Beggars Death / ମୃତ୍ୟୁ ପରେ ଖୋଲିଲା ବାକ୍ସ, ଭିକାରୀଙ୍କ ପାଖରୁ ମିଳିଲା ସାଢେ ଚାରି ଲକ୍ଷ ନଗଦ ଟଙ୍କା

ଭୋକ ଓ ଭୋକିଲାର କରାଳ ରୂପ। ଭିକାରୀଟି ଭିକ ମାଗି ମାଗି ସଞ୍ଚୟ କରିଥିଲା ଧନ। ହେଲେ ସଞ୍ଚୟ ଧନ ଖାଇବାକୁ ନାହିଁ ଭିକାରୀ। ୫୦୦ ଟଙ୍କା କି ୫ ହାଜର ନୁହେଁ, ପାଖାପାଖି ୪ ଲକ୍ଷରୁ ଅଧିକ ଟଙ୍କା ରଖିଥିଲା ଭିକାରୀ। ସଡକ ଦୁର୍ଘଟଣାରେ ଚାଲିଗଲା ଭିକାରୀଙ୍କ ଜୀବନ । ହେଲେ ମୃତ୍ୟୁ ପରେ ମିଳିଲା ଟଙ୍କା ବାକ୍ସ, ଯେଉଁଥିରେ ସେ ରଖିଥିଲେ ସାଢେ ଚାରି ଲକ୍ଷରୁ ଅଧିକ ଟଙ୍କା । କେରଳର ଆଲାପୁଝାରେ ଥିବା ଜଣେ ଭିକାରୀଙ୍କର ସଡକ ଦୁର୍ଘଟଣାରେ ମୃତ୍ୟୁ ହୋଇଥିଲା ।ସୋମବାର ରାତିରେ ଏମିତି ଦୁର୍ଘଟଣା ହୋଇଥିଲା । ଦୁର୍ଘଟଣାରେ ଭିକାରୀ ଜଣକ ଗଭୀର ଆହତ ହେବାପରେ ଏହାପରେ ସ୍ଥାନୀୟ ବାସିନ୍ଦା ତାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ କାହାକୁ କିଛି ସୂଚନା ନଦେଇ ସେହି ବ୍ୟକ୍ତିଜଣକ ନିଜେ ଡାକ୍ତରଖାନାରୁ ଛାଡି ଚାଲି ଯାଇଥିଲେ । ସେହି ବ୍ୟକ୍ତି ଜଣକ ନିଜର ନାଁ ଡାକ୍ତରଖାନାରେ ଅନିଲ କିଶୋର ବୋଲି କହିଥିଲେ ।

ତେବେ ମଙ୍ଗଳବାର ସକାଳେ କିଶୋରଙ୍କ ମୃତଦେହ ଏକ ଦୋକାନ ବାହାରୁ ମିଳିଥିଲା । ଆଉ ତାଙ୍କ ମୃତଦେହ ପାଖରେ ଥିଲା ଏକ ବାକ୍ସ । ସ୍ଥାନୀୟ ପଞ୍ଚାୟତ ସଦସ୍ୟ ଫିଲିପ ଉମ୍ମାନଙ୍କ ଉପସ୍ଥିତିରେ ବାକ୍ସଟି ଖୋଲିବା ପରେ ଆଶ୍ଚର୍ଯ୍ୟ ହୋଇଥିଲେ ଉପସ୍ଥିତ ଥିବା ଅଧିକାରୀ । ବାକ୍ସରୁ ନଗଦ ମିଳିଥିଲା ସାଢେ ୪ ଲକ୍ଷରୁ ଅଧିକ ଟଙ୍କା । ସେଥିରେ ନିଷିଦ୍ଧ ହୋଇଥିବା ୨୦୦୦ ଟଙ୍କିଆ ନୋଟ୍ ସହ ବିଦେଶୀ ମୁଦ୍ରା ମଧ୍ୟ ରହିଛି ।

ଏଥିସହ ପଢ଼ନ୍ତୁ: ନିର୍ବନ୍ଧରେ ଉପସ୍ଥିତ ସାଧୁସନ୍ଥ, କର୍କଟ ରୋଗୀଙ୍କ ପାଇଁ ଦାନହୁଣ୍ଡି

ତେବେ କିଶୋର ସେହି ସ୍ଥାନରେ ପ୍ରତିଦିନ ଭିକ୍ ମାଗି ଚଳୁଥିଲେ । ସେ ଲୋକଙ୍କୁ ଟଙ୍କା ଏବଂ ଖାଦ୍ୟ ପାଇଁ ଅଲଗା ଖର୍ଚ୍ଚ ମାଗୁଥିଲେ । କାହାରିକୁ ଜଣାନଥିଲା କିଶୋରଙ୍କ ପାଖରେ ଏତେ ପରିମାଣର ଟଙ୍କା ଅଛି । ଏହି ଟଙ୍କା ନଗଦ ଆକାରରେ ମିଳିଥିବା ବେଳେ ଆହୁରି ଟଙ୍କା ତାଙ୍କ ପାଖରେ ଅନ୍ୟ କେଉଁଠି ଥାଇପାରେ ବୋଲି ସନ୍ଦେହ କରୁଛି ପୋଲିସ । ପୋଲିସ ଆହୁରି ମଧ୍ୟ କହିଛି, ତାଙ୍କ ପରିବାରର କୌଣସି ସଦସ୍ୟ ସେହି ଟଙ୍କାକୁ ନେଇ ଦାବି କରିବାକୁ ନଆସିଲେ ଏହି ଟଙ୍କାକୁ କୋର୍ଟରେ ହସ୍ତାନ୍ତର କରାଯିବ । ସେପଟେ କିଶୋରଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଯାଇଛି । ଏଖବର ସମସ୍ତଙ୍କୁ ଆଶ୍ଚର୍ଯ୍ୟ କରୁଥିବାବେଳେ ଜଣେ ଭିକାରୀ ହୋଇ ତାପାଖରେ ଏତେ ଟଙ୍କା ରହିଛି ହେଲେ ଗୋଟେ ସାଧାରଣ ଲୋକ କଣ ଏତେ ଟଙ୍କା ସଞ୍ଚୟ କରି ରଖିପାରୁଛି।