Amit Shah on Dharmendra Pradhan / ଧର୍ମେନ୍ଦ୍ରଙ୍କ ତ୍ୟାଗ ଓ ନିଷ୍ଠାକୁ ସମ୍ମାନ ଜଣାଇଲେ କେନ୍ଦ୍ର ଗୃହମନ୍ତ୍ରୀ; କହିଲେ, ବିଜେପି କର୍ମୀଙ୍କ ପାଇଁ ପଦବୀଠୁ ଦେଶ ବଡ଼

କେନ୍ଦ୍ର ଶିକ୍ଷା ମନ୍ତ୍ରୀ ପଦରୁ ଇସ୍ତଫା ଦେବା ପରେ ଧର୍ମେନ୍ଦ୍ର ପ୍ରଧାନଙ୍କ ତ୍ୟାଗ ଓ ନିଷ୍ଠାକୁ ସମ୍ମାନ ଜଣାଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସୋସିଆଲ ମିଡିଆରେ ଦେଶର ଯୁବପିଢ଼ିଙ୍କୁ ସମ୍ବୋଧନ କରି ପୋଷ୍ଟ ଲେଖିଲେ କେନ୍ଦ୍ର ଗୃହମନ୍ତ୍ରୀ । ବିଜେପି କର୍ମୀଙ୍କ ପାଇଁ ପଦବୀଠୁ ଦେଶ ବଡ଼ । ଦେଶର ଯୁବପିଢ଼ି, ଛାତ୍ରଛାତ୍ରୀଙ୍କ ସ୍ବାର୍ଥ ସର୍ବୋପରି । କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନ ପ୍ରଧାନଙ୍କ ଇସ୍ତଫା ଏହାର ପ୍ରମାଣ ବୋଲି ଉଲ୍ଲେଖ କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ।

भाजपा के कार्यकर्ताओं के लिए पद से कहीं अधिक महत्वपूर्ण देश, हमारी युवा पीढ़ी और विद्यार्थी हैं। आज केंद्रीय शिक्षा मंत्री श्री @dpradhanbjp जी का अपने पद से इस्तीफा इसी को दर्शाता है।

मोदी सरकार देश के युवाओं की भावनाओं का सम्मान करती है और पेपर लीक के विरुद्ध आवश्यक सुधारों के… https://t.co/p12wLKGUkm

— Amit Shah (@AmitShah) July 25, 2026

ମୋଦି ସରକାର ଦେଶର ଯୁବକମାନଙ୍କ ଭାବନାକୁ ସମ୍ମାନ ଜଣାଇବା ସହ ପେପର୍ ଲିକ୍ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଏବଂ ଆବଶ୍ୟକୀୟ ସଂସ୍କାର ପାଇଁ ପ୍ରତିଶ୍ରୁତିବଦ୍ଧ । ନିଆଯାଇଥିବା ଦୃଢ଼ ପଦକ୍ଷେପ ଦ୍ୱାରା ନିଟ୍ ପରୀକ୍ଷାରେ ସଫଳ ହୋଇଥିବା ମେଧାବୀ ଛାତ୍ରଛାତ୍ରୀମାନଙ୍କୁ ସମ୍ପୂର୍ଣ୍ଣ ନ୍ୟାୟ ମିଳିବ ବେଳେ ଆଶା କରାଯାଉଛି ।

ନିଜର କାର୍ଯ୍ୟକାଳ ମଧ୍ୟରେ ଧର୍ମେନ୍ଦ୍ର ପ୍ରଧାନ ଜାତୀୟ ଶିକ୍ଷା ନୀତିର କାର୍ଯ୍ୟାନ୍ୱୟନ, ମାତୃଭାଷାରେ ପରୀକ୍ଷା ବ୍ୟବସ୍ଥା, ପିଏମ ଶ୍ରୀ ବିଦ୍ୟାଳୟର ସମ୍ପ୍ରସାରଣ ଏବଂ ଡିଜିଟାଲ୍ ଶିକ୍ଷାକୁ ପ୍ରୋତ୍ସାହନ ଦେବାରେ ଅନେକ ମାଇଲଖୁଣ୍ଟ ସ୍ଥାପନ କରିଛନ୍ତି । ତାଙ୍କର ଏହି ନିଷ୍ଠା ଓ ତ୍ୟାଗ ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବାର ସଂକଳ୍ପକୁ ଆହୁରି ମଜଭୁତ କରିଛି ବୋଲି ଉଲ୍ଲେଖ କରିଛନ୍ତି ଶାହ ।

