Delhi Kite Flying Ban / ଦିଲ୍ଲୀରେ ଲାଗିଲା ଧାରା ୧୬୩, ଗୁଡ଼ି ଉଡ଼ାଇବା ମନା ! ଜାଣନ୍ତୁ କେବେ ଯାଏଁ ରହିବ କଟକଣା

ସ୍ୱାଧୀନତା ଦିବସ ପୂର୍ବରୁ ଦିଲ୍ଲୀରେ ଲାଗିଲା କଡ଼ା କଟକଣା । ଲାଲକିଲ୍ଲାରେ VIP-VVIP ମୁଭମେଣ୍ଟକୁ ନଜରରେ ରଖି ହାଇ ଆଲର୍ଟରେ ଦିଲ୍ଲୀ ପୋଲିସ । ଅଗଷ୍ଟ ୧୫ରେ କୌଣସି ଅଘଟଣ, ଅରାଜକତା କିମ୍ବା ସୁରକ୍ଷାରେ ସାମାନ୍ୟତମ ତ୍ରୁଟି ଯେପରି ନହୁଏ, ସେଥିପାଇଁ 163 ଧାରା ଲାଗୁ ହୋଇଛି । କେବଳ ଏତିକି ନୁହେଁ, ଗୁଡ଼ି ଉଡ଼ାଇବା ସହ ଡ୍ରୋନ୍ କିମ୍ବା ଅନ୍ୟ କୌଣସି ଉଡ଼ନ୍ତା ବସ୍ତୁ ଉଡ଼ାଇବା ଉପରେ ମଧ୍ୟ ରୋକ୍ ଲଗାଯାଇଛି ।

ଦିଲ୍ଲୀରେ ୮୦ତମ ସ୍ୱାଧୀନତା ଦିବସ ସମାରୋହ ପାଇଁ ପ୍ରସ୍ତୁତି ଜୋରଦାର ଚାଲିଥିବା ବେଳେ ସୁରକ୍ଷା ବ୍ୟବସ୍ଥାକୁ ନେଇ ଦିଲ୍ଲୀ ପୋଲିସ ହାଇ ଆଲର୍ଟରେ ରହିଛି । ଏହା ସହ ଗୁଡ଼ି ଉଡ଼ାଇବା ଉପରେ ମଧ୍ୟ କଟକଣା ଲଗାଯାଇଛି । ଏହି ଆଦେଶ ଅଗଷ୍ଟ ୧୬ ପର୍ଯ୍ୟନ୍ତ ଲାଗୁ ରହିବ । ଆଦେଶ ଉଲ୍ଲଂଘନ କଲେ ଆଇନ ଅନୁସାରେ କଠୋର କାର୍ଯ୍ୟାନୁଷ୍ଠାନ ନିଆଯିବ । କଣ୍ଟ୍ରୋଲ ରୁମ୍‌ରୁ ଡ୍ରୋନ୍ ମାଧ୍ୟମରେ ନଜର ରଖାଯାଉଥିବା ବେଳେ ପୋଲିସ କର୍ମଚାରୀମାନେ ମଧ୍ୟ କଡ଼ା ନିରୀକ୍ଷଣ କରୁଛନ୍ତି ।

METRO ADVISORY ON KITE FLYING NEAR ELEVATED METRO LINES

Flying kites is a popular tradition in Delhi-NCR, especially around Independence Day. Delhi Metro which presently operates a network of 416 KM in Delhi-NCR is primarily elevated with 25,000 Volts, voltage live Over Head…

— Delhi Metro Rail Corporation (@OfficialDMRC) August 12, 2026

ଦିଲ୍ଲୀ ମେଟ୍ରୋ ପକ୍ଷରୁ ମଧ୍ୟ ଗୁଡ଼ି ଉଡ଼ାଇବାକୁ ନେଇ ଆଡଭାଇଜରୀ ଜାରି କରାଯାଇଛି । DMRC ଲୋକଙ୍କୁ ଅଗଷ୍ଟ ୧୫ ପର୍ଯ୍ୟନ୍ତ ଏଲିଭେଟେଡ୍ ମେଟ୍ରୋ ଲାଇନ୍ ନିକଟରେ ଗୁଡ଼ି ନଉଡ଼ାଇବାକୁ ଅପିଲ୍ କରିଛି। ମେଟ୍ରୋର OHE ଲାଇନ୍‌ରେ ପ୍ରାୟ ୨୫,୦୦୦ ଭୋଲ୍ଟ ବିଦ୍ୟୁତ ପ୍ରବାହିତ ହୁଏ । ଗୁଡ଼ିର ସୂତା ଏହି ଲାଇନ୍‌ର ସଂସ୍ପର୍ଶରେ ଆସିଲେ ତାହା ଜୀବନ ପ୍ରତି ବିପଦଜନକ ହୋଇପାରେ ।

