ଅର୍ଗସ ବ୍ୟୁରୋ : ମୋଦି ସରକାରର ଆଉ ଏକ ବଡ଼ ଫଇସଲା । ଏଣିକି ରାଷ୍ଟ୍ରୀୟ ସ୍ବୟଂସେବକ ସଂଘ ବା ଆରଏସଏସର କାର୍ଯ୍ୟକ୍ରମରେ ସାମିଲ ହୋଇପାରିବେ କେନ୍ଦ୍ରୀୟ କର୍ମଚାରୀ । ୫୮ ବର୍ଷ ପରେ ଆରଏସଏସର କାର୍ଯ୍ୟକ୍ରମରେ ସରକାରୀ କର୍ମଚାରୀ ସାମିଲ ନ ହୋଇପାରିବା ନିୟମକୁ ବଦଳାଇଛନ୍ତି ମୋଦି ସରକାର । ପୂର୍ବରୁ ହରିୟାଣା, ହିମାଚଳ ପ୍ରଦେଶ, ମଧ୍ୟ ପ୍ରଦେଶ ଓ ଛତିଶଗଡ଼ ପରି ବିଭିନ୍ନ ରାଜ୍ୟ ଏହି ପ୍ରତିବନ୍ଧକ ହଟାଇ ସାରିଥିବା ବେଳେ ଏବେ କେନ୍ଦ୍ର ସରକାର ମଧ୍ୟ ଆରଏସଏସ କାର୍ଯ୍ୟକ୍ରମରେ ସରକାରୀ କର୍ମଚାରୀ ସାମିଲ ହୋଇପାରିବା ନେଇ ଅନୁମତି ଦେଇଛନ୍ତି ।

ଅଧିକ ପଢନ୍ତୁ : ଦ୍ୱାଦଶ ପାସ୍ କରିଥିଲେ ମାସକୁ ମିଳିବ ୬ ହଜାର ଟଙ୍କା

ପୂର୍ବରୁ ୩୦ ନଭେମ୍ବର ୧୯୬୬ରେ ତତ୍କାଳୀନ କଂଗ୍ରେସ ସରକାର, କେନ୍ଦ୍ରୀୟ କର୍ମଚାରୀମାନଙ୍କର ଆରଏସଏସ କାର୍ଯ୍ୟକ୍ରମରେ ସାମିଲ ହେବା ଉପରେ ଅଙ୍କୁଶ ଲଗାଇଥିଲେ । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବାଧୀନ କେନ୍ଦ୍ର ସରକାର ଇନ୍ଦିରା ସରକାରର ଏହି ଫଇସଲା ହଟାଇବା ସହ ଜୁଲାଇ ୯ର ଏକ ଆଦେଶ ଅନୁସାରେ ହଟାଇ ଦେଇଛନ୍ତି । ପ୍ରକୃତରେ ଆରଏସଏସ ଏକ ସାଂସ୍କୃତିକ ସଙ୍ଗଠନ । ବ୍ୟକ୍ତି ନିର୍ମାଣ ମାଧ୍ୟମରେ ରାଷ୍ଟ୍ର ନିର୍ମାଣକୁ ଗୁରୁତ୍ବ ଦେବା ସହ ପ୍ରାକୃତିକ ବିପର୍ଯ୍ୟ ଠାରୁ ଯୁଦ୍ଧ ଯାଏ, ସବୁଠି ଛିଡ଼ା ହୋଇଥାନ୍ତି ସ୍ବୟଂ ସେବକ । ପ୍ରତ୍ୟେକ୍ଷ ରାଜନୀତି ସହ ଆରଏସଏସର ମଧ୍ୟ କୌଣସି ସମ୍ପର୍କ ନାହିଁ । ସେଥିପାଇଁ ତତ୍କାଳୀନ ଇନ୍ଦିରା ସରକାର ମନମୁଖୀ ଆଦେଶକୁ ପ୍ରତ୍ୟାହାର କରି ନେଇଛନ୍ତି ମୋଦି ସରକାର ।