ପଞ୍ଜାବରେ ଭାରତୀୟ ଜନତା ପାର୍ଟି କାର୍ଯ୍ୟାଳୟ ବାହାରେ ବିସ୍ଫୋରଣ ହୋଇଥିବା ଖବର ସାମ୍ନାକୁ ଆସିଛି । ବିସ୍ଫୋରଣ ହେବା ପରେ ବିଜେପି କାର୍ଯ୍ୟାଳୟ ବାହାରେ ଆତଙ୍କ ସୃଷ୍ଟି ହୋଇଥିଲା । ତେବେ ଏହି ଘଟଣାରେ କୌଣସି ବ୍ୟକ୍ତି ଆହତ ହୋଇନାହାନ୍ତି। ପ୍ରାୟ ଅଧ ଘଣ୍ଟା ପୂର୍ବରୁ ଚଣ୍ଡିଗଡ଼ର ସେକ୍ଟର ୩୭ରେ ଅବସ୍ଥିତ ବିଜେପି କାର୍ଯ୍ୟାଳୟ ବାହାରେ ବିସ୍ଫୋରଣ ଘଟିଥିଲା । ପୋଲିସ ବିସ୍ଫୋରଣର ପଛର କାରଣ ଜାଣିବା ପାଇଁ ତଦନ୍ତ ଜାରି ରଖିଛି । କୁହାଯାଉଛି ଯେ ବିସ୍ଫୋରଣ ବହୁତ ବଡ଼ ନଥିଲା ।

ଜାତୀୟ ଗଣମାଧ୍ୟମର ସୂଚନା ଅନୁସାରେ, ବିସ୍ଫୋରଣ ପରେ ପଞ୍ଜାବ ବିଜେପି କାର୍ଯ୍ୟାଳୟ ବାହାରେ ସିଆରପିଏଫ କର୍ମଚାରୀଙ୍କୁ ମୁତୟନ କରାଯାଇଛି । ତେବେ ବିସ୍ଫୋରଣର କାରଣ ଏପର୍ଯ୍ୟନ୍ତ ଜଣାପଡିନାହିଁ । ପୋଲିସ ଓ ଅଗ୍ନିଶମ ଗାଡ଼ି ମଧ୍ୟ ଘଟଣାସ୍ଥଳରେ ପହଞ୍ଚିଛି । ପୂରା ଅଞ୍ଚଳକୁ ସିଲ୍‌ କରି ତଦନ୍ତ ଜାରି ରଖିଛି ପୋଲିସ ।