ଅଧିକ ପଢ଼ନ୍ତୁ: ୨୨୪ଜଣ ଯାତ୍ରୀଙ୍କୁ ନେଇ ଯାଉଥିଲା ଇଣ୍ଡିଗୋ ବିମାନ…ହଠାତ ମଝି ଆକାଶରେ ଫେଲ ହେଲା ଇଞ୍ଜିନ…

କେବଳ ମଣିଷଙ୍କ ସୁରକ୍ଷା ନୁହେଁ, ଗୁଡ଼ିର ସୂତା OHE କିମ୍ବା ମେଟ୍ରୋ ଟ୍ରେନ୍‌ର ପାଣ୍ଟୋଗ୍ରାଫ୍‌ରେ ଫସିଗଲେ ମେଟ୍ରୋ ସେବା ମଧ୍ୟ ବାଧାପ୍ରାପ୍ତ ହୋଇପାରେ । ଏଥିପାଇଁ ସମ୍ବେଦନଶୀଳ ମେଟ୍ରୋ ଷ୍ଟେସନ୍‌ଗୁଡ଼ିକ ନିକଟରେ ଗୁଡ଼ିର ସୂତା ହଟାଇବା ପାଇଁ ସ୍ୱତନ୍ତ୍ର ଟିମ୍‌ ମଧ୍ୟ ମୁତୟନ କରାଯାଇଛି । ନିୟମ ଉଲ୍ଲଂଘନ ହେଲେ ପୋଲିସକୁ ଅଭିଯୋଗ କରାଯିବ ।

DCP ରୋହିତ ରାଜବୀର ସିଂହଙ୍କ ଆଦେଶ ଅନୁସାରେ ଲାଲକିଲ୍ଲା ଆଖପାଖ ଅଞ୍ଚଳରେ ଧାରା ୧୬୩ ଲାଗୁ ହୋଇଛି । ସ୍ୱାଧୀନତା ଦିବସ ସମାରୋହ ସମୟରେ ସୁରକ୍ଷା ବ୍ୟବସ୍ଥାକୁ ସୁଦୃଢ଼ ରଖିବା ଏହାର ମୁଖ୍ୟ ଉଦ୍ଦେଶ୍ୟ । ଗୁଡ଼ି କିମ୍ବା ଡ୍ରୋନ୍ ସମେତ କୌଣସି ପ୍ରକାରର ଉଡ଼ନ୍ତା ବସ୍ତୁ ଉଡ଼ାଇବା ଉପରେ ରୋକ୍ ଲଗାଯାଇଛି ।
ପୋଲିସର କହିବା ଅନୁସାରେ, ଲାଲକିଲ୍ଲା ନିକଟରେ ଏପରି କଟକଣା ଜରୁରୀ, କାରଣ ଉଡ଼ନ୍ତା ବସ୍ତୁ ଦ୍ୱାରା ସୁରକ୍ଷା ବ୍ୟବସ୍ଥାରେ ବାଧା ସୃଷ୍ଟି ହେବା ସହ ଜନସାଧାରଣଙ୍କ ସୁରକ୍ଷା ପ୍ରତି ବିପଦ ରହିପାରେ । କୌଣସି ବ୍ୟକ୍ତିଙ୍କୁ ଅନୁମତି ବିନା ଲାଲକିଲ୍ଲାରେ ପ୍ରବେଶ, ଗୁଡ଼ି ଉଡ଼ାଇବା କିମ୍ବା ଡ୍ରୋନ୍ ଉଡ଼ାଇବାକୁ ଅନୁମତି ନାହିଁ ।

ଧାରା ୧୬୩ ଏବଂ ଗୁଡ଼ି ଉଡ଼ାଇବା ଉପରେ ଲାଗିଥିବା ପ୍ରତିବନ୍ଧ ଅଗଷ୍ଟ ୧୬ ପର୍ଯ୍ୟନ୍ତ ଲାଗୁ ରହିବ । ଆଦେଶ ଉଲ୍ଲଂଘନ କରୁଥିବା ବ୍ୟକ୍ତିଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (BNS)ର ଧାରା ୨୨୩ ଅନୁସାରେ କଠୋର କାର୍ଯ୍ୟାନୁଷ୍ଠାନ ନିଆଯିବ । ଦିଲ୍ଲୀ ପୋଲିସ ରାଜଧାନୀର ସମସ୍ତ ବାସିନ୍ଦା, ପର୍ଯ୍ୟଟକ, ଅନ୍ୟ ରାଜ୍ୟରୁ ଆସୁଥିବା ଲୋକ, ବିଭିନ୍ନ ସଂସ୍ଥା ଏବଂ କାର୍ଯ୍ୟକ୍ରମ ଆୟୋଜକଙ୍କୁ ଏହି ଆଦେଶ ପାଳନ କରିବାକୁ ଅପିଲ୍ କରିଛି ।