Canteen Staff Assaulting / କ୍ୟାଣ୍ଟିନ୍ କର୍ମଚାରୀଙ୍କ ଦାଦାଗିରି, ଖେଚୁଡ଼ି ପାଇଁ ବୃଦ୍ଧା ମହିଳାଙ୍କୁ ମାରିଲେ...

ସାମାନ୍ୟ ଖେଚୁଡ଼ି ପାଇଁ ଆକ୍ରମଣ। ତାହା ପୁଣି ହସ୍ପିଟାଲ ଭିତରେ। ନିଜ ନାତି ପାଇଁ ଟିକେ ଖେଚୁଡ଼ି ମାଗିଲେ ବୋଲି ମହିଳାଙ୍କୁ ଚାମଚରେ ଆକ୍ରମଣ କଲେ। ଉତ୍ତର ପ୍ରଦେଶର ଜାଲୌନର ସରକାରୀ ମେଡିକାଲ କଲେଜରୁ ମାନବତାକୁ ଲଜ୍ଜିତ କରୁଥିବା ଏକ ଘଟଣା ସାମ୍ନାକୁ ଆସିଛି। ହଁ, ଜଣେ ବୃଦ୍ଧା ମହିଳା ପରିଚାରିକା ଯିଏ ତାଙ୍କ ନିର୍ଦ୍ଦୋଷ ନାତି ପାଇଁ ଖାଦ୍ୟ ମାଗିବାକୁ ଯାଇଥିଲେ। ତାଙ୍କୁ ଜଣେ କ୍ୟାଣ୍ଟିନ୍ କର୍ମଚାରୀ ମରଣାନ୍ତକ ଆକ୍ରମଣ କରିଥିଲେ। ଏକ ସାମାନ୍ୟ କଥାକୁ ନେଇ, କର୍ମଚାରୀ ଜଣକ ଏକ ବଡ଼ ଲୁହା ଚାମଚରେ ମହିଳାଙ୍କ ମୁଣ୍ଡକୁ ମାରି ଫଟେଇଦେଲେ। ଯେଉଁଥିପାଇଁ ମହିଳାଙ୍କ ମୁଣ୍ଡରୁ ରକ୍ତ ବାହାରିଥିଲା। ମହିଳାଙ୍କୁ ତୁରନ୍ତ ଏମରଜେନ୍ସିରେ ଭର୍ତ୍ତି କରାଯାଇଥିଲା ଯେଉଁଠାରେ ତାଙ୍କର ଚିକିତ୍ସା କରାଯାଉଛି।ହେଲେ ଏଘଟଣା ପରେ ସେଠାରେ ଉପସ୍ଥିତ ଥିବା ସମସ୍ତ ବ୍ୟକ୍ତି ଆଶ୍ଚର୍ଯ୍ୟ ହୋଇଯାଇଥିଲେ। ଏମିତି କାହିଁକି କଲେ କର୍ମଚାରୀ ଜଣଙ୍କ ବୋଲି ଜାଣିବାକୁ ଚାହୁଁଥିଲେ।