ସେପଟେ ଧର୍ମେନ୍ଦ୍ରଙ୍କ ଇସ୍ତଫା ପ୍ରସଙ୍ଗରେ ସୋସିଆଲ ମିଡିଆରେ ଭାବବିହ୍ବଳ ପୋଷ୍ଟ ଲେଖିଲେ ଉଚ୍ଚ ଶିକ୍ଷାମନ୍ତ୍ରୀ ସୂର୍ଯ୍ୟବଂଶୀ ସୂରଜ । ସେ ଲେଖିଛନ୍ତି, ପଦତ୍ୟାଗର ନିଷ୍ପତ୍ତି ଆମ ସଭିଙ୍କୁ ଗଭୀରଭାବେ ଭାବବିହ୍ଵଳ କରିଛି, ଯେଉଁମାନେ ଆପଣଙ୍କ ସଂଘର୍ଷମୟ ଯାତ୍ରାକୁ ଅତି ନିକଟରୁ ଦେଖିଛନ୍ତି, ଆପଣଙ୍କଠାରୁ ପ୍ରେରଣା ନେଇଛନ୍ତି ଓ ଆପଣଙ୍କୁ ସମ୍ମାନ କରିଛନ୍ତି ।

ସମଗ୍ର ଦେଶ ଜାଣିଛି କି ଆପଣ କେବେ ଉତ୍ତରଦାୟିତ୍ୱରୁ ମୁହଁ ଫେରାଇନାହାଁନ୍ତି । ପରିସ୍ଥିତି ପାଇଁ ଆପଣ ଦାୟୀ ନଥିଲେ ମଧ୍ୟ, ଆପଣ ବାହାନା ବଦଳରେ ଉତ୍ତରଦାୟିତ୍ୱକୁ ବାଛିଲେ ଏବଂ ନିଜ ପଦଠାରୁ ଛାତ୍ରଛାତ୍ରୀଙ୍କ ଭବିଷ୍ୟତକୁ ଅଧିକ ଗୁରୁତ୍ୱ ଦେଲେ । ଦୋଷୀମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ, ପରୀକ୍ଷା ପ୍ରକ୍ରିୟାକୁ ପୁନଃ ସୁବ୍ୟବସ୍ଥିତ କରିବା ଏବଂ ପ୍ରକୃତ NEET ପରୀକ୍ଷାର୍ଥୀ ଓ ସେମାନଙ୍କ ଅଭିଭାବକ ବିଶ୍ୱାସ ଫେରାଇ ଆଣିବା ପାଇଁ ଆପଣ ନିଷ୍ଠାର ସହ କାମ କରିଛନ୍ତି ଏବଂ ସଫଳ ମଧ୍ୟ ହୋଇଛନ୍ତି ।
ଦେଶ ପାଇଁ ଆପଣଙ୍କ ଅବଦାନକୁ କୌଣସି ଗୋଟିଏ ବିବାଦ ପ୍ରଭାବିତ କରିପାରିବ ନାହିଁ । ଉଜ୍ଜ୍ୱଳା ଯୋଜନା ମାଧ୍ୟମରେ କୋଟି କୋଟି ମହିଳାଙ୍କ ଜୀବନରେ ପରିବର୍ତ୍ତନ ଆଣିବାଠାରୁ ଆରମ୍ଭ କରି ଐତିହାସିକ ଜାତୀୟ ଶିକ୍ଷା ନୀତି ୨୦୨୦ର କାର୍ଯ୍ୟାନ୍ୱୟନରେ ଆପଣଙ୍କ ନେତୃତ୍ୱକୁ ଦେଶ ସଦା ସ୍ମରଣ କରିବ ।