Chardham Yatra / ୧୨ ଦିନରେ ରେକର୍ଡ ଭାଙ୍ଗିଲା ତୀର୍ଥଯାତ୍ରୀଙ୍କ ପଞ୍ଜrକରଣ

Chardham Yatra Registration 2026: ଉତ୍ତରାଖଣ୍ଡର ବିଶ୍ୱପ୍ରସିଦ୍ଧ ଚାରିଧାମ ଯାତ୍ରା ପାଇଁ ଜାରି ରହିଛି ପ୍ରସ୍ତୁତି। ଧାର୍ମିକ ବିଶ୍ୱାସ, ଆସ୍ଥା, ଭକ୍ତିର ଏହି ମହାପର୍ବରେ ସାମିଲ ହେବା ପାଇଁ ତୀର୍ଥଯାତ୍ରୀଙ୍କ ମଧ୍ୟରେ ଉତ୍ସାହ ବଢିବାରେ ଲାଗିଛି। ଏହି ଯାତ୍ରାକୁ ନେଇ ସେମାନେ ଏତେ ଉତ୍ସାହିତ ଯେ ଅନଲାଇନ୍ ପଞ୍ଜୀକରଣ ଆରମ୍ଭ ହେବାର ମାତ୍ର ୧୨ ଦିନ ମଧ୍ୟରେ ପ୍ରାୟ ୭ ଲକ୍ଷ ତୀର୍ଥଯାତ୍ରୀ ସେମାନଙ୍କ ପଞ୍ଜୀକରଣ କରି ସାରିଛନ୍ତି। ଏ ପର୍ଯ୍ୟନ୍ତ ୬,୮୬,୩୦୫ ଜଣ ତୀର୍ଥଯାତ୍ରୀ ତୀର୍ଥଯାତ୍ରାରେ ସାମିଲ ହେବା ପାଇଁ ନିଜର ପଞ୍ଜୀକରଣ କରି ସାରିଛନ୍ତି। ତୀର୍ଥଯାତ୍ରୀଙ୍କ ସଂଖ୍ୟାକୁ ଦେଖିଲେ ଜଣାପଡୁଛି ଯେ ଗତ ବର୍ଷ ତୁଳନାରେ ଏଥର ଅଧିକ ଯାତ୍ରୀ ଆସିପାରନ୍ତି। ଗତ ୨୦୨୫ ରେ ପ୍ରାୟ ୫୧ ଲକ୍ଷ ତୀର୍ଥଯାତ୍ରୀ ଚାରିଧାମ ଯାତ୍ରାରେ ସାମିଲ ହୋଇଥିଲେ।

୨୦୨୬ ଚାରିଧାମ ଯାତ୍ରା ସହ ଜଡ଼ିତ ଗୁରୁତ୍ୱପୂର୍ଣ୍ଣ ତାରିଖ
ଚଳିତ ବର୍ଷର ଚାରିଧାମ ଯାତ୍ରା ଅପ୍ରେଲ ୧୯ ତାରିଖରୁ ଆରମ୍ଭ ହେଉଛି।
ଅପ୍ରେଲ ୧୯ ତାରିଖରେ ଯମୁନୋତ୍ରୀ ଏବଂ ଗଙ୍ଗୋତ୍ରୀ ମନ୍ଦିରର ଦ୍ୱାର ଖୋଲିବ।
ଅପ୍ରେଲ ୨୨ ତାରିଖରେ କେଦାରନାଥ ମନ୍ଦିରର ଦ୍ୱାର ଖୋଲିବ।
ଅପ୍ରେଲ ୨୩ ତାରିଖରେ ବଦ୍ରିନାଥ ମନ୍ଦିରର ଦ୍ୱାର ଖୋଲିବ।
ମେ ୨୩ : ଶିଖ ଧର୍ମର ପବିତ୍ର ତୀର୍ଥସ୍ଥଳ ହେମକୁଣ୍ଡ ସାହିବ ଦ୍ୱାର ଖୋଲିବ।

ଆଶ୍ଚର୍ଯ୍ୟଜନକ ଭାବେ ବଢୁଛି ପଞ୍ଜୀକରଣ ସଂଖ୍ୟା
୨୦୨୬ ଚାରିଧାମ ଯାତ୍ରା ପାଇଁ ଉତ୍ତରାଖଣ୍ଡ ପର୍ଯ୍ୟଟନ ବିଭାଗ ମାର୍ଚ୍ଚ ୬ ତାରିଖରୁ ଅନଲାଇନ୍ ପଞ୍ଜୀକରଣ ପ୍ରକ୍ରିୟା ଆରମ୍ଭ କରିଥିଲା। ପରିସଂଖ୍ୟାନକୁ ଦେଖିଲେ ଜଣାପଡୁଛି ଯେ ପ୍ରତିଦିନ ହଜାର ହଜାର ଭକ୍ତ ତୀର୍ଥଯାତ୍ରାରେ ସାମିଲ ହେବା ପାଇଁ ସେମାନଙ୍କର ପଞ୍ଜୀକରଣ କରୁଛନ୍ତି।

