Argus News - ଆୟକର ଫାଙ୍କିଲେ ଆଉ ମିଳିବନି ଦଣ୍ଡ, ଅତିରିକ୍ତ ୩୦% ଟିକସ ଦେଇ ମୁକୁଳିପାରିବେ

କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୬-୨୭ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରୁଛନ୍ତି । ଏହି ସମୟରେ ସେ ଅନେକ ଗୁରୁତ୍ୱପୂର୍ଣ୍ଣ କଥା କହିଛନ୍ତି । ସେ କହିଛନ୍ତି ଯେ ସେ ନିରନ୍ତର ନିବେଶ ବୃଦ୍ଧି ପାଇଁ ଚେଷ୍ଟା କରିବେ ଏବଂ ଭାରତକୁ ଏହାର ରପ୍ତାନି ବୃଦ୍ଧି କରିବାକୁ ପଡିବ । ଏଆଇକୁ ଅଧିକ ବ୍ୟାପକ ଭାବରେ ବ୍ୟବହାର କରାଯିବ ଏବଂ ବିକାଶ ସମାଜର ପ୍ରତ୍ୟେକ ବର୍ଗକୁ ଲକ୍ଷ୍ୟ ରଖାଯାଇଛି । ସେ ଆହୁରି ମଧ୍ୟ କହିଛନ୍ତି ଯେ ବିଶ୍ୱ ଅସ୍ଥିରତା ମଧ୍ୟରେ ବିକାଶ ଉପରେ ଧ୍ୟାନ ବଜାୟ ରଖିବା ଗୁରୁତ୍ୱପୂର୍ଣ୍ଣ ।

Union Finance Minister Smt. @nsitharaman proposed multiple direct tax measures for TDS, TCS, income tax exemptions, and revised dates for filing returns.#ViksitBharatBudget pic.twitter.com/vb76qBkOtP

— Ministry of Finance (@FinMinIndia) February 1, 2026

ବଜେଟ୍‌ ଉପସ୍ଥାପନ ବେଳେ ଇନ୍‌କମ୍‌ ଟ୍ୟାକ୍ସକୁ ନେଇ ବଡ଼ ଘୋଷଣା କରିଛନ୍ତି ଅର୍ଥମନ୍ତ୍ରୀ । ୧ ଏପ୍ରିଲ୍‌ ୨୦୨୬ରୁ ନୂଆ ଆୟକର ନିୟମ ଲାଗୁ ହେବ । ଏନେଇ ଘୋଷଣା କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ସେ କହିଛନ୍ତି, ଛୋଟ କରଦାତାଙ୍କ ପାଇଁ ପ୍ରକ୍ରିୟା ସହଜ ହେବ । ୩୧ ଜୁଲାଇ ପର୍ଯ୍ୟନ୍ତ ଦାଖଲ କରିପାରିବେ ଆଇଟି ରିଟର୍ଣ୍ଣ । ITR 1, ITR 2 ଲୋକେ ଦାଖଲ କରିପାରିବେ ରିଟର୍ଣ୍ଣ । ସେହିପରି ଏବେ PAN ଜରିଆରେ ନିଜ ସଂପତ୍ତି ବିକିପାରିବେ NRI । ଆୟକର ଫାଙ୍କିଲେ ଆଉ ମିଳିବନି ଦଣ୍ଡ । ଅତିରିକ୍ତ ୩୦% ଟିକସ ଦେଇ ମୁକୁଳିପାରିବେ ।

ସେହିପରି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟରେ ଏକ ବଡ଼ ଘୋଷଣା କରି କହିଛନ୍ତି ଯେ ବିଦେଶୀ ଯାତ୍ରା କାର୍ଯ୍ୟକ୍ରମ ପ୍ୟାକେଜ ବିକ୍ରୟ ଉପରେ TCS ହାର ଏବେ ୨% ହେବ । ଯାହା ପୂର୍ବରୁ ୫% ଏବଂ ୨୦% ଥିଲା । କୌଣସି ଆର୍ଥିକ ସୀମା ରହିବ ନାହିଁ ।