Liquor Shops Closed / ଦୀପାବଳିରେ ବନ୍ଦ ରହିବ ମଦ ଦୋକାନ! ଜାଣନ୍ତୁ କ’ଣ ରହିଛି ନିୟମ?

ନୂଆଦିଲ୍ଲୀ,୦୬/୧୧: ଦୀପାବଳିରେ ବନ୍ଧୁ ଓ ପରିବାର ସହ ପାର୍ଟି କରିବାକୁ ଯୋଜନା କରୁଛନ୍ତି କି? ତେବେ ମଦ ବିକ୍ରିକୁ ନେଇ ରହିଥିବା ନିୟମ ବିଷୟରେ ଜାଣି ରଖନ୍ତୁ। ୨୦୨୬ ନଭେମ୍ବର ୮ ତାରିଖ ଦୀପାବଳି ଅବସରରେ ଦିଲ୍ଲୀ, ଉତ୍ତର ପ୍ରଦେଶ ଓ ମହାରାଷ୍ଟ୍ର ସମେତ କେତେକ ରାଜ୍ୟରେ ମଦ ବିକ୍ରି ଉପରେ କଟକଣା ରହିବ। ଏହି ଦିନ ମଦ ଦୋକାନ ବନ୍ଦ ରହିବା ସହ ବାର୍ ଓ ପବ୍‌ରେ ମଦ ପରିବେଷଣ ଉପରେ ମଧ୍ୟ ନିୟମ ଲାଗୁ ହୋଇପାରେ।

ଦୀପାବଳିରେ କେଉଁଠି କ’ଣ ନିୟମ?

ଦିଲ୍ଲୀ ଓ ଉତ୍ତର ପ୍ରଦେଶରେ ନଭେମ୍ବର ୮ରେ ମଦ ଦୋକାନ ଏବଂ ନିୟମିତ ବାର୍ ବନ୍ଦ ରହିବାର ସମ୍ଭାବନା ରହିଛି। ମହାରାଷ୍ଟ୍ରରେ ମଧ୍ୟ ମଦ ଦୋକାନ ଓ ବାର୍ ବନ୍ଦ ରହିବା ନେଇ ନିୟମ ରହିଛି। ଏହି ଦିନ ବିୟର ସମେତ ଅନ୍ୟ ମଦ ବିକ୍ରି ଉପରେ ମଧ୍ୟ କଟକଣା ଲାଗୁ ହୋଇପାରେ। କେବଳ ମଦ ଦୋକାନ ନୁହେଁ, ବାର୍, ପବ୍ ଓ ରେଷ୍ଟୁରାଣ୍ଟରେ ମଦ ପରିବେଷଣ ଉପରେ ମଧ୍ୟ ରାଜ୍ୟ ଅନୁସାରେ ନିୟମ ରହିବ। କିଛି ସ୍ୱତନ୍ତ୍ର ଲାଇସେନ୍ସପ୍ରାପ୍ତ ହୋଟେଲକୁ ନିର୍ଦ୍ଦିଷ୍ଟ ସର୍ତ୍ତରେ ମଦ ପରିବେଷଣ ଅନୁମତି ମିଳିପାରେ।

ପଢନ୍ତୁ ଏହି ଖବର: ଶାଶୁ-ଜ୍ୱାଇଁ ପ୍ରେମ କାହାଣୀ... ସ୍ୱାମୀଙ୍କୁ ଛାଡ଼ି ସୁନା ଗହଣା ନେଇ ଜ୍ୱାଇଁଙ୍କ ସହ ପଳାଇଗଲେ ଶାଶୁ!

ନଭେମ୍ବର-ଡିସେମ୍ବରରେ ଆଉ କେବେ ଡ୍ରାଏ ଡେ?

ନଭେମ୍ବର ୨୪ରେ ଗୁରୁ ନାନକ ଜୟନ୍ତୀ ଏବଂ ଡିସେମ୍ବର ୨୫ରେ ଖ୍ରୀଷ୍ଟମାସ ଅବସରରେ ଦିଲ୍ଲୀ ଓ ଉତ୍ତର ପ୍ରଦେଶରେ ମଦ ବିକ୍ରି ଉପରେ କଟକଣା ରହିବାର ସୂଚନା ରହିଛି। ମହାରାଷ୍ଟ୍ରରେ ନଭେମ୍ବର ୫ରେ କାର୍ତ୍ତିକୀ ଏକାଦଶୀ ଅବସରରେ ମଧ୍ୟ ମଦ ଦୋକାନ ବନ୍ଦ ରହିବ।

ଧନତେରସ ଓ ଭାଇ ଦୂଜରେ ମିଳିବ ମଦ?

ଧନତେରସ, ଗୋବର୍ଦ୍ଧନ ପୂଜା ଓ ଭାଇ ଦୂଜ ଭଳି ଦିନରେ ଦିଲ୍ଲୀ ଓ ଉତ୍ତର ପ୍ରଦେଶରେ ମଦ ଦୋକାନ ସାଧାରଣତଃ ଖୋଲା ରହିବାର ସୂଚନା ରହିଛି। ତେବେ ଡ୍ରାଏ ଡେ’ର ତାଲିକା ରାଜ୍ୟ ଅନୁସାରେ ଭିନ୍ନ ହୋଇଥାଏ। ତେଣୁ ପାର୍ଟି କିମ୍ବା ବାହାରକୁ ଯିବା ପୂର୍ବରୁ ନିଜ ରାଜ୍ୟର ଅବକାରୀ ବିଭାଗର ସରକାରୀ ଘୋଷଣା ଯାଞ୍ଚ କରିନିଅନ୍ତୁ।