ଫେବୃଆରୀ ୧୨ ତାରିଖରେ ଭାରତ ବନ୍ଦ ଡାକରା । ପୁଣି ହେବ ଅଖ ଚକ ଜାମ୍ । କେନ୍ଦ୍ରୀୟ ବାଣିଜ୍ୟ ସଂଗଠନ ଏହି ବନ୍ଦ ଡାକରା ଦେଇଥିବା ବେଳେ ୧୦ରୁ ଅଧିକ ସଂଗଠନ ଏହାକୁ ସମର୍ଥନ ଦେଇଛନ୍ତି । ସେହିଭଳି ବ୍ୟାଙ୍କ ଆସୋସିଏସନ୍‌ ମଧ୍ୟ ବନ୍ଦକୁ ପୂର୍ଣ୍ଣ ସମର୍ଥନ ଦେଇଛି । ତେଣୁ ଭାରତ ବନ୍ଦର ପ୍ରଭାବ ଦେଖିବାକୁ ମିଳିପାରେ ।

ଫେବୃଆରୀ ୧୨ ତାରିଖରେ ହେବାକୁ ଥିବା ଭାରତ ବନ୍ଦ ଆନ୍ଦୋଳନର ଡାକରା ଦେଇଛି କେନ୍ଦ୍ରୀୟ ବାଣିଜ୍ୟ ସଂଗଠନ । ତେବେ ଏହାକୁ ଅନେକ ସଂଗଠନ ସମର୍ଥନ ମଧ୍ୟ ଜଣାଇଛନ୍ତି । ତେବେ ଏହି ବନ୍ଦ ଡାକରାକୁ ଅନେକ ଚାଷୀ ସଂଗଠନ ସମର୍ଥନ ଜଣାଇଛନ୍ତି ।

ଫେବୃଆରୀ ୧୨ରେ କ'ଣ ବନ୍ଦ ରହିବ ?
ଭାରତ ବନ୍ଦ ଡାକରା ଦିଆଯାଇଥିବାରୁ ବ୍ୟାଙ୍କ ସେବା ବନ୍ଦ ରହିବାର ଯଥେଷ୍ଟ ସମ୍ଭାବନା ରହିଛି । ସେହିଭଳି ବିଭିନ୍ନ ରାଜ୍ୟରେ ସରକାରୀ କାର୍ଯ୍ୟାଳୟ ବନ୍ଦ ରହିପାରେ । କିଛି ଅଞ୍ଚଳରେ ସାର୍ବଜନୀନ ପରିବହନ ସେବାରେ ବାଧା ଆସିପାରେ । ସେହିଭଳି କିଛି ସ୍ଥାନରେ ସ୍କୁଲ, କଲେଜ୍ ମଧ୍ୟ ବନ୍ଦ ରହିବାର ସମ୍ଭାବନା ରହିଛି ।

କିଛି ଅଞ୍ଚଳରେ ଶିକ୍ଷାନୁଷ୍ଠାନ ବନ୍ଦ ରହିପାରେ । ବିରୋଧ ପ୍ରଦର୍ଶନ ହେଉଥିବା ଅଞ୍ଚଳରେ ବଜାର ଏବଂ ଦୋକାନଗୁଡ଼ିକ ମଧ୍ୟ ବନ୍ଦ ରହିପାରେ । ସେହିଭଳି କିଛି ସ୍ଥାନରେ ସମ୍ଭାବ୍ୟ ରାସ୍ତା ବନ୍ଦ ଭଳି ସ୍ଥିତି ଦେଖିବାକୁ ମିଳିବ । ଓଡ଼ିଶାରେ ମଧ୍ୟ ଭାରତ ବନ୍ଦର ପ୍ରଭାବ ଦେଖିବାକୁ ମିଳିପାରେ ।

କଣ ଖୋଲା ରହିବ?
ଘରୋଇ କାର୍ଯ୍ୟାଳୟ ଖୋଲା ରହିପାରେ । ହସ୍ପିଟାଲ ଏବଂ ଆମ୍ବୁଲାନ୍ସ ଭଳି ଜରୁରୀକାଳୀନ ସେବା ବନ୍ଦରୁ ବାଦ୍ ପଡିବେ । ବିମାନବନ୍ଦର ଏବଂ ଅତ୍ୟାବଶ୍ୟକୀୟ ସାମଗ୍ରୀ ପରିବହନ ହୋଇପାରିବ । ଅନଲାଇନ୍ ବ୍ୟାଙ୍କିଂ ଏବଂ ATM ସେବା ଜାରି ରହିବ ।
କେନ୍ଦ୍ର ସରକାରଙ୍କ ୪ଟି ନୂଆ ଲେବର୍‌ କୋଡକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଛି । ସୂଚନା ଯେ, ପୂର୍ବ ବର୍ଷ ମୋଟ ୨୯ଟି ଲେବର୍‌ ଲ'କୁ ସରକାର ବଦଳାଇଥିଲେ । ଆଉ ଏହା ବଦଳରେ ୪ଟି ନୂଆ ଲେବର କୋଡ ଆଣିଥିଲେ । ତେବେ ଏହାକୁ ବିରୋଧ କରି ଭାରତ ବନ୍ଦ ଡାକରା ଦିଆଯାଇଛି ।

