ଚର୍ଚ୍ଚାରେ କଥାବାଚକ ଧୀରେନ୍ଦ୍ର ଶାସ୍ତ୍ରୀଙ୍କ ବୟାନ । ହିନ୍ଦୁଙ୍କୁ ନେଇ କଡା ମନ୍ତବ୍ୟ ଦେଇଛନ୍ତି ବାଗେଶ୍ଵର ବାବା । ସେ କହିଛନ୍ତି, ଯେଉଁଦିନ ତ୍ରିରଙ୍ଗା ପତାକାରେ ଚାନ୍ଦ ଆସିଯିବ, ସେଦିନ ନା ରହିବେ ଶର୍ମା ନା ରହିବେ ବର୍ମା ନା ରହିବେ କ୍ଷତ୍ରୀୟ । ପୁରା ଲୋପ ପାଇଯିବେ ହିନ୍ଦୁ। ଉତ୍ତରପ୍ରଦେଶର ବାନ୍ଦ୍ରାରେ ଏମିତି କିଛି ବୟାନ ଦେଇ ଚର୍ଚ୍ଚାରେ ରହିଛନ୍ତି ଧୀରେନ୍ଦ୍ର ଶାସ୍ତ୍ରୀ । ସେ କହିଛନ୍ତି, ଏହାର ସବୁଠୁ ବଡ ଉଦାହରଣ ହେଉଛି ବାଂଲାଦେଶ । ଯେଉଁଠି ଜଣେ ଜଣେ ବିଧବା ମହିଳାଙ୍କ ସହ ୪୦-୪୦ ଜଣ ଲୋକ ରେଫ୍ କରିଛନ୍ତି । ତେଣୁ ଦେଶରେ ଜାତିପ୍ରଥା ନୁହେଁ, ବରଂ ଜାତୀୟତାବାଦ୍ ରହିବା ଦରକାର । ବାବାଙ୍କର ଏହି ବୟାନ ବର୍ତ୍ତମାନ ଭାଇରାଲ ହେବାରେ ଲାଗିଛି।

ଧୀରେନ୍ଦ୍ର କହିଛନ୍ତି, ସେହି ବ୍ୟକ୍ତି ବଳବାନ, ସେହି ବ୍ୟକ୍ତି ସଫଳ ଯାହା ମଧ୍ୟରେ ଏକତା ରହିଛି । ମୁସଲମାନ ମାନଙ୍କ ମଧ୍ୟରେ ପଠାଣ, ଖାନ, ସିୟା,ସୁନ୍ନି ଆଦି ରହିଛନ୍ତି । ହେଲେ ସେମାନଙ୍କ ମଧ୍ୟରେ ଯେତେବେଳେ ଧର୍ମର କଥା ଆସେ, ସେମାନେ କେବଳ ମୁସଲମାନ । ହେଲେ ୯ଟି ରାଜ୍ୟରେ ହିନ୍ଦୁ ମାନଙ୍କ ଜନସଂଖ୍ୟା ହ୍ରାସ ପାଇବାରେ ଲାଗିଛି। ତାର କାରଣ ହେଉଛି ଆମ ଭିତରେ ଏକତା ନାହିଁ । ହିନ୍ଦୁ ମାନଙ୍କୁ ଯେ କେହି ବି ତାଙ୍କର ପରିଚୟ ପଚାରନ୍ତି, ସେ ନିଜକୁ ବ୍ରାହ୍ମଣ, ପଣ୍ଡିତ ନହେଲେ ଅନ୍ୟ କିଛି କହିଥାନ୍ତି । କିନ୍ତୁ ସମସ୍ତେ ନିଜର ପରିଚୟକୁ ଜାତିରେ ନୁହେଁ, ବରଂ ଧର୍ମରେ ଦିଅନ୍ତୁ ବୋଲି ସମସ୍ତଙ୍କୁ କହିଛନ୍ତି ଧୀରେନ୍ଦ୍ର ।

ଏଥିସହ ପଢ଼ନ୍ତୁ: ଏହି ୪ ମନ୍ତ୍ର ଜାଣି ରଖନ୍ତୁ, ଜୀବନରେ କେବେବି ଦୁଃଖୀ ରହିବେନି: ପ୍ରେମାନନ୍ଦଜୀ ମହାରାଜ

ହିନ୍ଦୁଙ୍କୁ ବଞ୍ଚାଇବାର ଗୋଟେ ହିଁ ରାସ୍ତା ଯାହା ହେଉଛି ଜନସଂଖ୍ୟା ବୃଦ୍ଧି । ଯଦି ମୁସଲମାନ ଚାଚା ୩୦ ତିରିଶ ପିଲା ଜନ୍ମ କରିପାରୁଛନ୍ତି, ତେବେ ହିନ୍ଦୁ କାହିଁକି ନୁହେଁ । ପ୍ରତି ହିନ୍ଦୁ ଘରେ ୪ଟି ସନ୍ତାନ ଜନ୍ମ ହେବା ଆବଶ୍ୟକ । ୨ ଜଣ ପରିବାର ପାଇଁ, ଜଣେ ସ୍ଵୟଂ ସେବକ ସଂଘ ପାଇଁ ଏବଂ ଆଉ ଜଣେ ହିନ୍ଦୁ ରାଷ୍ଟ୍ରପାଇଁ ନିହାତି ଆବଶ୍ୟକ । ବର୍ତ୍ତମାନ ହିନ୍ଦୁମାନଙ୍କୁ ବିଭାଜିତ କରିବାର ଷଡଯନ୍ତ୍ର ଚାଲିଛି। ଜାତିବାଦ ହିନ୍ଦୁମାନଙ୍କୁ ଫମ୍ପା କରିଦେଇଛି। ତେଣୁ ଏହି ଦେଶରେ ଜାତିପ୍ରଥା ନୁହେଁ, ବରଂ ଜାତୀୟତାବାଦ ରହିବା ନିହାତି ଆବଶ୍ୟକ ।

ଅଧିକ ପଢ଼ନ୍ତୁ ଦେଶ ଖବର: