ଶିମଲାର ଆନ୍ନନ୍ଦେଲରେ ଆର୍ମି ହେରିଟେଜ୍ ମ୍ୟୁଜିୟମ୍‌ରେ ଥିବା ଶ୍ରଦ୍ଧାଞ୍ଜଳି ସ୍ଥଳକୁ ବ୍ୟାପକ ନବୀକରଣ ପରେ ଆନୁଷ୍ଠାନିକ ଭାବରେ ପୁନଃଉପସ୍ଥାପିତ କରାଯାଇଛି । ଏହି ଉତ୍ସବର ନେତୃତ୍ୱ ଲେଫ୍ଟନାଣ୍ଟ ଜେନେରାଲ ଦେବେନ୍ଦ୍ର ଶର୍ମା ନେଇଥିଲେ । ଯିଏ ଆର୍ମି ଟ୍ରେନିଂ କମାଣ୍ଡର କମାଣ୍ଡର-ଇନ୍‌-ଚିଫ୍‌ । ସେ ପୁଷ୍ପମାଲ୍ୟ ଅର୍ପଣ କରି ଶହୀଦ ସେନାମାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।

ଏହି ଅବସରରେ ୫୨ ଫୁଟ୍ ଉଚ୍ଚତାର ଏକ ବିଶାଳ ଜାତୀୟ ପତାକାକୁ ମଧ୍ୟ ଉତ୍ସର୍ଗ କରାଯାଇଛି । ମ୍ୟୁଜିୟମ୍ ପ୍ରାଙ୍ଗଣ ଉପରେ ଉଚ୍ଚରେ ଫର୍‌ ଫର୍‌ ହୋଇ ଉଡ଼ୁଥିବା ଏହି ତିରଙ୍ଗା ଦେଶର ଏକତା, ଗର୍ବ ଏବଂ ସେନାମାନଙ୍କର ସର୍ବୋଚ୍ଚ ବଳିଦାନର ପ୍ରତୀକ ଭାବେ ଦୃଢ଼ଭାବେ ଦଣ୍ଡାୟମାନ ।

ଭାରତୀୟ ସେନା ମୁଖ୍ୟାଳୟ ARTRAC, ବିଭିନ୍ନ ଷ୍ଟେସନ ୟୁନିଟ୍, ପୂର୍ବତନ ସେନା ଓ NCC କ୍ୟାଡେଟ୍‌ମାନେ ଏହି ଉତ୍ସବରେ ଅଂଶଗ୍ରହଣ କରି ଶହୀଦ ବୀରମାନଙ୍କୁ ହୃଦୟରୁ ଶ୍ରଦ୍ଧାଞ୍ଜଳି ଜଣାଇଥିଲେ ।

ନବୀକୃତ ଶ୍ରଦ୍ଧାଞ୍ଜଳି ସ୍ଥଳକୁ ଏହାର ପବିତ୍ରତା ଓ ସୌନ୍ଦର୍ଯ୍ୟକୁ ଅକ୍ଷୁଣ୍ଣ ରଖି ଆହୁରି ସୁନ୍ଦର ଭାବେ ବିକଶିତ କରାଯାଇଛି, ଯାହା ଏବେ ଶ୍ରଦ୍ଧା, ଚିନ୍ତନ ଓ ପ୍ରେରଣାର କେନ୍ଦ୍ର ଭାବେ ପରିଣତ ହୋଇଛି ।

ଏହି ସ୍ମାରକୀର ପୁନଃସ୍ଥାପନ ଓ ଉଚ୍ଚ ଜାତୀୟ ପତାକା ସ୍ଥାପନ ଭାରତୀୟ ସେନାର ଶହୀଦ ବୀରମାନଙ୍କ ପ୍ରତି ଗଭୀର ସମ୍ମାନ ଓ ସେମାନଙ୍କର ବଳିଦାନୀ ଐତିହ୍ୟକୁ ସଂରକ୍ଷଣ କରିବା ପ୍ରତି ଅଟଳ ସଙ୍କଳ୍ପକୁ ପୁନଃଦୃଢ଼ କରିଛି ।

ଶିମଲାର ଏହି ପ୍ରସିଦ୍ଧ ସେନା ଐତିହ୍ୟ ସଂଗ୍ରହାଳୟ ଏହି ନୂତନ ଆକର୍ଷଣ ସହିତ ଆଗାମୀ ଦିନରେ ଆହୁରି ଅଧିକ ପର୍ଯ୍ୟଟକଙ୍କୁ ଆକର୍ଷିତ କରିବ ବୋଲି ଆଶା କରାଯାଉଛି ।