ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ବାନ ପରେ ବଡ଼ ଘୋଷଣା କରିଛନ୍ତି ଦିଲ୍ଲୀ ସରକାର । ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ଗୁରୁବାର ଘୋଷଣା କରିଛନ୍ତି ଯେ ଦିଲ୍ଲୀର ସରକାରୀ କାର୍ଯ୍ୟାଳୟଗୁଡ଼ିକ ସପ୍ତାହରେ ଦୁଇ ଦିନ ଓ୍ବାର୍କ ଫ୍ରମ୍‌ ହୋମ୍‌ ହେବ । ମୁଖ୍ୟମନ୍ତ୍ରୀ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ଆହ୍ବାନକୁ ଦୃଷ୍ଟିରେ ରଖି ଆର୍ଥିକ ସ୍ଥିରତା ବଜାୟ ରଖିବାକ ପାଇଁ ଏହି ଯୋଜନା ପ୍ରସ୍ତୁତ କରାଯାଇଛି ।

ମୁଖ୍ୟମନ୍ତ୍ରୀ କହିଛନ୍ତି ଯେ ଘରୋଇ କାର୍ଯ୍ୟାଳୟଗୁଡ଼ିକରେ ମଧ୍ୟ ଓ୍ବାର୍କ ଫ୍ରମ୍‌ ହୋମ୍‌ ନିୟମ ଲାଗୁ କରିବାକୁ ପ୍ରୟାସ କରାଯିବ । ସେହିପରି ସେ ଆହୁରି କହିଛନ୍ତି ଯେ ସରକାରୀ ଅଧିକାରୀ ଏବଂ ମନ୍ତ୍ରୀମାନଙ୍କ କାରକେଡ୍‌ରେ ଗାଡ଼ି ସଂଖ୍ୟା ହ୍ରାସ କରାଯାଇଛି । ଅଧିକାରୀମାନଙ୍କୁ ଯୋଗାଇ ଦିଆଯାଉଥିବା ପେଟ୍ରୋଲ ୨୦% ହ୍ରାସ କରାଯାଇଛି । ଏହି ହ୍ରାସ ସେମାନଙ୍କ ପାଇଁ ଲାଗୁ ହେବ ଯେଉଁମାନଙ୍କୁ ପୂର୍ବରୁ ପ୍ରତି ମାସରେ ୨୦୦ ଏବଂ ୨୫୦ ଲିଟର ପେଟ୍ରୋଲ ଏବଂ ଡିଜେଲ ଯୋଗାଇ ଦିଆଯାଉଥିଲା । ଗୋଟିଏ ଦିନ ଆମେ 'ନୋ ଭେଇକିଲ୍‌ ଡେ' ପାଳନ କରିବୁ ।

#WATCH | Delhi: At a press conference, CM Rekha Gupta says, "... Our departments have already cut down on fuel expenses with only the minimum vehicles needed being used, and public transport is being used wherever possible. Officials’ petrol limits of 200–250 litres per month… pic.twitter.com/3EMFuzrh6D

— ANI (@ANI) May 14, 2026

ମୁଖ୍ୟମନ୍ତ୍ରୀ କହିଛନ୍ତି ଯେ ସରକାର ଅଧିକାଂଶ ଶୁଣାଣିକୁ ଭର୍ଚୁଆଲ୍ କରିବାକୁ ଚେଷ୍ଟା କରିବାକୁ କୋର୍ଟଗୁଡ଼ିକୁ ମଧ୍ୟ ନିବେଦନ କରିଛନ୍ତି । ସୋମବାର ଦିନ ସମସ୍ତେ ଯଥାସମ୍ଭବ ମେଟ୍ରୋ ବ୍ୟବହାର କରିବା ଉଚିତ । ଆମେ ଆଗାମୀ ତିନି ମାସ ପାଇଁ କୌଣସି ବଡ଼ କାର୍ଯ୍ୟକ୍ରମ ଆୟୋଜନ କରିବୁ ନାହିଁ । ପର୍ଯ୍ୟଟକମାନେ ଯେପରି କୌଣସି ଅସୁବିଧାର ସମ୍ମୁଖୀନ ନ ହୁଅନ୍ତି ସେଥିପାଇଁ ଆମେ ଦିଲ୍ଲୀ ପାଇଁ ଏକ ସ୍ୱତନ୍ତ୍ର ଯାତ୍ରା ଯୋଜନା କରିବୁ ବୋଲି ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା କହିଛନ୍ତି ।

ସେହିପରି ଦିଲ୍ଲୀ ସରକାର ଘୋଷଣା କରିଛନ୍ତି ଯେ ଆଗାମୀ ତିନି ମାସ ପାଇଁ କୌଣସି ବଡ଼ କାର୍ଯ୍ୟକ୍ରମ ଆୟୋଜନ କରିବୁ ନାହିଁ । ଆଗାମୀ ଛଅ ମାସ ପାଇଁ କୌଣସି ନୂତନ ସରକାରୀ ଯାନ କ୍ରୟ କରିବେ ନାହିଁ । ଏହା ଦ୍ୱାରା ସରକାରୀ ଟଙ୍କା ସଞ୍ଚୟ ହେବ । ଏହି ସଞ୍ଚିତ ଟଙ୍କା କଲ୍ୟାଣମୂଳକ ପ୍ରକଳ୍ପ ପାଇଁ ବ୍ୟବହାର କରାଯାଇପାରିବ ।
ଦିଲ୍ଲୀ ସରକାର ସରକାରୀ କର୍ମଚାରୀଙ୍କ ପାଇଁ ୫୮ଟି ନୂତନ ବସ୍ ଚଲାଇବେ । ଏହି ବସ୍ ୨୯ଟି ସରକାରୀ କଲୋନୀରୁ ସେମାନଙ୍କ କାର୍ଯ୍ୟାଳୟକୁ ଚାଲିବ । ଏହା କର୍ମଚାରୀମାନଙ୍କୁ କାରରେ ଯାତ୍ରା କରିବାର ଆବଶ୍ୟକତାକୁ ଦୂର କରିବ ।

ସେହିପରି ସରକାର ଘୋଷଣା କରିଛନ୍ତି ଯେ ଏବେ ୫୦ ପ୍ରତିଶତ ବୈଠକ ଏବେ ଅନଲାଇନରେ କରାଯିବ। ଏହାର ଅର୍ଥ ହେଉଛି ଅଧା ବୈଠକ କମ୍ପ୍ୟୁଟର, ମୋବାଇଲ୍ କିମ୍ବା ଲାପଟପ୍ ମାଧ୍ୟମରେ କରାଯିବ। ଲୋକଙ୍କୁ ଆଉ ମିଟିଂ ହଲ୍‌ ଆସିବାକୁ ପଡ଼ିବ ନାହିଁ ।

ଦିଲ୍ଲୀ ସରକାରଙ୍କ କୌଣସି ମନ୍ତ୍ରୀ ଆଗାମୀ ବର୍ଷ ପାଇଁ ବିଦେଶ ଯାତ୍ରା କରିବେ ନାହିଁ । ବିଦେଶ ଯାତ୍ରା ପାଇଁ ବହୁତ ଖର୍ଚ୍ଚ ହୁଏ । ଏହି ଖର୍ଚ୍ଚକୁ କଟାଇବା ଦ୍ୱାରା ସରକାର ଟଙ୍କା ସଞ୍ଚୟ କରୁଛନ୍ତି ।