ୟୁନିଅନ ନେତାମାନଙ୍କ ମତରେ, ଏହି ଶ୍ରମ ସଂହିତା ଶ୍ରମିକଙ୍କ ଅଧିକାରକୁ ଦୁର୍ବଳ କରିବ । ନିଯୁକ୍ତିଦାତାମାନଙ୍କ ପାଇଁ କର୍ମଚାରୀମାନଙ୍କୁ ନିଯୁକ୍ତି ଏବଂ ବହିଷ୍କାର କରିବା ସହଜ କରିବ । ସେମାନେ ଘରୋଇକରଣ, ମଜୁରୀ, ସାମାଜିକ ସୁରକ୍ଷାର ଅଭାବ ଏବଂ ଶ୍ରମିକ ବର୍ଗ ଉପରେ ଚାପ ବୃଦ୍ଧି କରୁଥିବା ବିଷୟରେ ମଧ୍ୟ ଚିନ୍ତା ପ୍ରକାଶ କରିଛନ୍ତି।
ସଂଯୁକ୍ତ କିଷାନ ମୋର୍ଚ୍ଚା (SKM) ଏବଂ ଅଖିଳ ଭାରତୀୟ କିଷାନ ସଭା (AIKS) ସମେତ କୃଷକ ସଂଗଠନଗୁଡ଼ିକ ଏହି ଧର୍ମଘଟକୁ ପୂର୍ଣ୍ଣ ସମର୍ଥନ ଦେଇଛନ୍ତି। ଭାରତ ଏବଂ ଆମେରିକା ମଧ୍ୟରେ ନିକଟରେ ହୋଇଥିବା ବାଣିଜ୍ୟ ଚୁକ୍ତିନାମା ବା ଟ୍ରେଡ୍‌ ଡିଲ୍‌କୁ ନେଇ ଖପ୍ପା ହୋଇଛନ୍ତି ସଂଗଠନ । 

ଏଥିସହ ପଢ଼ନ୍ତୁ: କୋଚି ୱାଟର ମେଟ୍ରୋ ପରିଦର୍ଶନ କଲେ ଭୁବନେଶ୍ୱର ଗଣମାଧ୍ୟମ ପ୍ରତିନିଧି

ବ୍ୟାଙ୍କ ସେବା ପ୍ରଭାବିତ ହେବାର ସମ୍ଭାବନା
ଫେବୃଆରୀ ୧୨ ତାରିଖରେ ବ୍ୟାଙ୍କ ସେବା ସବୁଠାରୁ ଅଧିକ ପ୍ରଭାବିତ ହେବ ବୋଲି ଆଶା କରାଯାଉଛି। ସାର୍ବଜନୀନ କ୍ଷେତ୍ରର ବ୍ୟାଙ୍କଗୁଡ଼ିକର କର୍ମଚାରୀ ଏବଂ ଅଧିକାରୀମାନେ ଏହି ଧର୍ମଘଟରେ ସାମିଲ ହେବା ଘୋଷଣା କରିଛନ୍ତି। ଅଲ୍ ଇଣ୍ଡିଆ ବ୍ୟାଙ୍କ କର୍ମଚାରୀ ସଂଘ (AIBEA), AIBOA ଏବଂ BEFI ସମେତ ପ୍ରମୁଖ ବ୍ୟାଙ୍କ ୟୁନିଅନଗୁଡ଼ିକ ପ୍ରତିବାଦରେ ଯୋଗଦେବାକୁ କର୍ମଚାରୀଙ୍କୁ କରିଛନ୍ତି।

ଜାନୁଆରୀ ୨୭ ତାରିଖରେ ବ୍ୟାଙ୍କ କର୍ମଚାରୀଙ୍କ ଦେଶବ୍ୟାପୀ ଧର୍ମଘଟ ପରେ, ଏହା ଗୋଟିଏ ମାସରୁ କମ୍ ସମୟ ମଧ୍ୟରେ ଦ୍ୱିତୀୟ ବଡ଼ ବ୍ୟାଙ୍କ ଧର୍ମଘଟ ହେବ। ଗ୍ରାହକମାନେ ଶାଖା କାର୍ଯ୍ୟ, ଚେକ୍ କ୍ଲିୟରାନ୍ସ, ନଗଦ ଜମା ଏବଂ ଉଠାଣ ଏବଂ ଅନ୍ୟାନ୍ୟ ନିୟମିତ ବ୍ୟାଙ୍କ ସେବାରେ ଅସୁବିଧାର ସମ୍ମୁଖୀନ ହୋଇପାରନ୍ତି ।