Dogs Can Detect Cancer / ମଣିଷର ନିଶ୍ଵାସରୁ କୁକୁର ଜାଣି ପାରୁଛି ହୋଇଛି କି କ୍ୟାନସର୍
·2 hours ago·3 min read
Key Points
ଜୀବଜନ୍ତୁଙ୍କ ମଧ୍ୟରେ ମଣିଷର ସବୁଠୁ ବିଶ୍ଵସ୍ତ ସାଥୀ ହେଉଛି କୁକୁର । ଏବେ ଏହି କୁକୁର ମଣିଷକୁ କ୍ୟାନସର୍ ହେଲେ ଜାଣିପାରୁଛି । ମଣିଷର ନିଶ୍ଵାସରୁ କୁକୁର ଚିହ୍ନଟ କରିପାରୁଛି କ୍ୟାନସର୍ ରୋଗ ।
ବେଙ୍ଗାଲୁରୁ: କ୍ୟାନସର୍ ବା କର୍କଟ, ଆଜିର ଦିନରେ ବିଶ୍ଵର ଅନ୍ୟ ମାରାତ୍ମକ ରୋଗ ଭିତରୁ ଅନ୍ୟତମ । ଭାରତରେ ମଧ୍ୟ ପ୍ରତି ୯ ଜଣରେ ଜଣଙ୍କ ଠାରେ କ୍ୟାନସର୍ ଚିହ୍ନଟ ହେଉଛି । ଏସିଆର ଦ୍ଵିତୀୟ ଓ ବିଶ୍ଵର ତୃତୀୟ ଦେଶ ଭାବେ ଭାରତରେ ଚିହ୍ନଟ ହେଉଛନ୍ତି ସର୍ବାଧିକ କର୍କଟ ଆକ୍ରାନ୍ତ ।
ତଥ୍ୟ କହୁଛି, ଆମ ଦେଶରେ ପ୍ରତିବର୍ଷ ୧୪ ଲକ୍ଷ କ୍ୟାନସର୍ ପୀଡ଼ିତ ଚିହ୍ନଟ ହେଉଛନ୍ତି । ଆଉ ଅଧିକାଂଶ ମାମଲା କ୍ୟାନସର୍ର ଶେଷ ବା ଚତୁର୍ଥ ପର୍ଯ୍ୟାୟରେ ଜଣାପଡ଼ୁଛି । ଏଥିସହ କ୍ୟାନସର୍ ଚିହ୍ନଟ ଲାଗି ଭାରତରେ ଏବେ ୧୫ ହଜାରରୁ ୬୦ ହଜାର ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡ଼ୁଛି । ଯାହାକି ସମସ୍ତଙ୍କ ପକ୍ଷେ ସମ୍ଭବ ନୁହେଁ ।
କ୍ୟାନସରର ଭୟାବହତା ଓ ଜଟିଳତା ଭିତରେ ବେଙ୍ଗାଲୁରୁର ଏକ ଷ୍ଟାର୍ଟଅପ୍ ଡଗ୍ନୋସିସ୍ (Dognosis) ଆଣିଛି ଆଶ୍ଵସ୍ତି କଲା ଭଳି ଖବର । ଡଗ୍ନୋସିସ୍ର ଦାବି ହେଲା, କୁକୁର ଓ AI ମାଧ୍ୟମରେ ମଣିଷର ନିଶ୍ଵାସରୁ କ୍ୟାନସର୍ ଚିହ୍ନଟ କରାଯାଇପାରୁଛି । ଏପରିକି ଡାକ୍ତର ଯେତେବେଳେ ପ୍ରଥମ ପର୍ଯ୍ୟାୟରେ କ୍ୟାନସର୍ ଚିହ୍ନଟ କରିବାରେ ଅକ୍ଷମ, ସେତେବେଳେ କୁକୁର ଫାଷ୍ଟ ଷ୍ଟେଜ୍ କ୍ୟାନସର୍ ଚିହ୍ନଟ କରିପାରୁଛି ।
