ପ୍ରତ୍ୟେକ ବ୍ୟକ୍ତିଙ୍କ ପାଇଁ ଜନ୍ମଦିନ ହେଉଛି ଏକ ସ୍ବତନ୍ତ୍ର ଦିନ । ବର୍ଷକରେ ଏହି ଗୋଟିଏ ଦିନକୁ ସମସ୍ତେ ଧୁମଧାମରେ ପାଳନ କରିଥାନ୍ତି । ଆଉ ବେଳେବେଳେ ଜନ୍ମଦିନର ପ୍ରାଙ୍କ୍‌ ଏତେ ଭୟଙ୍କର ହୋଇଥାଏ ଯେ ବ୍ୟକ୍ତି ଜଣକ ଜୀବନ ସାରା ଏହାକୁ ମନେ ରଖିଥାଏ ।

ବିଶେଷକରି ସାଙ୍ଗମାନଙ୍କ ସହ ଜନ୍ମଦିନ ପାଳନ ସମୟରେ ବହୁତ ମଜା ହୋଇଥାଏ । ଆଉ ବେଳେବେଳେ ଏହି ମଜା ଏତେ ଘାତକ ହୋଇପାରେ ଯେ ଏହା ଜୀବନ ମଧ୍ୟ ନେଇପାରେ । ଏପରି ଏକ ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ଯେଉଁଥିରେ ଦେଖିବାକୁ ମିଳୁଛି ଯେ କିଛି ବ୍ୟକ୍ତି ତାଙ୍କ ବନ୍ଧୁଙ୍କ ଜନ୍ମଦିନ କେକ୍‌ରେ ଏକ ବାଣ ଲୁଚାଇ ରଖନ୍ତି । ଆଉ ଯେତେବେଳେ ସେ କେକ୍‌ କାଟିବା ପୂର୍ବରୁ ମହମବତୀରେ ନିଆଁ ଲଗାନ୍ତି ସେ ସମୟରେ ଏକ ବଡ଼ ଧରଣର ବିସ୍ଫୋରଣ ହୋଇଥାଏ ।

View this post on Instagram

A post shared by Ganesh Shinde (@ganesh_shinde8169)

ବାସ୍ତବରେ ସୋସିଆଲ ମିଡିଆରେ ଏକ ଭିଡିଓ ଦ୍ରୁତ ଗତିରେ ଭାଇରାଲ ହେଉଛି ଯେଉଁଥିରେ କିଛି ପୁଅ ତାଙ୍କ ବନ୍ଧୁଙ୍କ ଜନ୍ମଦିନରେ ତାଙ୍କୁ ସରପ୍ରାଇଜ୍‌ କରିବା ପାଇଁ ଏକ କେକ୍‌ ଏବଂ ଅନ୍ୟାନ ଜିନିଷ କିଣନ୍ତି । ତା'ପରେ ସେମାନେ ସେହି କେକ୍‌ ମଧ୍ୟରେ ଏକ ବଡ଼ ବାଣ ଲୁଚାଇ ରଖନ୍ତି । ପରେ ଏହାକୁ କ୍ରିମ୍ ସହିତ ଘୋଡ଼ାଇ ଦିଅନ୍ତି । ତା'ପରେ ସମସ୍ତେ ଏକାଠି ହୁଅନ୍ତି ଆଉ ତାଙ୍କ ବନ୍ଧୁଙ୍କ ସମ୍ମୁଖରେ କେକ୍ ରଖନ୍ତି ଏବଂ ସେଥିରେ ଲାଗିଥିବା ମହମବତୀ ଜଳାଇବାକୁ କୁହନ୍ତି । ନିଆଁ ଜଳିବା ମାତ୍ରେ ଦୃଶ୍ୟ ସମ୍ପୂର୍ଣ୍ଣ ପରିବର୍ତ୍ତନ ହୋଇଯାଏ ।

ଯେତେବେଳେ ବନ୍ଧୁମାନେ କେକକୁ ନିଆଁ ଲଗାଇବାକୁ କହିଲେ, ସେତେବେଳେ ଯେଉଁ ବ୍ୟକ୍ତିଙ୍କ ଜନ୍ମଦିନ ଥିଲା ସେ ମହମବତୀରେ ନିଆଁ ଲଗାଇଥିଲେ । ଆଉ ନିଆଁ ଜଳିବା ମାତ୍ରେ କେକ୍‌ ଭିତରେ ଥିବା ବାଣ ଫୁଟିଥିଲା । କେକ୍ ଏତେ ଜୋରରେ ବିସ୍ଫୋରଣ ହେଲା ଯେ ସମ୍ପୂର୍ଣ୍ଣ କ୍ୟାମେରା ଫ୍ରେମ ନିଆଁରେ ଘୋଡ଼ାଇ ହୋଇଗଲା । ସେଠାରେ ଯେଉଁମାନେ ଉପସ୍ଥିତ ଥିଲେ ଏବଂ ଜନ୍ମଦିନ ଯାହାର ଥିଲା ସେମାନେ ତୁରନ୍ତ ଘଟଣାସ୍ଥଳରୁ ଦୌଡ଼ି ପଳାଇଗଲେ । ଆଉ ଏହି ସମୟର ଭିଡିଓ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି ।

ganesh_shinde8169 ନାମକ ଏକ ଇନଷ୍ଟାଗ୍ରାମ ଆକାଉଣ୍ଟ ଦ୍ୱାରା ସେୟାର କରାଯାଇଥିବା ଏହି ଭିଡିଓକୁ ବର୍ତ୍ତମାନ ସୁଦ୍ଧା ଲକ୍ଷ ଲକ୍ଷ ଲୋକ ଦେଖିସାରିଛନ୍ତି । ଅନେକ ଭିଡିଓଟିକୁ ପସନ୍ଦ କରିଛନ୍ତି। ସୋସିଆଲ ମିଡିଆ ୟୁଜର୍ସମାନେ ଏବେ ଏହି ଭିଡିଓ ଉପରେ ବିଭିନ୍ନ ପ୍ରକାର ପ୍ରତିକ୍ରିୟା ଦେଉଛନ୍ତି ।