ଅର୍ଗସ ବ୍ୟୁରୋ :  ସାଧାରଣତଃ ଭାରତରେ ଅଧିକ ହୱାଇ ଚପଲ ବ୍ୟବହାର କରାଯାଏ । ଯାହାର ମୂଲ୍ୟ ପାଖାପାଖି ୨୦୦ରୁ ୩୦୦ ଅଟେ । ରାସ୍ତା କଡ ଦୋକାନରେ ଏହା ଆହୁରି ଶସ୍ତାରେ ମଧ୍ୟ ୧୦୦ ଟଙ୍କାରେ ମିଳିଥାଏ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ସାଉଦି ଆରବର ଏକ ଦୋକାନରେ ଏହି ଚପଲର ମୂଲ୍ୟ ୧ ଲକ୍ଷ ଟଙ୍କା । ଏହାକୁ ନେଇ ଟ୍ରୋଲ ହେଉଥିବା ଦେଖିବାକୁ ମିଳିଛି । ଏହି ଭିଡିଓରେ ଏକ କାଚ ବାକ୍ସ ମଧ୍ୟରେ ଏପରି ଚପଲ ରଖାଯାଇଥିବା ଦେଖିବାକୁ ମିଳିଛି । 

ଅଧିକ ପଢନ୍ତୁ : ଘର ଉପରେ ଗଡୁଛି ଟ୍ରେନ୍‌

ତେବେ ଏହାକୁ ନେଇ ଜଣେ ଲେଖିଛନ୍ତି, ଭାରତରେ ଏହି ଚପଲ ଆମେ ୩୦ ଟଙ୍କାରେ କିଣିଥାଉ । ସେହିପରି ଆଉ ଜଣେ ଲେଖିଛନ୍ତି, ଶୌଚାଳୟ ଯିବାକୁ ୧ ଲକ୍ଷ ଟଙ୍କା ମୂଲ୍ୟର ଚପଲ ପିନ୍ଧିବାକୁ ପଡିବ ?  ସେହିପରି ଆଉ ଜଣେ ଲେଖିଛନ୍ତି ଭାରତରେ ୬୦ ଟଙ୍କାରେ ମିଳୁଥିବା ଏହି ଚପଲକୁ ଏଠାରେ ୧ ଲକ୍ଷ ଟଙ୍କାରେ ବିକ୍ରିଯାଉଛି । ଏବଂ ଧନୀମାନଙ୍କ ଠାରୁ ଲୁଟ କରାଯାଉଛି । ଏକ ସାଧାରଣ ଶୌଚାଳୟରେ ବ୍ୟବହୃତ ଚପଲକୁ ଏତେ ମୂଲ୍ୟରେ ବିକ୍ରି କରୁଥିବା ବେଳେ ଏହାକୁ ନେଇ ଟ୍ରୋଲ ହେଉଥିବା ଦେଖିବାକୁ ମିଳିଛି ।