ଡଗ୍ନୋସିସ୍ର ଦାବି ହେଲା, ଏହି ନୂତନ ପ୍ରକ୍ରିୟାରେ କ୍ୟାନସର୍ର ଚିହ୍ନଟ ଶୀଘ୍ର ହେବା ସହ କମ୍ ଖର୍ଚ୍ଚ ହେବ ଏବଂ ଏହା ସମସ୍ତଙ୍କ ନିକଟରେ ପହଞ୍ଚା ଯାଇପାରିବ । ଏଥିପାଇଁ ଡଗ୍ନୋସିସ୍ ୨ଟି ପର୍ଯ୍ୟାୟ ପରୀକ୍ଷଣ ବି ସରିଛି ।
ଷ୍ଟାର୍ଟଅପ୍ ପକ୍ଷରୁ ଦ୍ଵିତୀୟ ପର୍ଯ୍ୟାୟ ପରୀକ୍ଷଣ କର୍ଣ୍ଣାଟକରେ କରାଯାଇଛି । ଅଙ୍କୋଲୋଜିଷ୍ଟ ଡକ୍ଟର ବିଆର୍ ପାଟିଲ୍ କହିଛନ୍ତି, "୬ଟି ହସ୍ପିଟାଲ୍ର ୧୫୦୨ ଜଣ ପୀଡ଼ିତଙ୍କୁ ପରୀକ୍ଷଣରେ ସାମିଲ୍ କରାଯାଇଥିଲା । ଏହି ପରୀକ୍ଷଣରେ କୁକୁର ଓ AI ମାଧ୍ୟମରେ ଯାଞ୍ଚ କରାଯାଇଥିବା ନମୁନାରୁ ୯୦ ପ୍ରତିଶତରୁ ଅଧିକ ସଠିକତା ରହିଛି । ୭ ପ୍ରକାର କ୍ୟାନସରକୁ କୁକୁର ଚିହ୍ନଟ କରିପାରିଛି ।"
କୁକୁର କେମିତି ଚିହ୍ନୁଛି କ୍ୟାନସର୍ ?
ଡଗ୍ନୋସିସ୍ର CEO ଆକାଶ କୁଲଗଡ୍ କହିଛନ୍ତି, "ପ୍ରଥମେ କ୍ୟାନସର ସନ୍ଦିଗ୍ଧଙ୍କୁ ମୁହଁରେ ଏକ ସ୍ଵତନ୍ତ୍ର ମାସ୍କ ପିନ୍ଧା ଯାଇଥାଏ । ୧୦ ମିନିଟ୍ ମାସ୍କଟି ପିନ୍ଧିଲା ପରେ ତାହା ଭୋଲାଟାଇଲ୍ ଅର୍ଗାନିକ୍ କମ୍ପାଉଣ୍ଡସ୍ (VOCs)କୁ ମଣିଷ ନିଶ୍ଵାସରୁ ଗ୍ରହଣ କରିଥାଏ ।"
ଏହାପରେ ସେହି ମାସ୍କକୁ ଲାବୋରେଟୋରୀକୁ ନିଆଯାଇଥାଏ । ଯେଉଁଠି ନିୟନ୍ତ୍ରିତ ପରୀକ୍ଷାଗାରରେ ସ୍ଵତନ୍ତ୍ର ତାଲିମପ୍ରାପ୍ତ କୁକୁର ମାସ୍କକୁ ଶୁଂଘି ଥାଏ । କୁକୁରର ପ୍ରତିକ୍ରିୟାକୁ ସେନସର ସହାୟତାରେ ଗ୍ରହଣ କରାଯାଇ AI ସହାୟତାରେ ବିଶ୍ଲେଷଣ କରାଯାଇ କ୍ୟାନସର୍ ଚିହ୍ନଟ କରାଯାଉଥିବା କହିଛନ୍ତି ଆକାଶ କୁଲଗଡ୍ ।
ଏବେ ଡଗ୍ନୋସିସ୍ ମୁଖ୍ୟତଃ ବ୍ରେଷ୍ଟ କ୍ୟାନସର୍, ସର୍ଭାଇକାଲ୍ ଏବଂ ଓରାଲ୍ କ୍ୟାନସର୍ ଚିହ୍ନଟ ଉପରେ ଗୁରୁତ୍ଵ ଦେଉଛି । କମ୍ପାନୀ ପାଖରେ ଏବେ ୧୫ଟି ତାଲିମପ୍ରାପ୍ତ କୁକୁର ଅଛନ୍ତି । ଯେଉଁଥିରେ ବିଗଲେସ୍, ଲାବ୍ରାଡର, ଡଚ୍ ଶେଫ୍ରେଡ-ବେଜିଆନ୍ ଆଦି କୁକୁର ଅଛନ୍ତି ।
ଆଗକୁ ବଡ଼ ପରୀକ୍ଷଣ
ଡଗ୍ନୋସିସ୍ର ଯୋଜନା ଅନୁସାରେ, ଆଗାମୀ ୬ରୁ ୯ ମାସ ମଧ୍ୟରେ ୩୦ ହଜାରରୁ ଅଧିକ ଲୋକଙ୍କୁ ନେଇ ବଡ଼ ଧରଣର କ୍ୟାନସର୍ ସ୍କ୍ରିନିଂ କରାଯିବ । ଏଥିପାଇଁ କମ୍ପାନୀ ଅଙ୍କୋଲୋଜି (Oncology) ନେଟୱର୍କ କ୍ଲିୟରମେଡି ସହ ଯୋଡ଼ି ହୋଇଛି । କ୍ଲିୟରମେଡି ପାଖରେ ଦେଶରେ ୭ଟି କ୍ୟାନସର୍ ହସ୍ପିଟାଲ୍ ରହିଛି ।
ଏଥିସହ ଡଗ୍ନୋସିସ୍ ପକ୍ଷରୁ ଭାରତ ଓ ଆମେରିକା ସରକାରଙ୍କ ସହ ଆଲୋଚନା କରାଯାଉଛି । ଅନ୍ତର୍ଜାତୀୟ ଲାବୋରେଟୋରୀ ଗୁଣବତ୍ତା ସହ ଡଗ୍ନୋସିସ୍ ଏହି ସେବାର ବାଣିଜ୍ୟିକ ଆରମ୍ଭ ୨୦୨୭ରେ କରିବାକୁ ଲକ୍ଷ୍ୟ ରଖିଛି ।
ଡଗ୍ନୋସିସ୍ର କାର୍ଯ୍ୟକର୍ତ୍ତା ମନଲ ଶକୀଲ କହିଛନ୍ତି, "ଆଗକୁ ଆମେ ସରକାରଙ୍କ ସହଭାଗୀତା ଲକ୍ଷ୍ୟ ରଖିଛି । ଏଥିପାଇଁ ପଞ୍ଜାବ NHM, କର୍ଣ୍ଣାଟକ ଓ ଆନ୍ଧ୍ରପ୍ରଦେଶ ସରକାରଙ୍କ ସହ ଆଲୋଚନା ଜାରି ରହିଛି ।"
ତେବେ ଡଗ୍ନୋସିସ୍ କ୍ୟାନସର୍ ସ୍କ୍ରିନିଂର ମୂଲ୍ୟ କେତେ ରହିବ ତାହା ଏବେ ସୁଦ୍ଧା ସ୍ଥିର ହୋଇନାହିଁ । ତଥାପି ବର୍ତ୍ତମାନର ବଜାର ମୂଲ୍ୟ ଠାରୁ କମ୍ ରହିବ ବୋଲି ଡଗ୍ନୋସିସ୍ ପକ୍ଷରୁ କୁହାଯାଇଛି ।
ଏଥିସହ ପଢ଼ନ୍ତୁ: ରୋଗୀଙ୍କ ସ୍ୱାସ୍ଥ୍ୟ ପାଇଁ ଅତି ବିପଜ୍ଜନକ ୧୬ ମେଡିସିନ୍; ପ୍ରତିବନ୍ଧକ ଲଗାଇଲେ କେନ୍ଦ୍ର ସରକାର
