Viral Post / ଭାବବିହ୍ଵଳ କଲା ୨୧ ବର୍ଷୀୟ ଯୁବକଙ୍କ ପୋଷ୍ଟ, କହିଲେ ଏଥର ତାଙ୍କର ଶେଷ ଦୀପାବଳି...
Key Points
ଦୀପାବଳିର ସୋରଶବ୍ଦ ଆରମ୍ଭ ହୋଇଗଲାଣି । ରାସ୍ତାଘାଟ ଆଲୋକମାଳାରେ ସଜେଇ ହେଲାଣି । ସମସ୍ତଙ୍କ ଭିତରେ ଆନନ୍ଦ ଉତ୍ସାହ ଭରି ରହିଥିବାବେଳେ ଏମିତି ଏକ ପୋଷ୍ଟ ସମସ୍ତଙ୍କୁ ଭାବବିହ୍ଵଳ କରିଦେଇଛି । ଆଉ ଅଜାଣତରେ ଆଖିରୁ ଝରିପଡିଛି ଦୁଇଟୋପା ଲୁହ । କିଏ ବା ନିଜ ମୃତ୍ୟୁକୁ ପାଖେଇ ଆସୁଥିବା ଜାଣି ଭୟ ନକରିବ । ମୃତ୍ୟୁ ଏକ ନିଚ୍ଛକ ସତ୍ୟ ।
ଏଥର ମୋର ଶେଷ ଦୀପାବଳି । ଏକଥା ଭାବିଲେ ଭାରି ଅଜବ ଲାଗୁଛି । ଦୀପାବଳି ପାଖେଇ ଆସିଲାଣି । ଆଲୋକମାଳାରେ ରାସ୍ତାଘାଟ ସଜେଇ ହେଲାଣି । ହେଲେ ଭାବିଲେ ବହୁତ କଷ୍ଟ ଲାଗୁଛି କି, ଏଇଟା ମୋର ଶେଷ ଦୀପାବଳି । ଏ ବର୍ଷ ଶେଷ ଯାଏଁ ମୁଁ ବଞ୍ଚିପାରିବି କି ନାହିଁ ଜାଣିନି । ଏହି ରଙ୍ଗବେରଙ୍ଗର ଆଲୋକ, ହସଖୁସି, ଏହି ଶବ୍ଦ ସବୁକୁ ବହୁତ ମିସ୍ କରିବି । ଦୀପାବଳିରେ ଲୋକଙ୍କ ଜୀବନ ଆଗକୁ ବଢୁଥିବା ବେଳେ ମୁଁ ମୃତ୍ୟୁ ଆଡକୁ ଟାଣି ହେଇ ଯାଉଛି । ମୁଁ ଜାଣିଛି, ଆରବର୍ଷ ଦୀପାବଳିରେ ମୋ ସ୍ଥାନରେ ଆଉ ଜଣେ ଦୀପ ଜଳାଉଥିବ । ଆଉ ମୁଁ କେବଳ ସମସ୍ତଙ୍କ ସ୍ମୃତିରେ ଥିବି । ମୃତ୍ୟୁ ପୂର୍ବରୁ ବୋଧେ ମୁଁ ଦୀପାବଳିଟା ଦେଖିପାରିବି । କ୍ୟାନସର୍ ଜିତିଗଲା guys, ଏହିଥର ମୋର ଶେଷ ଦୀପାବଳି ।
ଦୀପାବଳିର ସୋରଶବ୍ଦ ଆରମ୍ଭ ହୋଇଗଲାଣି । ରାସ୍ତାଘାଟ ଆଲୋକମାଳାରେ ସଜେଇ ହେଲାଣି । ସମସ୍ତଙ୍କ ଭିତରେ ଆନନ୍ଦ ଉତ୍ସାହ ଭରି ରହିଥିବାବେଳେ ଏମିତି ଏକ ପୋଷ୍ଟ ସମସ୍ତଙ୍କୁ ଭାବବିହ୍ଵଳ କରିଦେଇଛି । ଆଉ ଅଜାଣତରେ ଆଖିରୁ ଝରିପଡିଛି ଦୁଇଟୋପା ଲୁହ । କିଏ ବା ନିଜ ମୃତ୍ୟୁକୁ ପାଖେଇ ଆସୁଥିବା ଜାଣି ଭୟ ନକରିବ । ମୃତ୍ୟୁ ଏକ ନିଚ୍ଛକ ସତ୍ୟ । ସମସ୍ତଙ୍କ ଜୀବନରେ ଆସେ । ହେଲେ ନିଜ ମୃତ୍ୟୁ ଯେତେବେଳେ ଆଉ ମାତ୍ର କିଛିଦିନ ବୋଲି ଡାକ୍ତର ସତର୍କ କରାଇଦିଏ, ସେତେବେଳେ ଘଣ୍ଟାର ପ୍ରତିଟି କଣ୍ଟା ଆଗକୁ ବଢିବା ମାତ୍ରେ ଛାତିର ସ୍ପଦନ ବଢିଯାଏ ।
