Vande Mataram Resolution / ନିତିନ ନବୀନଙ୍କ ନୂଆ ଟିମର ପ୍ରଥମ ବୈଠକ, ଜାତୀୟ ଗୀତ ବନ୍ଦେ ମାତରମକୁ ନେଇ ପାରିତ ହେଲା ୧୦ ପ୍ରସ୍ତାବ

ନୂଆଦିଲ୍ଲୀରେ ନବଗଠିତ ବିଜେପି ରାଷ୍ଟ୍ରୀୟ ପଦାଧିକାରୀଙ୍କ ପ୍ରଥମ ବୈଠକରେ ଏକ ବଡ଼ ଏବଂ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ଭାରତୀୟ ସ୍ବାଧୀନତା ସଂଗ୍ରାମର ମୂଲ୍ୟବାନ ପ୍ରତୀକ ଜାତୀୟ ଗୀତ 'ବନ୍ଦେ ମାତରମ୍'କୁ ନେଇ କଂଗ୍ରେସର ନୀତିକୁ କଡ଼ା ନିନ୍ଦା କରାଯିବା ସହ ବୈଠକରେ ୧୦ ସୂତ୍ରୀ ପ୍ରସ୍ତାବ ପାରିତ ହୋଇଛି । ପାର୍ଟି ସ୍ପଷ୍ଟ କରିଛି ଯେ ଗାଁରୁ ସହର ପର୍ଯ୍ୟନ୍ତ ସବୁଠି 'ବନ୍ଦେ ମାତରମ୍'ର ଗୌରବମୟ ଐତିହ୍ୟକୁ ବର୍ଣ୍ଣିତ କରାଯିବ ଏବଂ ୨୦୪୭ ମସିହାର ବିକଶିତ ଭାରତ'ର ଏହା ଭବ୍ୟ ଉଦ୍‌ଘୋଷ ହେବ ।

ନୂଆଦିଲ୍ଲୀରେ ନବ ଗଠିତ ବିଜେପି ରାଷ୍ଟ୍ରୀୟ ପଦାଧିକାରୀଙ୍କ ପ୍ରଥମ ବୈଠକରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି । ଭାରତୀୟ ସ୍ବାଧୀନତା ସଂଗ୍ରାମରେ ଗୁରୁତ୍ବପୂର୍ଣ୍ଣ ଭୂମିକା ନେଇଥିବା ବନ୍ଦେ ମାତରମକୁ ନେଇ ପାରିତ ହୋଇଛି ୧୦ ସୂତ୍ରୀ ପ୍ରସ୍ତାବ । ଏହି ଜାତୀୟ ଗୀତକୁ ସମ୍ମାନ ଓ ଏହାର ଗୌରବମୟ ଐତିହ୍ୟକୁ ରକ୍ଷା କରିବା ପାଇଁ ନିଆଯିବ ଗୁରୁତ୍ବପୂର୍ଣ୍ଣ ପଦେକ୍ଷେପ । ଗାଁଠୁ ସହର ସବୁଠି ଗୁଞ୍ଜରିତ ହେବ ବନ୍ଦେ ମାତରମ୍ । ୧୯୪୭ରେ ସ୍ବାଧୀନତାର ବିଜୟ ଘୋଷ ଥିବା ଏହି ଜାତୀୟ ଗୀତ ପିଏମ ମୋଦିଙ୍କ ନେତୃତ୍ବରେ ହେବାକୁ ଯାଉଥିବା ୨୦୪୭ ବିକଶିତ ଭାରତର ମଧ୍ୟ ଭବ୍ୟ ଉଦଘୋଷ ହେବ । କଂଗ୍ରେସ ଓ୍ବାର୍କିଂ କମିଟି ବୈଠକରେ ବନ୍ଦେ ମାତରମର ପ୍ରଥମ ଦୁଇଟି ପଂକ୍ତି ଗାନ ଲାଗି କଂଗ୍ରେସର ନିଷ୍ପତ୍ତିକୁ ନିନ୍ଦା କରାଯାଇଛି । ଏହା ବନ୍ଦେ ମାତରମକୁ ସଂକୁଚିତ କରାଯାଇଥିବା ବେଳର ପୃଷ୍ଠଭୂମିକୁ ମନେପକାଉଛି । କଂଗ୍ରେସର ତୁଷ୍ଟୀକରଣ ରାଜନୀତିକୁ ସାରା ଦେଶ ଦେଖୁଛି ବୋଲି କହିଛି ବିଜେପି ।

