ରାହୁଲଙ୍କ ବାସଭବନକୁ ୧କେଜିର ଜଲେବି ପଠାଇଲା ବିଜେପି
ଅର୍ଗସ ବ୍ୟୁରୋ : ହରିୟାଣାର ଐତିହାସିକ ବିଜୟ ପରେ ବିଜେପି କାର୍ଯ୍ୟକର୍ତ୍ତାଙ୍କ ମଧ୍ୟରେ ବେଶ ଖୁସିର ମାହୋଲ ଦେଖିବାକୁ ମିଳିଛି । ଏହାକୁ ନେଇ ସବୁ ବିଜେପି କାର୍ଯ୍ୟାଳୟରେ ଚାଲିଛି ସେଲିବ୍ରେସନ । ଏହା ଭିତରେ ବିଜେପିର କାର୍ଯ୍ୟକର୍ତ୍ତାମାନେ ରାହୁଲ ଗାନ୍ଧିଙ୍କ ବାସଭବନକୁ ଏକ କିଲୋ ଜଲେବି ପଠାଇଛନ୍ତି । ଯାହାର ଏକ ସ୍କ୍ରିନସଟ୍ ମଧ୍ୟ ହରିୟାଣା ବିଜେପି ଅଫିସିଆଲ ଆକାଉଣ୍ଟ ତାର ଏକ୍ସ ହ୍ୟାଣ୍ଡେଲରେ ଶେୟାର କରିଛି ।
भारतीय जनता पार्टी हरियाणा के समस्त कार्यकर्ताओं की तरफ से राहुल गांधी जी के लिए उनके घर पर जलेबी भिजवा दी है🙏🏻 pic.twitter.com/Xi8SaM7yBj
📱 Get Argus News App
✨ପୂର୍ବରୁ ରାହୁଲ ଗାନ୍ଧୀ ହରିୟାଣାର ପ୍ରସିଦ୍ଧ ମାତୁରାମ ହାଲୱାଇଙ୍କ ପ୍ରସିଦ୍ଧ ଜଲେବି ନେଇ ଏକ ଟିପ୍ପଣୀ ରଖିଥିଲେ । ସେ କହିଥିଲେ ଫ୍ୟାକ୍ଟ୍ରିରେ ତିଆରେ ହେଲେ ଅଧିକ ଲୋକ କାମ କରି ପାରିବେ । ଯାହାକୁ ନେଇ କଟାକ୍ଷ କରିଥିଲା ବିଜେପି । ଏବେ ବିଜେପରି ହରିୟାଣାରେ ଦମଦାର ବିଜୟ ପରେ ରାହୁଲ ଗାନ୍ଧିଙ୍କୁ କଟାକ୍ଷ କରି ତାଙ୍କ ବାସ ଭବନକୁ ଏକ କିଲୋ ଜଲେବି ପଠାଯିବାର ବ୍ୟବସ୍ଥା କରିଛନ୍ତି ବିଜେପି କାର୍ଯ୍ୟକର୍ତ୍ତା । ଯାହାର ମୂଲ୍ୟ ରହିଛି ୬୩୦ ଟଙ୍କା । ବିଜେପିର ଅଫିସିଆଳ ଆକାଉଣ୍ଟ ଦ୍ବାରା ଏହି ସ୍କ୍ରିନସଟ୍ ସୋସିଆଲ ମିଡିଆରେ ଶେୟାର ହେବାପରେ ଏବେ ସୋସିଆଲ ମିଡିଆରେ ରାହୁଲଙ୍କ ଜଲେବି ପ୍ରସଙ୍ଗ ନେଇ ଖୁବ ଚର୍ଚ୍ଚା ଲାଗି ରହିଛି ।