Argus News - ଦିଲ୍ଲୀ ବିମାନବନ୍ଦରରେ ଟଳିଲା ବଡ଼ ଦୁର୍ଘଟଣା, ରନଓ୍ବେରେ ମୁହାଁମୁହଁ ଧକ୍କା ହେଲା ୨ ବିମାନ

ଦିଲ୍ଲୀ ବିମାନବନ୍ଦରରେ ଏକ ବଡ଼ ବିମାନ ଦୁର୍ଘଟଣା ଟଳି ଯାଇଛି । ଦିଲ୍ଲୀ ବିମାନ ବନ୍ଦରର ରନଓ୍ବେରେ ଦୁଇଟି ବିମାନ ମଧ୍ୟରେ ମୁହାଁମୁହିଁ ଧକ୍କା ହୋଇଛି । ରନଓ୍ବେରେ ଅକାଶା ଏୟାର ବିମାନକୁ ଧକ୍କା ଦେଇଛି ସ୍ପାଇଶ୍‌ ଜେଟ୍‌ ବିମାନ । ଦୁଇଟି ବିମାନର ଓ୍ବିଙ୍ଗ୍ସ ଧକ୍କା ହୋଇଥିଲା । ଆଉ ଏହି ଦୁର୍ଘଟଣା ପରେ ସମସ୍ତ ଯାତ୍ରୀଙ୍କୁ ସୁରକ୍ଷିତ ସ୍ଥାନକୁ ନିଆଯାଇଥିଲା । ଅକାଶା ଏୟାର ବିମାନଟି ଦିଲ୍ଲୀରୁ ହାଇଦ୍ରାବାଦ ଯାତ୍ରା କରୁଥିଲା । ସେପଟେ ଏହି ଦୁର୍ଘଟଣା ପରେ ସମସ୍ତ ଯାତ୍ରୀ ଓ କ୍ରିଉ ସଦସ୍ୟ ସୁରକ୍ଷିତ ଥିବା ଅକାଶା ଏୟାର ପକ୍ଷରୁ କୁହାଯାଇଛି ।



ଏହି ଘଟଣାଟି ଦିଲ୍ଲୀ ବିମାନ ବନ୍ଦରର ଟର୍ମିନାଲ ୧ ନିକଟରେ ଘଟିଥିଲା । ​​ଯେତେବେଳେ ଅକାସା ଏୟାରର ଏକ ବିମାନ (QP 1406) ପଛକୁ ହଟିବା ପରେ ପାର୍କିଂ କରାଯାଇଥିଲା ଏବଂ ଲେହରୁ ଆସୁଥିବା ସ୍ପାଇସଜେଟର ଏକ ବିମାନ (B737-700) ସହିତ ଧକ୍କା ହୋଇଥିଲା। ଏହି ଧକ୍କାରେ ସ୍ପାଇସଜେଟ ବିମାନର ଡାହାଣ ଓ୍ବିଙ୍ଗ୍ସ ଏବଂ ଅକାସା ଏୟାର ବିମାନର ବାମ ଷ୍ଟାବିଲାଇଜର କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି । ସୌଭାଗ୍ୟବଶତଃ, କୌଣସି ଯାତ୍ରୀ କିମ୍ବା କର୍ମଚାରୀ ଆହତ ହୋଇ ନଥିଲେ ।