ଏବେ ନଜର ପକାଇବା ରାଷ୍ଟ୍ରୀୟ ପଦାଧିକାରୀ ବୈଠକରେ ହୋଇଥିବା ପ୍ରସ୍ତାବ ଉପରେ
୧- ବନ୍ଦେ ମାତରମର ପ୍ରଥମ ୨ ପଂକ୍ତି ଗାନ ଲାଗି କଂଗ୍ରେସର ନିଷ୍ପତ୍ତିକୁ ନିନ୍ଦା
୨- ବନ୍ଦେ ମାତରମକୁ ଭାରତର ରାଷ୍ଟ୍ରୀୟ ଚେତନାର ଅମର ପ୍ରତୀକ ମାନ୍ୟତା
୩- `ଜନ ଗଣ ମନ' ପରି ରାଷ୍ଟ୍ରୀୟ ଗୀତ ବନ୍ଦେ ମାତରମଂକୁ ସମାନ ନ୍ୟାୟିକ ସୁରକ୍ଷାକୁ ସମର୍ଥନ
୪- ରାଷ୍ଟ୍ରୀୟ ଗୀତକୁ ରାଜନୈତିକ ତୁଷ୍ଟୀକରଣ, ଭୋଟ ବ୍ୟାଙ୍କ ରାଜନୀତି ଭାବେ ବ୍ୟବହାରକୁ ବିରୋଧ
୫- CWCର କୌଣସି ପ୍ରସ୍ତାବ ଭାରତର ସାଂବିଧାନିକ ସଂସ୍ଥା ଓ ସଂସଦର ନିଷ୍ପତ୍ତିଠୁ ଉର୍ଦ୍ଧ୍ବରେ ନୁହେଁ
୬- ଏହା ବନ୍ଦେ ମାତରମକୁ ସଂକୁଚିତ କରାଯାଇଥିବା ବେଳର ପୃଷ୍ଠଭୂମିକୁ ମନେପକାଉଛି
୭- ବନ୍ଦେ ମାତରମକୁ ମହାତ୍ମା ଗାନ୍ଧୀଙ୍କ 'ସବୁଠାରୁ ଶୁଦ୍ଧ ରାଷ୍ଟ୍ରୀୟ ଗାନ' ଆଖ୍ୟାକୁ ଘରେ ଘରେ ପହଞ୍ଚାଯିବ
୮- ବିଜେପି କାର୍ଯ୍ୟକର୍ତ୍ତାଙ୍କ ଦ୍ବାରା ବନ୍ଦେ ମାତରମ୍‌ର ଇତିହାସ, ଅର୍ଥ ଓ ମହତ୍ତ୍ବ ଘରେ ଘରେ ପହଞ୍ଚାଯିବ
୯- ଯୁବ ପିଢିଙ୍କ ମଧ୍ୟରେ ଛ' ପଂକ୍ତି ବିଶିଷ୍ଟ ଜାତୀୟ ଗୀତର ମହତ୍ତ୍ବ ପ୍ରସାର ଲାଗି ଅଭିଯାନ ଆରମ୍ଭ ହେବ
୧୦- ରାଜନୈତିକ ଫାଇଦା ଓ ତୁଷ୍ଟୀକରଣ ଲାଗି ଏହାର ସମ୍ମାନ ସହ କୌଣସି ସାଲିସ୍‌ କରାଯିବନି

ପୂର୍ବରୁ CWCରେ ସଂକଳ୍ପକୁ ନେଇ କଂଗ୍ରେସର ତୁଷ୍ଟୀକରଣ ରାଜନୀତିକୁ ଅମିତ ଶାହଙ୍କ କଡ଼ା ସମାଲୋଚନା କରିଥିଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସଂସଦରେ ପାରିତ ଆଇନକୁ ମାନୁ ନଥିବାରୁ ଦେଶ ବିରୋଧୀ କହି ତୀବ୍ର ନିନ୍ଦା କରିଥିଲେ ।

ବନ୍ଦେ ମାତରମ୍’କୁ ନେଇ କଂଗ୍ରେସର ତୁଷ୍ଟୀକରଣ ରାଜନୀତିକୁ ତୀବ୍ର ସମାଲୋଚନା କରିଛନ୍ତି ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ ପୋଷ୍ଟ କରି ସେ ଲେଖିଥିଲେ, କଂଗ୍ରେସ କାର୍ଯ୍ୟକାରିଣୀ କମିଟି ‘ବନ୍ଦେ ମାତରମ୍’ର ପୂର୍ଣ୍ଣ ଗାନରୁ ଓହରିଯିବା ପାଇଁ ନେଇଥିବା ନିଷ୍ପତ୍ତି କେବଳ ଏକ ରାଜନୈତିକ ନିଷ୍ପତ୍ତି ନୁହେଁ ବରଂ ଏହା ସେମାନଙ୍କର ପୁରୁଣା ତୁଷ୍ଟୀକରଣ ନୀତିର ପୁନରାବୃତ୍ତି ।