Tunnel Accident / ଚମୋଲି ଟନେଲରେ ବଡ଼ ଅଘଟଣ….ପାଣି ମାଡ଼ିଯିବାରୁ ୭ ଶ୍ରମିକ ମୃତ, ୧୪ ଗୁରୁତର

ପ୍ରବଳବର୍ଷା ମଧ୍ୟରେ ଉତ୍ତରାଖଣ୍ଡର ଚମୋଲିରେ ତେହରି ହାଇଡ୍ରୋ ଡେଭେଲପମେଣ୍ଟ କର୍ପୋରେସନ (ଟିଏଚଡିସି)ର ଏକ ନିର୍ମାଣାଧୀନ ସୁଡ଼ଙ୍ଗ ଭିତରେ ଗୁରୁବାର ଅଚାନକ ପାଣି ଧସେଇ ପଶିଛି। ଏଥିଯୋଗୁ ଟନେଲରେ କାମ କରୁଥିବା ୭ଶ୍ରମିକଙ୍କ ମୃତ୍ୟୁ ହୋଇଥିଲା ବେଳେ ଜଣେ ନିଖୋଜ ଅଛନ୍ତି। ଏହାସହ୧୪ଜଣ ଆହତ ହୋଇଛନ୍ତି।

THDC ପ୍ରୋଜେକ୍ଟ ମ୍ୟାନେଜର କହିଛନ୍ତି ଯେ ଦୁର୍ଘଟଣା ଘଟିବା ସମୟରେ ମୋଟ ୨୨ ଜଣ ସୁଡ଼ଙ୍ଗ ଭିତରେ ଥିଲେ। ପ୍ରାରମ୍ଭିକ ଉଦ୍ଧାର କାର୍ଯ୍ୟ ଏପର୍ଯ୍ୟନ୍ତ ୨୦ ଜଣଙ୍କୁ ଉଦ୍ଧାର କରାଯାଇଛି। ଯାହାଙ୍କ ମଧ୍ୟରୁ ୭ଜଣଙ୍କର ମୃତ୍ୟୁ ହୋଇଛି। ଅନ୍ୟ ୧୪ ଜଣ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

ଏହାସହ ପଢ଼ନ୍ତୁ: ଫଟୋ ଉଠାଇବାକୁ ଯାଇ ଉର୍ମାଗଡ ଜଳପ୍ରପାତରେ ଯୁବକ ମୃତ, ଅନ୍ୟ ଜଣେ ଗୁରୁତର

VIDEO | Uttarakhand: Chief Minister Pushkar Singh Dhami chairs a meeting at the State Emergency Operations centre to review the tunnel rescue operation in Chamoli district.

After the meeting, CM Dhami said, "Mud and debris from a landslide fell onto the workers operating inside… pic.twitter.com/2QQgfnlChb

— Press Trust of India (@PTI_News) August 13, 2026

ପ୍ରତ୍ୟେକ ଶ୍ରମିକଙ୍କୁ ସୁରକ୍ଷିତ ଉଦ୍ଧାର ମୁଖ୍ୟ ଲକ୍ଷ୍ୟ
ଟନେଲ୍ ଭିତରେ ଫସିଥିବା ପ୍ରତ୍ୟେକ ବ୍ୟକ୍ତିଙ୍କୁ ସୁରକ୍ଷିତ ଭାବେ ବାହାରକୁ ଆଣିବା ସରକାରର ସର୍ବୋଚ୍ଚ ପ୍ରାଥମିକତା ବୋଲି ଧାମୀ କହିଛନ୍ତି। ଉଦ୍ଧାର କାର୍ଯ୍ୟରେ କୌଣସି ପ୍ରକାର ବିଳମ୍ବ କିମ୍ବା ଅବହେଳା ନହେବାକୁ ସେ ଅଧିକାରୀଙ୍କୁ ସତର୍କ କରିଛନ୍ତି। ଏହା ସହ ଉଦ୍ଧାର ଅଭିଯାନରେ ଆବଶ୍ୟକ ସମସ୍ତ ସମ୍ବଳ ନିୟୋଜିତ କରାଯାଇଥିବା ଏବଂ ପ୍ରଭାବିତ ଶ୍ରମିକ ଓ ସେମାନଙ୍କ ପରିବାରକୁ ସମସ୍ତ ପ୍ରକାର ସହାୟତା ଯୋଗାଇବାକୁ ପ୍ରଶାସନକୁ ନିର୍ଦ୍ଦେଶ ଦିଆଯାଇଥିବା ସେ କହିଛନ୍ତି।

ଚାମୋଲି ପୋଲିସ ଅଧିକ୍ଷକ ସୁରଜିତ ସିଂହ ପାୱାର କହିଛନ୍ତି ଯେ ଘଟଣାଟି ସନ୍ଧ୍ୟା ସାଢେ ୬ରୁ ୭ଟା ମଧ୍ୟରେ ଘଟିଥିଲା। ପିପଲକୋଟି ଜଳବିଦ୍ୟୁତ ପ୍ରକଳ୍ପର ସୁଡଙ୍ଗ ଭିତରେ ପ୍ରାୟ ୧.୮କିଲୋମିଟର ଭିତରେ ଥିବା ଏକ ଗାତରୁ ହଠାତ୍ ବହୁ ପରିମାଣର ଭଗ୍ନାବଶେଷ ଏବଂ ପାଣି ବାହାରି ଆସିଥିଲା। ସୁଡ଼ଙ୍ଗ ପ୍ରବେଶ ଦ୍ୱାରଠାରୁ ପ୍ରାୟ ୧.୫୦ କିଲୋମିଟର ଦୂରରେ ଶ୍ରମିକମାନେ ଭଗ୍ନାବଶେଷ ଏବଂ ପାଣି ଫସି ରହିଛନ୍ତି। SDRF ଏବଂ NDRF ଦଳଗୁଡ଼ିକ ପୂର୍ଣ୍ଣ ଶକ୍ତି ସହିତ ଘଟଣାସ୍ଥଳରେ କାମ କରୁଛନ୍ତି। TLDC ଏବଂ SCCର ଭାରୀ ଯନ୍ତ୍ରପାତି ଭଗ୍ନାବଶେଷ ହଟାଇବା ପାଇଁ ନିରନ୍ତର କାମ କରୁଛନ୍ତି। ଏହା ସହିତ, ସୁଡ଼ଙ୍ଗରୁ ପାଣି ବାହାର କରିବା ପାଇଁ ତିନୋଟି ବଡ଼ ପମ୍ପ ଲଗାଯାଇଛି।

• ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ମଧ୍ୟ ପରିସ୍ଥିତିର ସମୀକ୍ଷା କରିଛନ୍ତି

ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି, ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ତୁରନ୍ତ ରାଜ୍ୟ ଜରୁରୀକାଳୀନ କାର୍ଯ୍ୟ କେନ୍ଦ୍ରରେ ଏକ ଉଚ୍ଚସ୍ତରୀୟ ବୈଠକ ଡକାଇ ସମଗ୍ର ଉଦ୍ଧାର କାର୍ଯ୍ୟର ସମୀକ୍ଷା କରିଥିଲେ। ମୁଖ୍ୟମନ୍ତ୍ରୀ କହିଛନ୍ତି ଯେ, ସନ୍ଧ୍ୟାରେ ଘଟଣା ସମ୍ପର୍କରେ ଖବର ପାଇବାମାତ୍ରେ NDRF ଏବଂ SDRF ଦଳଗୁଡ଼ିକୁ ତୁରନ୍ତ ଘଟଣାସ୍ଥଳକୁ ପଠାଯାଇଥିଲା। ମୁଖ୍ୟମନ୍ତ୍ରୀ ଧାମି ଆଉ ମଧ୍ୟ କହିଛନ୍ତି ଯେ, ଉଦ୍ଧାର କାର୍ଯ୍ୟରେ ତ୍ବରିତ କରିବାକୁ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି। ଏଥିସହ ପ୍ରଶାସନିକ ଅଧିକାରୀ ତୁରନ୍ତ ଘଟଣାସ୍ଥଳକୁ ଯାଇ ପୀଡ଼ିତ ଶ୍ରମିକଙ୍କ ସହାୟତା ଲାଗି ସମସ୍ତ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି। ତେବେ ଦୁର୍ଘଟଣାର କାରଣ ସ୍ପଷ୍ଟ ହୋଇନାହିଁ।