Shocking / ଏତେ ମାରାତ୍ମକ DJ ? ସାଉଣ୍ଡ ଶୁଣି ବେହୋସ୍ ହୋଇଗଲେ ଛାତ୍ରୀ, ଚାଲିଗଲା ଜୀବନ

ଲକ୍ଷ୍ନୌ: DJ ଶବ୍ଦ ନେଇଗଲା ଜୀବନ । ତାହା ବି ଶ୍ରେଣୀଗୃହ ଭିତରେ । ଆଜିକାଲି DJ ନହେଲେ ବାହାଘର ରୋଷଣୀ ହେଉନି କି ଶୋଭାଯାତ୍ରା ବାହାରୁନି । ହେଲେ କିଛି ଲୋକଙ୍କୁ କ୍ଷଣିକ ଆନନ୍ଦ ଦେଉଥିବା DJ ଶବ୍ଦ ନେଇ ଯାଇଛି ଜଣେ ଛୋଟ ଛୁଆର ଜୀବନ ।

ଗଣେଶ ଭସାଣ ବେଳେ DJ ସାଉଣ୍ଡରେ ଆଖି ବୁଜିଛନ୍ତି ଜଣେ ଛାତ୍ରୀ । ଉତ୍ତରପ୍ରଦେଶର ବଳରାମପୁର ନଗରରୁ ଏଭଳି ଆଶ୍ଚର୍ଯ୍ୟଜନକ ଓ ଅଭାବନୀୟ ଘଟଣା ସାମ୍ନାକୁ ଆସିଛି । DJର ଅତ୍ୟଧିକ ଶବ୍ଦ ପାଇଁ ଛାତ୍ରୀ ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି ।

ଏଥିସହ ପଢ଼ନ୍ତୁ: ଆସନ୍ତାକାଲି ଘଟିବ ବିରଳ ଖଗୋଳୀୟ ଘଟଣା; ଦେଖିବାକୁ ମିଳିବ ବିରଳ ଦୃଶ୍ୟ 

ମୃତ ଛାତ୍ରୀଙ୍କ ବୟସ ୧୨ ବର୍ଷ ବୋଲି ଜଣାପଡ଼ିଛି । ସବୁଦିନ ଭଳି ସୋମବାର ମଧ୍ୟ ଛାତ୍ରୀଙ୍କ ପଢ଼ିବାକୁ ବିଦ୍ୟାଳୟ ଯାଇଥିଲେ । ଶ୍ରେଣୀଗୃହରେ ଶିକ୍ଷୟିତ୍ରୀ ପାଠ ପଢ଼ାଉଥିବା ବେଳେ ସେହି ସମୟରେ ଗଣେଶ ଭସାଣି ଶୋଭାଯାତ୍ରା ସ୍କୁଲ୍ ଦେଇ ଯାଉଥିଲା ।

ଶ୍ରେଣୀଗୃହ ମଧ୍ୟ DJ ସାଉଣ୍ଡରେ କମ୍ପି ଉଠିଥିଲା । କିଛି ସମୟ ପାଇଁ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ DJ ସାଉଣ୍ଡକୁ ନେଇ ଅନ୍ୟ ମନସ୍କ ହୋଇ ପଡ଼ିଥିଲେ । ସ୍କୁଲ୍‌ ଶ୍ରେଣୀଗୃହରେ ଲାଗିଥିବା ସିସିଟିଭିରେ ଦେଖାଯାଉଛି ଯେ, ଛାତ୍ରୀ ଜଣଙ୍କ ବସିଥିବା ବେଳେ ଅସୁସ୍ଥ ଅନୁଭବ କରୁଛନ୍ତି ।

Uttar Pradesh : बलरामपुर में गणेश विसर्जन यात्रा के दौरान बज रहे तेज डीजे के शोर के बीच डिवाइन पब्लिक स्कूल की एक छात्रा की अचानक तबीयत बिगड़ी . इलाज के दौरान उसकी दर्दनाक मौत हो गई. घटना के बाद से मामले पीड़ित परिवार शोक में है. मामले की जांच की जा रही है.#Balrampur #UPNews pic.twitter.com/rbLGTxaCMk

— Shailendra Singh (@Shailendra97S) September 22, 2026

ପ୍ରଥମେ ଡେସ୍କ ଉପରେ ମୁଣ୍ଡ ରଖିବାର କିଛି ସେକେଣ୍ଡରେ ସେ ତଳେ ପଡ଼ି ଯାଉଛନ୍ତି । ଶ୍ରେଣୀଗୃହରେ ଥିବା ଶିକ୍ଷୟିତ୍ରୀ ଛାତ୍ରୀ ଜଣଙ୍କ ପଡ଼ିଯିବା ଜାଣିବା ପରେ ଦୌଡ଼ି ଆସୁଛନ୍ତି । ତତକ୍ଷଣାତ୍ ଛାତ୍ରୀ ଜଣଙ୍କୁ ମେଡିକାଲ୍ ନିଆଯାଇଥିବା ବେଳେ ସେଠାରେ ଡାକ୍ତର ମୃତ ଘୋଷଣା କରିଛନ୍ତି ।

CCTV ଫୁଟେଜ୍‌ରେ ସବୁ କଏଦ

କ୍ଲାସରୁମରେ ଲାଗିଥିବା ସିସିଟିଭିରେ ଦେଖା ଯାଉଛି, DJ ସାଉଣ୍ଡ ଶୁଭିବାର କିଛି ସମୟ ପୂର୍ବରୁ ଛାତ୍ରୀଙ୍କ ଜଣଙ୍କ ସ୍ଵାସ୍ଥ୍ୟାବସ୍ଥା ଠିକ୍ ଥିଲା । ସେ ପଢ଼ିବା ସହ ଅନ୍ୟ ସହପାଠୀଙ୍କ ସଙ୍ଗେ ହସଖୁସିରେ କଥା ହେଉଥିଲେ । କିନ୍ତୁ, ଗଣେଶ ଭସାଣ ସ୍କୁଲ୍ ଦେଇ ଯିବା ଓ DJ ବାଜିବା ପରେ ଛାତ୍ରୀ ଅସୁସ୍ଥ ହେବା ସହ ମୁଣ୍ଡ ତଳକୁ କରୁଛନ୍ତି । ଆଉ ଉଠିବା ମାତ୍ରେ ଅଚେତ୍ ହୋଇ ତଳେ ପଡ଼ି ଯାଉଛନ୍ତି ।

थाना को0 नगर क्षेत्रांतर्गत छोटी बच्ची की मृत्यु की घटना के संबंध में पुलिस द्वारा की गई कार्यवाही के संबंध में क्षेत्राधिकारी नगर की बाइट pic.twitter.com/HSeuaVN8oq

— BALRAMPUR POLICE (@balrampurpolice) September 22, 2026

ଏଥିସହ ପଢ଼ନ୍ତୁ: ଜାମୁଇ ଘଟଣାରେ ମୁଖ୍ୟ ଅଭିଯୁକ୍ତ ନନ୍ଦନକୁ ଏନକାଉଣ୍ଟର… “ବିହାରରେ ରହିବାକୁ ହେଲେ ସଭ୍ୟ ହୋଇ ରହିବାକୁ ପଡ଼ିବ” 

ଝିଅର ମୃତ୍ୟୁ ପରେ ଏବେ ପରିବାରରେ ଶୋକର ଛାୟା ଖେଳି ଯାଇଛି । ଏହି ଘଟଣାକୁ ନେଇ ପରିବାର ଓ ସ୍ଥାନୀୟ ଲୋକଙ୍କ ମଧ୍ୟରେ ଆକ୍ରୋଶ ରହିଛି । ସୂଚନା ଅନୁସାରେ, ସୋନ ତିୱାରୀ ବଳରାମପୁର ନଗରରେ ଭଡ଼ା ଘରେ ରହି ଝିଅକୁ ପାଠ ପଢ଼ାଉଥିଲେ । ତେବେ, ଝିଅଟିର ମୃତ୍ୟୁ କେଉଁ କାରଣରୁ ହେଲା ତାହା ତଦନ୍ତ ପରେ ଜଣାପଡ଼ିବ ବୋଲି ପୋଲିସ କହିଛି ।