ତଥ୍ୟ କହୁଛି, ଆମ ଦେଶରେ ପ୍ରତିବର୍ଷ ୧୪ ଲକ୍ଷ କ୍ୟାନସର୍ ପୀଡ଼ିତ ଚିହ୍ନଟ ହେଉଛନ୍ତି । ଆଉ ଅଧିକାଂଶ ମାମଲା କ୍ୟାନସର୍ର ଶେଷ ବା ଚତୁର୍ଥ ପର୍ଯ୍ୟାୟରେ ଜଣାପଡ଼ୁଛି । ଏଥିସହ କ୍ୟାନସର୍ ଚିହ୍ନଟ ଲାଗି ଭାରତରେ ଏବେ ୧୫ ହଜାରରୁ ୬୦ ହଜାର ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡ଼ୁଛି । ଯାହାକି ସମସ୍ତଙ୍କ ପକ୍ଷେ ସମ୍ଭବ ନୁହେଁ ।
କ୍ୟାନସରର ଭୟାବହତା ଓ ଜଟିଳତା ଭିତରେ ବେଙ୍ଗାଲୁରୁର ଏକ ଷ୍ଟାର୍ଟଅପ୍ ଡଗ୍ନୋସିସ୍ (Dognosis) ଆଣିଛି ଆଶ୍ଵସ୍ତି କଲା ଭଳି ଖବର । ଡଗ୍ନୋସିସ୍ର ଦାବି ହେଲା, କୁକୁର ଓ AI ମାଧ୍ୟମରେ ମଣିଷର ନିଶ୍ଵାସରୁ କ୍ୟାନସର୍ ଚିହ୍ନଟ କରାଯାଇପାରୁଛି । ଏପରିକି ଡାକ୍ତର ଯେତେବେଳେ ପ୍ରଥମ ପର୍ଯ୍ୟାୟରେ କ୍ୟାନସର୍ ଚିହ୍ନଟ କରିବାରେ ଅକ୍ଷମ, ସେତେବେଳେ କୁକୁର ଫାଷ୍ଟ ଷ୍ଟେଜ୍ କ୍ୟାନସର୍ ଚିହ୍ନଟ କରିପାରୁଛି ।
ଡଗ୍ନୋସିସ୍ର ଦାବି ହେଲା, ଏହି ନୂତନ ପ୍ରକ୍ରିୟାରେ କ୍ୟାନସର୍ର ଚିହ୍ନଟ ଶୀଘ୍ର ହେବା ସହ କମ୍ ଖର୍ଚ୍ଚ ହେବ ଏବଂ ଏହା ସମସ୍ତଙ୍କ ନିକଟରେ ପହଞ୍ଚା ଯାଇପାରିବ । ଏଥିପାଇଁ ଡଗ୍ନୋସିସ୍ ୨ଟି ପର୍ଯ୍ୟାୟ ପରୀକ୍ଷଣ ବି ସରିଛି ।
ଷ୍ଟାର୍ଟଅପ୍ ପକ୍ଷରୁ ଦ୍ଵିତୀୟ ପର୍ଯ୍ୟାୟ ପରୀକ୍ଷଣ କର୍ଣ୍ଣାଟକରେ କରାଯାଇଛି । ଅଙ୍କୋଲୋଜିଷ୍ଟ ଡକ୍ଟର ବିଆର୍ ପାଟିଲ୍ କହିଛନ୍ତି, "୬ଟି ହସ୍ପିଟାଲ୍ର ୧୫୦୨ ଜଣ ପୀଡ଼ିତଙ୍କୁ ପରୀକ୍ଷଣରେ ସାମିଲ୍ କରାଯାଇଥିଲା । ଏହି ପରୀକ୍ଷଣରେ କୁକୁର ଓ AI ମାଧ୍ୟମରେ ଯାଞ୍ଚ କରାଯାଇଥିବା ନମୁନାରୁ ୯୦ ପ୍ରତିଶତରୁ ଅଧିକ ସଠିକତା ରହିଛି । ୭ ପ୍ରକାର କ୍ୟାନସରକୁ କୁକୁର ଚିହ୍ନଟ କରିପାରିଛି ।"
କୁକୁର କେମିତି ଚିହ୍ନୁଛି କ୍ୟାନସର୍ ?