ଜାଲୌନର ମୁଖ୍ୟାଳୟ ଓରାଇ କୋତୱାଲି ଅଞ୍ଚଳର ସରକାରୀ ମେଡିକାଲ କଲେଜର ୱାର୍ଡରେ ଏକ ଶିଶୁକୁ ଭର୍ତ୍ତି କରାଯାଇଛି।ତାଙ୍କ ଜେଜେମା ତାଙ୍କ ଯତ୍ନ ନେବା ପାଇଁ ସେଠାରେ ରହିଥିଲେ। ଅପରାହ୍ନରେ, ଯେତେବେଳେ କ୍ୟାଣ୍ଟିନରେ ଖେଚୁଡ଼ି ବଣ୍ଟନ କରାଯାଉଥିଲା,ତା’ପରେ ମହିଳା ଜଣକ ତାଙ୍କ ନାତି ପାଇଁ ଏକ ପ୍ଲେଟରେ ଖେଚୁଡ଼ି ନେବାକୁ ପହଞ୍ଚିଲେ। କୁହାଯାଉଛି ଯେ, ଯେତେବେଳେ ମହିଳା ଜଣକ ପ୍ଲେଟରେ ଆଉ ଟିକେ ଖେଚୁଡ଼ି ମାଗିଲେ, ସେତେବେଳେ ସେଠାରେ ଉପସ୍ଥିତ କର୍ମଚାରୀଙ୍କ ସହିତ ଏକ ବଡ଼ ଯୁକ୍ତିତର୍କ ହୋଇଥିଲା। ଏହା ପରେ, କ୍ରୋଧିତ କର୍ମଚାରୀ ଜଣକ ରାଗରେ ଏକ ଭାରୀ ଚାମଚରେ ମହିଳାଙ୍କ ମୁଣ୍ଡରେ ଜୋରରେ ଆଘାତ କଲେ।

ଏଥିସହ ପଢ଼ନ୍ତୁ: ଗୁଜରାଟ ବିପକ୍ଷରେ ହେଇପାରିଲାନି ବିରାଟଙ୍କ ଶତକ, ଏମିତି ହେଲେ ଆଉଟ୍‌

ଆକ୍ରମଣ ପରେ ମହିଳା ଜଣକ ତଳେ ପଡ଼ିଗଲେ। ଘଟଣା ପରେ ହସ୍ପିଟାଲ ପରିସରରେ ଉତ୍ତେଜନା ପ୍ରକାଶ ପାଇଥିଲା। ସୂଚନା ମିଳିବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚିଲା,କିନ୍ତୁ ଅଭିଯୁକ୍ତ କର୍ମଚାରୀ ଗିରଫ ଭୟରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ପୋଲିସ ବର୍ତ୍ତମାନ ଘଟଣାର ତଦନ୍ତ କରୁଛି ଏବଂ ଅଭିଯୁକ୍ତଙ୍କୁ ଖୋଜୁଛି । ମାମଲାର ଗମ୍ଭୀରତାକୁ ଦୃଷ୍ଟିରେ ରଖି, ମେଡିକାଲ କଲେଜର ପ୍ରିନ୍ସିପାଲ କଠୋର ଆଭିମୁଖ୍ୟ ଗ୍ରହଣ କରିଛନ୍ତି। ଦୋଷୀ କର୍ମଚାରୀଙ୍କୁ ତୁରନ୍ତ ବହିଷ୍କାର କରାଯାଇଛି।

ଖାଦ୍ୟ ଯୋଗାଣକାରୀ ସଂସ୍ଥାକୁ କଡ଼ା ଚେତାବନୀ ଦିଆଯାଇଛି। ଏବଂ କ୍ୟାମ୍ପସରେ ସୁରକ୍ଷା ଏବଂ ଆଚରଣ ସମ୍ପର୍କରେ କଡ଼ା ନିର୍ଦ୍ଦେଶ ଦିଆଯାଇଛି। ଜଣେ କର୍ମଚାରୀ ଏହା କରିବା କଣ ଠିକ। ରାଗରେ ଏମିତି ଜଣେ ମହିଳାଙ୍କୁ ଆକ୍ରମଣ କରିବା କଣ ଠିକ୍‌ ? ତାଙ୍କୁ ତୁରନ୍ତ ଗିରଫ କରାଯାଉ ବୋଲି ସାଧାରଣରେ ଆହତ ହୋଇଥିଲା ମହିଳାଙ୍କ ପରିବାର ଲୋକେ ଦାବି କରିଛନ୍ତି। ଏହାସହ ବର୍ତ୍ତମାନ ମହିଳାଙ୍କ ଅବସ୍ଥା ଗୁରୁତର ରହିଛି। ସେ ଚିକିତ୍ସିତ ହେଉଛନ୍ତି।

ଅଧିକ ପଢ଼ନ୍ତୁ ଦେଶ ଖବର: