Assam Train Accident / ଆସାମରେ ବଡ଼ ଟ୍ରେନ୍ ଦୁର୍ଘଟଣା, ଲାଇନଚ୍ୟୁତ ହେଲା କୋଲକାତା-ସୈରାଙ୍ଗ ଏକ୍ସପ୍ରେସ୍‌ର ୭ଟି ବଗି

ଆସାମରେ ବୁଧବାର ସକାଳେ ଏକ ବଡ଼ ରେଳ ଦୁର୍ଘଟଣା ଘଟିଛି । ଆସାମର ଦିଗାରୁ ଷ୍ଟେସନ ନିକଟରେ ୬ଟି ବଗି ଲାଇନଚ୍ୟୁତ ହୋଇଛି । କୋଲକାତା-ସୈରାଙ୍ଗ ଏକ୍ସପ୍ରେସ୍‌ର ୭ଟି ବଗି ଲାଇନଚ୍ୟୁତ ହୋଇଛି। ତେବେ ରେଳବାଇ ପକ୍ଷରୁ ମିଳିଥିବା ପ୍ରାରମ୍ଭିକ ସୂଚନା ଅନୁସାରେ, ଟ୍ରେନ୍‌ରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି । ଏହି ଦୁର୍ଘଟଣାରେ କୌଣସି ଯାତ୍ରୀ ମୃତାହତ ହୋଇନଥିବା ମଧ୍ୟ କୁହାଯାଇଛି ।

ସକାଳ ୬ଟା ୫୪ରେ ଘଟିଲା ଦୁର୍ଘଟଣା

ପ୍ରାରମ୍ଭିକ ସୂଚନା ଅନୁସାରେ, ଟ୍ରେନ୍ ନମ୍ବର ୧୩୧୨୫ କୋଲକାତା-ସୈରାଙ୍ଗ ଏକ୍ସପ୍ରେସ୍ ବୁଧବାର ସକାଳ ପ୍ରାୟ ୬ଟା ୫୪ ମିନିଟ୍‌ରେ ଦିଗାରୁ ରେଳ ଷ୍ଟେସନରେ ପହଞ୍ଚୁଥିଲା । ଏହି ସମୟରେ ଅନ୍ୟ ଏକ ଟ୍ରେନ୍‌କୁ ପ୍ରଥମେ ରାସ୍ତା ଦେବା ପାଇଁ ଏକ୍ସପ୍ରେସ୍‌କୁ ଷ୍ଟେସନ ଭିତରକୁ ନିଆଯାଉଥିଲା । ଏହି ସମୟରେ ଟ୍ରେନ୍‌ର ଗତି ନିୟନ୍ତ୍ରଣ ହୋଇପାରିନଥିଲା। ଫଳରେ ଇଞ୍ଜିନ୍ ସମେତ ୭ଟି ବଗି ରେଳ ଧାରଣାରୁ ଖସିପଡ଼ିଥିଲା ।

#WATCH | Assam: A locomotive and five coaches of the Kolkata-Sairang Express (Train No. 13125) derailed at Digaru Railway Station in Kamrup (Metro) district at around 6:54 am today. According to Northeast Frontier Railway, all passengers are safe, and no injuries have been reported. Passengers are being transported to their destinations by an alternative train. Relief and rescue operations have been launched. (Visuals from the spot)

— ANI (@ANI) November 11, 2026

ସମସ୍ତ ଯାତ୍ରୀ ସୁରକ୍ଷିତ

ଦୁର୍ଘଟଣା ପରେ ରେଳବାଇ ପକ୍ଷରୁ ଉଦ୍ଧାର ଓ ରିଲିଫ୍ କାର୍ଯ୍ୟ ସମ୍ପର୍କିତ ପଦକ୍ଷେପ ନିଆଯାଇଛି। ପ୍ରାରମ୍ଭିକ ଖବର ଅନୁସାରେ, ଟ୍ରେନ୍‌ରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ତେବେ ଦୁର୍ଘଟଣାରେ କେତେ କ୍ଷୟକ୍ଷତି ହୋଇଛି, ତାହାର ସବିଶେଷ ତଥ୍ୟ ଏପର୍ଯ୍ୟନ୍ତ ସାମ୍ନାକୁ ଆସିନାହିଁ ।

ଦୁର୍ଘଟଣାର କାରଣ ଅସ୍ପଷ୍ଟ

କୋଲକାତା-ସୈରାଙ୍ଗ ଏକ୍ସପ୍ରେସ୍‌ର ବଗି ଲାଇନଚ୍ୟୁତ ହେବାର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ। ଟ୍ରେନ୍‌ର ଗତି ନିୟନ୍ତ୍ରଣରେ କାହିଁକି ସମସ୍ୟା ହେଲା, ସେନେଇ ତଦନ୍ତ ପରେ ଅଧିକ ତଥ୍ୟ ମିଳିପାରିବ। ଏବେ ଦୁର୍ଘଟଣା ସମ୍ପର୍କିତ ବିସ୍ତୃତ ସୂଚନାକୁ ଅପେକ୍ଷା କରାଯାଇଛି ।