ଅଧିକ ପଢନ୍ତୁ : ବାଲେଶ୍ଵରରେ କାହିଁକି ବାରମ୍ବାର ଶୁଭୁଛି ପ୍ରଚଣ୍ଡ ଶବ୍ଦ ? ଲୋକଙ୍କ ମଧ୍ୟରେ ଆତଙ୍କ
ଜଣେ ୨୧ ବର୍ଷୀୟ ଯୁବକଙ୍କ ପୋଷ୍ଟ ଏବେ ସମସ୍ତଙ୍କ ଆଖିରେ ଲୁହ ଆଣିଦେଇଛି । କୋଲୋରେକ୍ଟାଲ କର୍କଟ ରୋଗରେ ପୀଡ଼ିତ ଥିବା ଯୁବକ ରେଡ୍ଡିଟ୍ରେ ଏମିତି ଏକ ପୋଷ୍ଟ କରିଛନ୍ତି । ସେ କର୍କଟ ରୋଗର ଚତୁର୍ଥ ଷ୍ଟେଜରେ ଅଛନ୍ତି । ଅନେକ ଥର କେମାଟୋଗ୍ରାଫି ସିଜିନ ସରିବା ପରେ ଡାକ୍ତର କହିଛନ୍ତି, ଆଉ କିଛି ବାକି ନାହିଁ ଚେଷ୍ଟା କରିବା ପାଇଁ । ହୁଏତ ଏହି ବର୍ଷ ଶେଷ ଯାଏଁ ବି ବଞ୍ଚିବା ସମ୍ଭବ ନୁହେଁ ବୋଲି ସେ କହିଛନ୍ତି ।
📱 Get Argus News App
✨Cancer won guys , see ya !!!
byu/Erectile7dysfunction inTwentiesIndia
ସେ ଲେଖିଛନ୍ତି, ଏହି ବର୍ଷ ମୋର ଶେଷ ଦୀପାବଳି । ମତେ ଏବେ ବି ବିଶ୍ଵାସ ହୁଏନି, କି ମୁଁ ଖୁବଶୀଘ୍ର ଚାଲିଯିବି । ମୋ ଜୀବନରେ ମୋର ଅନେକ ଗୁଡିଏ ସ୍ଵପ୍ନ ଥିଲା । ମତେ ଅନେକ ସ୍ଥାନ ଭ୍ରମଣ କରିବାର ଥିଲା । ମୋ ନିଜ ପାଇଁ କିଛି କରିବାର ଥିଲା । ଏବେ ବି ବେଳେବେଳେ ମୁଁ ମୋର ଭବିଷ୍ୟତ ପାଇଁ ଅନେକ କିଛି କରିବାକୁ ଭାବୁଥାଏ । ହେଲେ ପୁଣି ନିଜ ଭାବନାକୁ ବନ୍ଦ କରିଦିଏ । ମୁଁ ଘରେ ରହୁଛି, ଏବଂ ମୋ ବାପା ମାଆଙ୍କର ଦୁଃଖଭରା ଚେହେରାକୁ ଦେଖୁଛି । ମୁଁ ଜାଣନି ମୁଁ ଏହି ପୋଷ୍ଟ କାହିଁକି କରୁଛି । ହୁଏତ ପରବର୍ତ୍ତି ସମୟରେ ଚାଲିଯିବା ପରେ ଏକ ଛୋଟ ଚିହ୍ନ ଛାଡିଦେବା ପାଇଁ ।
ଯୁବକଙ୍କର ଏହି ପୋଷ୍ଟ ସମସ୍ତ ୟୁଜର୍ସମାନଙ୍କୁ ଖୁବ ଭାବବିହ୍ଵଳ କରିଦେଇଛି । ସମସ୍ତେ ତାଙ୍କ ସୁସ୍ଥ ହେବାପାଇଁ ପ୍ରାର୍ଥନା କରିଛନ୍ତି ।
Related Topics
Explore more stories