ନୂଆଦିଲ୍ଲୀ: ଦିଲ୍ଲୀ ବିସ୍ଫୋରଣ ପରେ ପଦାକୁ ଆସୁଛି ଆତଙ୍କବାଦୀଙ୍କ ଗୋଟିଏ ପରେ ଗୋଟିଏ ଷଡ଼ଯନ୍ତ୍ର । ଦିଲ୍ଲୀ ଆତ୍ମଘାତୀ କାର୍ ବିସ୍ଫୋରଣରେ ସାମିଲ୍ ହ୍ଵାଇଟ୍ କଲାର୍ ଟେରର୍ ମଡ୍ୟୁଲ୍ ଡ୍ରୋନ୍ ମୋଡିଫାଏ କରିବାକୁ ଯୋଜନା କରିଥିଲେ । ମୋଡିଫାଏଡ୍ ଡ୍ରୋନ୍‌ରେ ଅସ୍ତ୍ରଶସ୍ତ୍ର ଖଞ୍ଜିଥାନ୍ତା, ରକେଟ୍ ତିଆରି ବି କରିଥାଆନ୍ତେ ।

ନଭେମ୍ବର ୧୦ ଦିଲ୍ଲୀ ଲାଲକିଲ୍ଲା ମେଟ୍ରୋ ବାହାରେ ଆକ୍ରମଣ ପୂର୍ବରୁ ମୋଡିଫାଏଡ୍ ଡ୍ରୋନ୍‌ ସହ ରକେଟ୍ ତିଆରି ନେଇ ଯୋଜନା କରିଥିଲେ ହ୍ଵାଇଟ୍ କଲାର୍ ଟେରର୍ ମଡ୍ୟୁଲ୍ । ଇସ୍ରାଏଲ୍‌ରେ ହମାସ୍ ଯେଭଳି ୨୦୨୩ ଅକ୍ଚୋବର ୭ରେ ଆକ୍ରମଣ କରିଥିଲା । ଠିକ୍ ସେହି ଢଙ୍ଗରେ ଆକ୍ରମଣ ପାଇଁ ଯୋଜନା କରିଥିଲେ ଆତଙ୍କବାଦୀ ।

ଏଥିସହ ପଢ଼ନ୍ତୁ: ଧରାପଡ଼ିଲା ଆତ୍ମଘାତୀ ଆତଙ୍କବାଦୀ ଉମରର ସହଯୋଗୀ; ବିସ୍ଫୋରଣ ପାଇଁ କରିଥିଲା ଟେକ୍ନୋଲୋଜିର ସହାୟତା

ଦିଲ୍ଲୀ ଆକ୍ରମଣ ପାଇଁ ଆତଙ୍କବାଦୀଙ୍କ ମୁଖ୍ୟ ଅସ୍ତ୍ର ହୋଇଥାନ୍ତା ଡ୍ରୋନ୍ । ଡ୍ରୋନ୍‌ରେ ଖଞ୍ଜିତ ଅସ୍ତ୍ର ମାଧ୍ୟମରେ ହୋଇଥାନ୍ତା ବିସ୍ଫୋରଣ । ତଦନ୍ତ ବେଳେ NIA ହାତରେ ଲାଗିଛି ଏହି ତଥ୍ୟ । ବିସ୍ଫୋରଣ ମାମଲାରେ ଟେକ୍ନୋଲୋଜି ସହାୟତା ଦେଇଥିବା ଦ୍ଵିତୀୟ ସନ୍ଦିଗ୍ଧ ଆତଙ୍କବାଦୀକୁ NIA ଗିରଫ କରିଛି । ଗିରଫ ଦାନିସ୍, ଆତ୍ମଘାତୀ ବିସ୍ଫୋରଣକାରୀ ଉମର ଉନ୍ ନବୀର ସହଯୋଗୀ ।

ଗିରଫ ହୋଇଥିବା ଆତଙ୍କବାଦୀ ପରିଚୟ ଜାସିର୍ ବିଲାଲ ୱାନି ଓରଫ୍ ଦାନିଶ ବୋଲି କୁହାଯାଉଛି । ଜମ୍ମୁ-କାଶ୍ମୀର ଅନନ୍ତନାଗ ଜିଲ୍ଲାର କାଜିଗୁଣ୍ଡ ଅଞ୍ଚଳରେ ଦାନିଶର ଘର । NIA ତଦନ୍ତ ବେଳେ ସାମ୍ନାକୁ ଚକିତ କଲା ଭଳି ତଥ୍ୟ ଆସିଛି ।

ଅଭିଯୋଗ ଅନୁସାରେ, ଜାସିର୍ ହିଁ ଆତଙ୍କବାଦୀ ଆକ୍ରମଣ ପାଇଁ ଟେକ୍ନୋଲୋଜି ସହାୟତା ଯୋଗାଇ ଦେଇଥିଲା । ସେ ଡ୍ରୋନ୍ ମୋଡିଫାଏ କରେ, ଆଉ ସେହି ଡ୍ରୋନ୍‌କୁ ଆକ୍ରମଣରେ ବ୍ୟବହାର କରାଯାଏ । ଏପରିକି ଜାସିର୍ ରକେଟ୍ ତିଆରି ପାଇଁ ପ୍ରୟାସ କରୁଥିବା ଜଣାପଡ଼ିଛି ।

ଏହି ଟେରର୍ ମଡେଲ୍ ଅସ୍ତ୍ରଶସ୍ତ୍ର ଖଞ୍ଜିତ ଡ୍ରୋନ୍‌କୁ ଜନଗହଳିପୂର୍ଣ୍ଣ ଅଞ୍ଚଳକୁ ପଠାଇ ବିସ୍ଫୋରଣ ଯୋଜନା କରୁଥିଲେ । ହମାସ୍ ଭଳି ଆକ୍ରମଣ ପାଇଁ ଷଡ଼ଯନ୍ତ୍ର ରଚିଥିଲେ । ସିରିଆ ଭଳି ଏକାଧିକ ଦେଶରେ ପୂର୍ବରୁ ଏହି କୌଶଳ ଆକ୍ରମଣକାରୀ ପାଇଁ ଆପଣାଇଛନ୍ତି ।

ଏଥିସହ ପଢ଼ନ୍ତୁ: ଦେହ ଖରାପ ସତ୍ତ୍ଵେ ହ୍ୟୁମାନଙ୍କୁ ନେଇ କିଏ କରାଉଥିଲା ଷ୍ଟେଜ୍ ଶୋ' ? ମାଆ ଆଣିଲେ ସାଂଘାତିକ ଅଭିଯୋଗ

ତଦନ୍ତ ବେଳେ ଜଣାପଡ଼ିଛି, ଆତ୍ମଘାତୀ ବିସ୍ଫୋରଣକାରୀ ଉମର ସହ ମିଶି ଜାସିର୍ ଦିଲ୍ଲୀ ବିସ୍ଫୋରଣ ପାଇଁ ପ୍ରସ୍ତୁତି କରିଥିଲା । NIA ଅନୁସାରେ, ଜାସିର୍‌ କେବଳ ବୈଷୟିକ ସହାୟତା ଦେଉନଥିଲା ବରଂ ଆକ୍ରମଣ କିଭଳି, କେମିତି ହେବ ସେଥିରେ ସକ୍ରିୟ ଭାବେ ସାମିଲ୍ ଥିଲା ।

ଉମରର ସବୁଠୁ ଘନିଷ୍ଠ ଓ ବିଶ୍ଵାସଯୋଗ୍ୟ ସହଯୋଗୀ ହେଉଛି ଜାସିର୍ । ଯିଏକି ଆକ୍ରମଣର ପ୍ରତିଟି ପର୍ଯ୍ୟାୟରେ ସଂଶ୍ଲିଷ୍ଟ ଥିଲା । ସୂଚନାଯୋଗ୍ୟ, ଦିନକ ତଳେ NIA ଉମରର ଆଉ ଜଣେ ସହଯୋଗୀକୁ ଗିରଫ କରିଥିଲା । NIA ଗିରଫ କରିଥିବା ଆତଙ୍କବାଦୀ ଆମୀର ରଶିଦ ଅଲୀ ।