେ କଣ୍ଠଶିଳ୍ପୀ ଅନୁରାଧା ପୌଡୱାଲ । ଆଗକୁ ଦେଶରେ ଲୋକସଭା ନିର୍ବାଚନ ହେବାକୁ ଯାଉଥିବା ବେଳେ ଅନୁରାଧା ପୌଡୱାଲ ବିଜେପିରେ ଯୋଗ ଦେଇଛନ୍ତି ।  ଆଜି  କେତେକ ରାଜ୍ୟରେ ଲୋକସଭା ନିର୍ବାଚନ ଏବଂ ବିଧାନସଭା ନିର୍ବାଚନର ତାରିଖ ଘୋଷଣା ହେଵାକୁ ଯାଉଛି । ଜଣାଶୁଣା ଗାୟୀକା  ଅନୁରାଧା ପୌଡୱାଲ ଆଜି ବିଜେପି କାର୍ଯ୍ୟାଳୟରେ ପହଞ୍ଚି ଵରିଷ୍ଠ ନେତାଙ୍କ ଉପସ୍ଥିରେ ଦଳରେ ଯୋଗ ଦେଇଛନ୍ତି । 

ବିଜେପିରେ ଯୋଗଦେବା ପରେ ଅନୁରାଧା ପୌଡୱାଲ କହିଛନ୍ତି ଯେ ମୁଁ ଆଜି ଵହୁତ ଖୁସି । ମୁଁ ସେହି ଲୋକମାନଙ୍କ ସହ ଯୋଗ ଦେଉଛି ଯେଉଁମାନଙ୍କର ସନାତନ ଧର୍ମ  ସହିତ ଗଭୀର ସମ୍ପର୍କ ରହିଛି ।  ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଗୀତ ଗାଇବା ପରେ ମୁଁ ଭକ୍ତି ଗୀତ ମଧ୍ୟ ଗାଇଛି । ଯେତେବେଳେ ରାମଲାଲାଙ୍କ ବିଗ୍ରହ ପ୍ରତିଷ୍ଠା ହେଲା, ସେତେବେଳେ ମୁଁ ସେଠାରେ ଗୀତ ଗାଇବାର ସୁଯୋଗ ପାଇଥିଲି, ଏହା ମୋର ଭାଗ୍ୟ ।

ଅନୁରାଧା ପାଉଡୱାଲ କିଏ ?

ଅନୁରାଧା ପୌଡୱାଲ ଜଣେ ଲୋକପ୍ରିୟ ଗାୟୀକା । ୯୦ ଦଶକରେ ତାଙ୍କର ଭକ୍ତି ଗୀତ ପାଇଁ ସେ ଲୋକମାନଙ୍କ ପାଖରେ ପରିଚିତ । ତାଙ୍କର ବୟସ ୬୯ ବର୍ଷ । ସେ ୧୯୬୯ମସିହାରେ ଅରୁଣ ପୌଡୱାଲଙ୍କୁ ବିବାହ କରିଥିଲେ । ତାଙ୍କର ଦୁଇଟି ସନ୍ତାନ ପୁଅ ଆଦିତ୍ୟ ଝିଅ କଵିତା । ୧୯୯୧ ରେ ଅନୁରାଧା ପୌଡୱାଲଙ୍କ ସ୍ୱାମୀଙ୍କର ମୃତ୍ୟୁ ହୋଇଥିଲା । 

ଆହୁରି ପଢନ୍ତୁ ରାଜନୀତି ଖବର...