NCERT ପାଠ୍ୟପୁସ୍ତକ ପ୍ରସ୍ତୁତିର ସମୀକ୍ଷା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । NCERT ପାଠ୍ୟପୁସ୍ତକର ବିକାଶ ଓ ବିତରଣ କାର୍ଯ୍ୟକୁ ନେଇ ବଡ଼ ପଦକ୍ଷେପ । କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ପ୍ରଥମରୁ ଅଷ୍ଟମ ଏବଂ ବିଶେଷ କରି ନବମ ଶ୍ରେଣୀର ନୂତନ ପାଠ୍ୟପୁସ୍ତକ ପ୍ରସ୍ତୁତିର ସମୀକ୍ଷା କରିଛନ୍ତି । ବଜାରରେ ଯେପରି ବହିର ଅଭାବ ନ ହୁଏ, ସେଥିପାଇଁ ମୁଦ୍ରଣ ଓ ବିତରଣ କାର୍ଯ୍ୟକୁ ତ୍ୱରାନ୍ୱିତ କରିବାକୁ ସେ ନିର୍ଦ୍ଦେଶ ଦେଇଛନ୍ତି ।

ଜାତୀୟ ଶିକ୍ଷା ନୀତି (NEP) ୨୦୨୦ ଅନୁଯାୟୀ, ଦେଶର ଶିକ୍ଷା ବ୍ୟବସ୍ଥାରେ ବଡ଼ ପରିବର୍ତ୍ତନ ହେବାକୁ ଯାଉଛି । ଦଶମ, ଏକାଦଶ ଏବଂ ଦ୍ୱାଦଶ ଶ୍ରେଣୀର ପାଠ୍ୟପୁସ୍ତକ ପ୍ରସ୍ତୁତି ପାଇଁ ସ୍ୱତନ୍ତ୍ର ସମୟସୀମା ଧାର୍ଯ୍ୟ କରାଯାଇଛି । ଏହି ପାଠ୍ୟପୁସ୍ତକଗୁଡ଼ିକ କେବଳ ପାଠ ପଢ଼ାଇବ ନାହିଁ, ବରଂ ଉଚ୍ଚଶିକ୍ଷା ଏବଂ ଉଚ୍ଚସ୍ତରୀୟ ଚିନ୍ତାଧାରାର ଭିତ୍ତିଭୂମି ଗଠନ କରିବ ।

ନୂତନ ବହିଗୁଡ଼ିକ ଭାରତୀୟ ସଂସ୍କୃତି, ନୈତିକ ମୂଲ୍ୟବୋଧ ଏବଂ ପ୍ରମାଣ-ଭିତ୍ତିକ ବୋଧଗମ୍ୟତା ଉପରେ ପର୍ଯ୍ୟବେସିତ ହେବ। ବଜାରରେ ବହି ସହଜରେ ଉପଲବ୍ଧ କରିବାକୁ ନିର୍ଦ୍ଦେଶ । ପାଠ୍ୟପୁସ୍ତକରେ ବୈଜ୍ଞାନିକ, ଐତିହାସିକ ଓ ସାମାଜିକ ପ୍ରସଙ୍ଗର ପ୍ରତିଫଳନ ରହିବ । କଳ୍ପନାଶକ୍ତି ଓ ଦୂରଦୃଷ୍ଟି ସମ୍ପନ୍ନ ଶିକ୍ଷାର୍ଥୀ ଗଢ଼ିବା ଉପରେ ଗୁରୁତ୍ୱ ଦିଆଯାଇଛି । ପାଠ୍ୟପୁସ୍ତକଗୁଡ଼ିକ ଆଗାମୀ ଦଶନ୍ଧିର ଆବଶ୍ୟକତାକୁ ପୂରଣ କରିବ ଏବଂ ଭବିଷ୍ୟତର ବୈଜ୍ଞାନିକ ଓ ଐତିହାସିକ ସୃଷ୍ଟି କରିବାରେ ସହାୟକ ହେବ । ଏହା ଦ୍ୱାରା ଦେଶର କୋଟି କୋଟି ଛାତ୍ରଛାତ୍ରୀ ଉପକୃତ ହେବେ ବୋଲି କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।