• ମାର୍ଚ୍ଚ ୬ ତାରିଖରେ ୧୨୩,୭୮୮
  ମାର୍ଚ୍ଚ ୭ ତାରିଖରେ ୨୩୩,୧୯୧
  ମାର୍ଚ୍ଚ ୮ ତାରିଖରେ ୩୦୩,୮୩୯
  ମାର୍ଚ୍ଚ ୯ ତାରିଖରେ ୩୫୩,୪୧୬
  ମାର୍ଚ୍ଚ ୧୦ ତାରିଖରେ ୩୫୩,୪୧୬
  ମାର୍ଚ୍ଚ ୧୧ ତାରିଖରେ ୪୦୧,୮୧୬
  ମାର୍ଚ୍ଚ ୧୨ ତାରିଖରେ ୪୪୪,୭୩୯
  ମାର୍ଚ୍ଚ ୧୨ ତାରିଖରେ ୪୮୨,୨୩୦
  ମାର୍ଚ୍ଚ ୧୩ ତାରିଖରେ ୫୧୮,୮୬୩
  ମାର୍ଚ୍ଚ ୧୪ ତାରିଖରେ ୫୫୩,୬୨୬
  ମାର୍ଚ୍ଚ ୧୫ ତାରିଖରେ ୫୮୬,୩୭୯
  ମାର୍ଚ୍ଚ ୧୬ ତାରିଖରେ ୬୧୮,୮୫୩
  ମାର୍ଚ୍ଚ ୧୭ ତାରିଖରେ ୬୫୧,୯୩୩
  ମାର୍ଚ୍ଚ ୧୮ ତାରିଖରେ ୬୮୬,୩୦୫

ଧାମ ଅନୁଯାୟୀ ପଞ୍ଜୀକରଣ ସ୍ଥିତି (ମାର୍ଚ୍ଚ ୧୮ ତାରିଖ ପର୍ଯ୍ୟନ୍ତ)
କେଦାରନାଥ ଧାମ ସର୍ବାଧିକ ପଞ୍ଜୀକରଣ ହୋଇଥିବାର ଜଣାପଡ଼ିଛି।
କେଦାରନାଥ: ୨୨୯,୨୯୫
ବଦ୍ରିନାଥ: ୨୦୨,୬୨୨
ଗଙ୍ଗୋତ୍ରୀ: ୧୨୮,୨୫୩
ଯମୁନୋତ୍ରୀ: ୧୨୫,୩୬୬

ଅଫଲାଇନ୍ ପଞ୍ଜୀକରଣ ଏବଂ ନୂତନ ବ୍ୟବସ୍ଥା
ତୀର୍ଥଯାତ୍ରାକୁ ସୁବ୍ୟବସ୍ଥିତ କରିବା ପାଇଁ, ରାଜ୍ୟ ସରକାର ୭୦% ଅନଲାଇନ୍ ଏବଂ ୩୦% ଅଫଲାଇନ୍ ପଞ୍ଜୀକରଣ କୋଟା ସ୍ଥିର କରିଛନ୍ତି। ଅଫଲାଇନ୍ ପଞ୍ଜୀକରଣ ଅପ୍ରେଲ ୧୭ ତାରିଖରୁ ଆରମ୍ଭ ହେବ। ଏଥିପାଇଁ ହରିଦ୍ୱାର, ଋଷିକେଶ, ନୟାଗାଓଁ ଏବଂ ହରବଟପୁର ଠାରେ ପଞ୍ଜୀକରଣ କେନ୍ଦ୍ର ସ୍ଥାପନ କରାଯିବ। ଭିଡ଼ ନିୟନ୍ତ୍ରଣ କରିବା ଏବଂ ଭକ୍ତଙ୍କ ଲମ୍ବା ଧାଡ଼ି ରୋକିବା ପାଇଁ ପ୍ରଶାସନ ଏଥର କେନ୍ଦ୍ର ସଂଖ୍ୟାକୁ ବୃଦ୍ଧି କରିଛି।

କେଉଁ ରାଜ୍ୟର ଯାତ୍ରୀ କରୁଛନ୍ତି ସବୁଠାରୁ ଅଧିକ ପଞ୍ଜୀକରଣ?
ଗତ ବର୍ଷ ୫୧ ଲକ୍ଷ ତୀର୍ଥଯାତ୍ରୀ ଚାରିଧାମ ଯାତ୍ରାରେ ସାମିଲ ହୋଇଥିଲେ। ଏଥର ତୀର୍ଥଯାତ୍ରାରେ ସାମିଲ ହେବା ପାଇଁ ଉତ୍ତର ପ୍ରଦେଶ, ମହାରାଷ୍ଟ୍ର, ମଧ୍ୟ ପ୍ରଦେଶ, ଗୁଜୁରାଟ ଏବଂ ରାଜସ୍ଥାନ ଆଦି ରାଜ୍ୟର ଯାତ୍ରୀ କରୁଛନ୍ତି ସବୁଠାରୁ ଅଧିକ ପଞ୍ଜୀକରଣ କରୁଛନ୍ତି।