ନୂଆ ମତଦାତଙ୍କୁ ଦଳ ସହ ଯୋଡ଼ିବା ଲାଗି ବିଜେପିର ବଡ଼ ପ୍ଲାନ୍
ଅର୍ଗସ ବ୍ୟୁରୋ : ନ୍ୟାସନାଲ ଭୋଟର୍ସ ଡେରେ ନୂଆ ମତଦାତଙ୍କୁ ଦଳ ସହ ଯୋଡ଼ିବା ଲାଗି ବିଜେପିର ବଡ଼ ପ୍ଲାନ୍ । ଏଥିପାଇଁ ଗୁରୁବାର ଦଳ ପକ୍ଷରୁ ଆୟୋଜନ କରାଯାଇଛି ନମୋ ନବ ମତଦାତା ସମ୍ମିଳନୀ । ଏଥିରେ ଦେଶର ୫୦ ଲକ୍ଷ ନୂଆ ଭୋଟରଙ୍କୁ ଭର୍ଚୁଆଲି ସମ୍ବୋଧନ କରିବେ ପ୍ରଧାନମନ୍ତ୍ରୀ । ସେମାନଙ୍କ ସହ ସିଧାସଳଖ କଥାବାର୍ତ୍ତା ମଧ୍ୟ ହେବେ ମୋଦି । ଏଥିପାଇଁ ଦେଶର ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ୫ ହଜାର ସ୍ଥାନରୁ ଯୋଡ଼ିହେବେ ନୂଆ ଭୋଟର । ଓଡ଼ିଶାରେ ମଧ୍ୟ ଏଥିପାଇଁ ହୋଇଛି ବ୍ୟାପକ ଆୟୋଜନ । ରାଜ୍ୟର ୧୪୭ ବିଧାନସଭା କ୍ଷେତ୍ରର ୨୫୦ ସ୍ଥାନରୁ ନମୋ ନବ ମତଦାତା ସମ୍ମିଳନୀରେ ଯୋଡ଼ି ହେବେ ପ୍ରାୟ ଅଢେଇ ଲକ୍ଷ ନୂଆ ଭୋଟର । ଏହି ସମ୍ମିଳନୀକୁ ନେଇ ଉତ୍ସାହିତ ଅଛନ୍ତି ନୂଆ ଭୋଟର । ବିଜେପି ପକ୍ଷରୁ ଏଥିପାଇଁ ବ୍ୟାପକ ଆୟୋଜନ ମଧ୍ୟ କରାଯାଇଛି ।
ଏହି ନମୋ ନବ ମତଦାତା ସମ୍ମିଳନୀରେ ବିକଶିତ ଭାରତ କାର୍ଯ୍ୟକ୍ରମର ଆମ୍ବାସର୍ଡର ବନିବା ପାଇଁ ନୂଆ ଭୋଟରଙ୍କୁ ଉତ୍ସାହିତ କରାଯିବ । ଯେଉଁମାନେ ଆମ୍ବାସର୍ଡର ବନିବାକୁ ଚାହିଁବେ ନମୋ ଆପ୍ ଇନଷ୍ଟଲ କରି ଆମ୍ବାସର୍ଡର ବନିପାରିବେ । ପୂର୍ବରୁ ମଧ୍ୟ ଯୁବ ଭୋଟରଙ୍କ ଉପରେ ଫୋକସ କରିଆସିଛି ବିଜେପି । ଚଳିତ ଲୋକସଭା ନିର୍ବାଚନରେ ୪୦୦ରୁ ଅଧିକ ଆସନ ସହ ୫୧ ପ୍ରତିଶତ ଭୋଟ୍ ହାସଲ କରିବାକୁ ଲକ୍ଷ୍ୟ ରଖିଛି ଦଳ । ଏହାର ଆଧାର ବନିବେ ଯୁବ ଭୋଟର ।
ଅଧିକ ପଢନ୍ତୁ ଭାରତ ଖବର
📱 Get Argus News App
✨ନିକଟରେ ଶେଷ ହୋଇଥିବା ୫ ରାଜ୍ୟ ବିଧାନସଭା ନିର୍ବାଚନରେ ବିଜେପିକୁ ୩ଟି ରାଜ୍ୟରେ ମିଳିଥିଲା ବମ୍ପ ବିଜୟ । ଆଉ ଏହା ପଛରେ ଯୁବ ଭୋଟରଙ୍କର ବଡ଼ ଭୂମିକା ଥିଲା । ଗୋଟେ ପଟେ ଓଡ଼ିଶାର ଯୁବ ଭୋଟରଙ୍କୁ ନବୀନଙ୍କ ସଭାକୁ ଆଣିବା ପାଇଁ ପ୍ରଲୋଭନ ଓ ଧମକ ଦିଆଯାଉଛି । ଅନ୍ୟପଟେ ପ୍ରଧାନମନ୍ତ୍ରୀଙ୍କ ସହ ସମ୍ବାଦ ପାଇଁ ସାରା ଦେଶରେ ଯୁବ ଭୋଟରଙ୍କ ମଧ୍ୟରେ ପ୍ରବଳ ଉତ୍ସାହ । ଏହି ଉତ୍ସାହକୁ ଆଗାମୀ ନିର୍ବାଚନ ପରିଣାମ ସହ ଯୋଡ଼ି ଦେଖୁଛନ୍ତି ରାଜନୈତିକ ପଣ୍ଡିତ ।