ଅର୍ଗସ ବ୍ୟୁରୋ : ରାଜ୍ୟସଭାରେ ଆଜି ପାରିତ ହୋଇଛି କେନ୍ଦ୍ରୀୟ ବିଶ୍ବବିଦ୍ୟାଳୟ (ସଂଶୋଧନ) ବିଲ । ବିଲ ଉପରେ ଆଲୋଚନା ଅବସରରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ  କହିଛନ୍ତି ଯେ, ସେଣ୍ଟ୍ରାଲ ଟ୍ରାଇବାଲ ୟୁନିଭର୍ସିଟି ଆନ୍ଧ୍ରରେ ହୋଇସାରିଛି, ହେଲେ ତେଲଙ୍ଗାନା ସରକାରଙ୍କ ଅସହଯୋଗ ପାଇଁ ଏହା ବିଳମ୍ବ ହେଲା । ଜନଜାତିଙ୍କ ବିଷୟରେ ବିଶେଷ ଅଧ୍ୟୟନ କରିବାରେ ଏହି ବିଶ୍ବବିଦ୍ୟାଳୟ ବେଶ ସହାୟକ ହେବ । 

ଏହାସହ ନୂତନ ଶିକ୍ଷା ନୀତିକୁ ପ୍ରତିଟି ରାଜ୍ୟ ଆପଣାଉଥିବା କହିଥିଲେ କେନ୍ଦ୍ରମନ୍ତ୍ରୀ । ସେହିପରି ପରିବାରବାଦକୁ ନେଇ ବର୍ଷିଥିଲେ କେନ୍ଦ୍ରମନ୍ତ୍ରୀ । ସ୍ବାଧୀନତା ପରେ ଗୋଟିଏ ପରିବାର ହିଁ ନିଜକୁ ସର୍ବେସର୍ବା ବା ନିଜକୁ ହିଁ ଦେଶ ଭାବିନେଇଥିଲା, ସର୍ଦ୍ଦାର ପଟେଲଙ୍କୁ ସମ୍ମାନ ମିଳିନଥିଲେ, ହେଲେ ଏବେ ପ୍ରଧାନମନ୍ତ୍ରୀ ଷ୍ଟାଚ୍ୟୁ ଅଫ୍ ୟୁନିଟି ବନାଇ ତାଙ୍କୁ ସମ୍ମାନିତ କରିଥିଲେ । 

ଅଧିକ ପଢନ୍ତୁ ଭାରତ ଖବର

ଏହାସହ ଇତିହାସ ପରିବର୍ତ୍ତନର ଆରୋପରେ ଜବାବ ଦେଇ କେନ୍ଦ୍ର ଶିକ୍ଷାମନ୍ତ୍ରୀ କହିଛନ୍ତି ଭଗବାନ ବିର୍ସାମୁଣ୍ଡଙ୍କ ଜୟନ୍ତୀକୁ ଜନଜାତୀ ଗୌରବ ଦିବସ ଭାବେ ପାଳନ କରିବା କଣ ଇତିହାସ ପରିବର୍ତ୍ତନ କରିବା କି ? ଦେଶର ଜନତା ଦୁଇଥର ପ୍ରଧାନମନ୍ତ୍ରୀଙ୍କୁ ଆର୍ଶୀର୍ବାଦ କରିଛନ୍ତି । ତୃତୀୟ ଥର ମଧ୍ୟ ମୋଦି ଗ୍ୟାରେଣ୍ଟି ହିଁ ରହିବ ବୋଲି କହିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।