ଅର୍ଗସ ବ୍ୟୁରୋ : ଆମ ପୂର୍ବ ପୁରୁଷମାନେ ଅନେକ ସଂଘର୍ଷ କରିଛନ୍ତି । ମନ୍ଦିର ତିଆରି କରିବା ପାଇଁ ଅନେକ କିଛି ସାମ୍ନା କରିବାକୁ ପଡିଛି ସେମାନଙ୍କୁ । କିନ୍ତୁ ଶେଷରେ ସବୁ ପ୍ରତୀକ୍ଷାର ଅନ୍ତ ଘଟିଛି । ମର୍ଯ୍ୟାଦା ପୁରୁଷ ଶ୍ରୀରାମଙ୍କ ମନ୍ଦିର ପ୍ରତିଷ୍ଠା ହେବାକୁ ଯାଉଛି । ଶ୍ରୀରାମ ଧ୍ବଜା ପୂଜନ ଉତ୍ସବରେ ଯୋଗଦେଇ କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଧର୍ମେନ୍ଦ୍ର କହିଛନ୍ତି, ଭାରତର ଅନେକ ମନ୍ଦିରର ନିର୍ମାଣ କାର୍ଯ୍ୟ ଆରମ୍ଭ ହେଲେ ଏହା ଦୀର୍ଘ ଦିନ ଧରି ଚାଲିଥାଏ। ହେଲେ ଅଯୋଧ୍ୟାର ଶ୍ରୀରାମ ମନ୍ଦିର ଅଗଷ୍ଟ ୨୦୨୨ରେ ଆରମ୍ଭ ହୋଇ ୨୦୨୪ରେ ଶେଷ ହେବାକୁଯାଉଛି । ଏବଂ ୨୨ ରେ ମନ୍ଦିର ପ୍ରତିଷ୍ଠା ହେବାକୁ ଯାଉଛି । ଯାହାକୁ ନେଇ ସାରା ବିଶ୍ବରେ ଭାରତ ଏକ ପରିଚୟ ସୃଷ୍ଟି କରିଛି ।
ଶ୍ରୀରାମ ମନ୍ଦିର ପ୍ରତିଷ୍ଠା ନେଇ ପ୍ରତ୍ୟେକ ରାମ ଭକ୍ତ ସମସ୍ତଙ୍କ ଦ୍ବାର ଦ୍ବାର ବୋଲି ନିମନ୍ତ୍ରଣ କରିବେ ବୋଲି କହିଛନ୍ତି ଧର୍ମେନ୍ଦ୍ର ।

ସାରା ଭାରତକୁ ରାମମୟ କରିବା ପାଇଁ ଆମକୁ ସଂକଳ୍ପ କରିବାକୁ ପଡିବ । ଆମେ ସମସ୍ତେ ରାମରାଜ୍ୟ ପାଇଁ ସଂକଳ୍ପ ନେବା ଦରକାର ଏବଂ ଏହାର ଦାୟିତ୍ବ ସମସ୍ତ ଜନତା ଗ୍ରହଣ କରିବା ଦରକାର ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV