Assam Tiger Cub Rescue / କିଚେନ୍ ଗାର୍ଡ଼େନ୍ ଜାଲରେ ଫସିଲା ବାଘଛୁଆ; ସୁରକ୍ଷିତ ଭାବେ ଉଦ୍ଧାର କରିବା ପରେ ଜଙ୍ଗଲରେ ଦିଆଗଲା ଛାଡି଼

ସଦ୍ୟ କିଛି ଦିନ ପୂର୍ବେ ଆସାମର ବିଶ୍ୱନାଥ ଜିଲ୍ଲାରେ ଏକ କିଚେନ୍ ଗାର୍ଡେନ୍ ଜାଲରେ ଫସି ଯାଇଥିଲା। ପ୍ରାୟ ୩ ମାସର ବାଘ ଛୁଆ ଜାଲରେ ଫସି ରହିବା ପରେ ଅସ୍ଥିର ହୋଇ ଉଠିଥିଲା। ତାହାର ଗୋଡ଼ ଜାଲରେ ଏମିତି ଫସି ଯାଇଥିଲା ଯେ ବାରମ୍ବାର ଚେଷ୍ଟା କରିବା ସତ୍ତ୍ୱେ ସେ ଜାଲରୁ ବାହାରି ପାରିଲା ନାହିଁ। ଏହି ଘଟଣା ବିଷୟରେ ବନ ବିଭାଗକୁ ଖବର ଦିଆଯାଇଥିଲା ଖବର ପାଇ ଅଧିକାରୀ ଘଟଣାସ୍ଥଳରେ ପହଞ୍ଚି ସେହି ବାଘ ଛୁଆକୁ ଉଦ୍ଧାର କରିଥିଲେ। ତାକୁ ସୁରକ୍ଷିତ ଭାବରେ ସେହି ବାଘ ଶାବକକୁ ବର୍ତ୍ତମାନ କାଜିରଙ୍ଗା ଜାତୀୟ ଉଦ୍ୟାନ ଏବଂ ବ୍ୟାଘ୍ର ସଂରକ୍ଷଣରେ ସୁରକ୍ଷିତ ଭାବରେ ଛାଡି ଦିଆଯାଇଛି।

କିଚେନ୍ ଗାର୍ଡେନ୍ ଜାଲରେ ଫସି ରହିଥିଲା ବାଘଛୁଆ
ବନବିଭାଗ ଅଧିକାରୀଙ୍କ କହିବା ଅନୁଯାୟୀ, ନଦୀର ପ୍ରବଳ ସ୍ରୋତ ଯୋଗୁଁ ସେହି ବାଘ ଛୁଆ ତାହାର ମାଆ ଠାରୁ ଅଲଗା ହେବା ପରେ ନାଟୁନଗାଓଁ ନାମକ ଗ୍ରାମରେ ସେହି ବାଘଛୁଆ ବୁଲାବୁଲି କରୁଥିଲା। ଏହା ପରେ କିଚେନ ଗାର୍ଡେନ୍ ଜାଲରେ (Kitchen Garden Net) ଫସି ଯାଇଥିଲା। ସେଠାରୁ ତାକୁ ଉଦ୍ଧାର କରାଯାଇଥିଲା। ବାଘଛୁଆର ମାଆକୁ ଖୋଜିବା ପାଇଁ, ଉଦ୍ଧାରକାରୀ ଦଳ କ୍ୟାମେରା ଲଗାଇ ନିକଟସ୍ଥ ନଦୀ ଦ୍ୱୀପପୁଞ୍ଜ ଉପରେ ନଜର ରଖିଥିଲେ। ପରୀକ୍ଷା ପାଇଁ କାଜିରଙ୍ଗା କେନ୍ଦ୍ରୀୟ ରେଞ୍ଜ କାର୍ଯ୍ୟାଳୟକୁ (Kajiranga Central Range Office) ବାଘ ଛୁଆକୁ ନେବା ପରେ, ଏହାକୁ ଉପର ମୁଣ୍ଡରେ ଏକ ଦ୍ୱୀପକୁ ସ୍ଥାନାନ୍ତର କରାଯାଇଥିଲା। ତଦନ୍ତରୁ ସେହି ଅଞ୍ଚଳରେ ବାଘ ଛୁଆର ମାଆର ଉପସ୍ଥିତିର ପ୍ରମାଣ ମିଳିଥିଲା।

ଏହା ସହ ପଢନ୍ତୁ: ଜାରି ରହିଛି ଆତଙ୍କ; ମାସକରେ ଧରା ହେଲେଣି ୧୨ କଲରା ପତ୍ରିଆ

ବାଘ ଛୁଆକୁ ସୁରକ୍ଷିତ ସ୍ଥାନରେ ମୁକ୍ତ କରାଯାଇଥିଲା
ସେପ୍ଟେମ୍ବର ୨୩ ତାରିଖରେ, ସର୍ଭେ ଦଳ ବାଘ ଛୁଆକୁ ମୁକ୍ତ କରାଯାଇଥିବା ସ୍ଥାନରୁ ୨୦୦ ମିଟର ଦୂରରେ ପଞ୍ଝା ଚିହ୍ନ ପାଇଥିଲେ। ଏହି ସ୍ଥାନକୁ ଏବେ କିଛି ସପ୍ତାହ ପାଇଁ କ୍ୟାମେରା ଦ୍ୱାରା ନିରୀକ୍ଷଣ କରାଯିବ। ବାଘ ଛୁଆର ମାଆକୁ ଠାବ କରିବା ପାଇଁ ଦଳ ସେଠାରେ ଏକ ଟ୍ରାପ୍ କ୍ୟାମେରା ସ୍ଥାପନ କରିଥିଲା। ଏକ ଡ୍ରୋନ୍ ସର୍ଭେ ମାଧ୍ୟମରେ ଜଣାପଡିଛି ଯେ ଜଳସ୍ତର ବୃଦ୍ଧି ପାଇବା ସେହି ବାଘ ଶାବକଙ୍କ ପାଇଁ ବିପଦ ସୃଷ୍ଟି କରିପାରେ। ପରେ ବାଘକୁ ସୁରକ୍ଷିତ ସ୍ଥାନରେ ଛାଡ଼ି ଦିଆଯିବ।