ଡଗ୍ନୋସିସ୍ର CEO ଆକାଶ କୁଲଗଡ୍ କହିଛନ୍ତି, "ପ୍ରଥମେ କ୍ୟାନସର ସନ୍ଦିଗ୍ଧଙ୍କୁ ମୁହଁରେ ଏକ ସ୍ଵତନ୍ତ୍ର ମାସ୍କ ପିନ୍ଧା ଯାଇଥାଏ । ୧୦ ମିନିଟ୍ ମାସ୍କଟି ପିନ୍ଧିଲା ପରେ ତାହା ଭୋଲାଟାଇଲ୍ ଅର୍ଗାନିକ୍ କମ୍ପାଉଣ୍ଡସ୍ (VOCs)କୁ ମଣିଷ ନିଶ୍ଵାସରୁ ଗ୍ରହଣ କରିଥାଏ ।"
ଏହାପରେ ସେହି ମାସ୍କକୁ ଲାବୋରେଟୋରୀକୁ ନିଆଯାଇଥାଏ । ଯେଉଁଠି ନିୟନ୍ତ୍ରିତ ପରୀକ୍ଷାଗାରରେ ସ୍ଵତନ୍ତ୍ର ତାଲିମପ୍ରାପ୍ତ କୁକୁର ମାସ୍କକୁ ଶୁଂଘି ଥାଏ । କୁକୁରର ପ୍ରତିକ୍ରିୟାକୁ ସେନସର ସହାୟତାରେ ଗ୍ରହଣ କରାଯାଇ AI ସହାୟତାରେ ବିଶ୍ଲେଷଣ କରାଯାଇ କ୍ୟାନସର୍ ଚିହ୍ନଟ କରାଯାଉଥିବା କହିଛନ୍ତି ଆକାଶ କୁଲଗଡ୍ ।
ଏବେ ଡଗ୍ନୋସିସ୍ ମୁଖ୍ୟତଃ ବ୍ରେଷ୍ଟ କ୍ୟାନସର୍, ସର୍ଭାଇକାଲ୍ ଏବଂ ଓରାଲ୍ କ୍ୟାନସର୍ ଚିହ୍ନଟ ଉପରେ ଗୁରୁତ୍ଵ ଦେଉଛି । କମ୍ପାନୀ ପାଖରେ ଏବେ ୧୫ଟି ତାଲିମପ୍ରାପ୍ତ କୁକୁର ଅଛନ୍ତି । ଯେଉଁଥିରେ ବିଗଲେସ୍, ଲାବ୍ରାଡର, ଡଚ୍ ଶେଫ୍ରେଡ-ବେଜିଆନ୍ ଆଦି କୁକୁର ଅଛନ୍ତି ।
ଆଗକୁ ବଡ଼ ପରୀକ୍ଷଣ
ଡଗ୍ନୋସିସ୍ର ଯୋଜନା ଅନୁସାରେ, ଆଗାମୀ ୬ରୁ ୯ ମାସ ମଧ୍ୟରେ ୩୦ ହଜାରରୁ ଅଧିକ ଲୋକଙ୍କୁ ନେଇ ବଡ଼ ଧରଣର କ୍ୟାନସର୍ ସ୍କ୍ରିନିଂ କରାଯିବ । ଏଥିପାଇଁ କମ୍ପାନୀ ଅଙ୍କୋଲୋଜି (Oncology) ନେଟୱର୍କ କ୍ଲିୟରମେଡି ସହ ଯୋଡ଼ି ହୋଇଛି । କ୍ଲିୟରମେଡି ପାଖରେ ଦେଶରେ ୭ଟି କ୍ୟାନସର୍ ହସ୍ପିଟାଲ୍ ରହିଛି ।
ଏଥିସହ ଡଗ୍ନୋସିସ୍ ପକ୍ଷରୁ ଭାରତ ଓ ଆମେରିକା ସରକାରଙ୍କ ସହ ଆଲୋଚନା କରାଯାଉଛି । ଅନ୍ତର୍ଜାତୀୟ ଲାବୋରେଟୋରୀ ଗୁଣବତ୍ତା ସହ ଡଗ୍ନୋସିସ୍ ଏହି ସେବାର ବାଣିଜ୍ୟିକ ଆରମ୍ଭ ୨୦୨୭ରେ କରିବାକୁ ଲକ୍ଷ୍ୟ ରଖିଛି ।
ଡଗ୍ନୋସିସ୍ର କାର୍ଯ୍ୟକର୍ତ୍ତା ମନଲ ଶକୀଲ କହିଛନ୍ତି, "ଆଗକୁ ଆମେ ସରକାରଙ୍କ ସହଭାଗୀତା ଲକ୍ଷ୍ୟ ରଖିଛି । ଏଥିପାଇଁ ପଞ୍ଜାବ NHM, କର୍ଣ୍ଣାଟକ ଓ ଆନ୍ଧ୍ରପ୍ରଦେଶ ସରକାରଙ୍କ ସହ ଆଲୋଚନା ଜାରି ରହିଛି ।"
ତେବେ ଡଗ୍ନୋସିସ୍ କ୍ୟାନସର୍ ସ୍କ୍ରିନିଂର ମୂଲ୍ୟ କେତେ ରହିବ ତାହା ଏବେ ସୁଦ୍ଧା ସ୍ଥିର ହୋଇନାହିଁ । ତଥାପି ବର୍ତ୍ତମାନର ବଜାର ମୂଲ୍ୟ ଠାରୁ କମ୍ ରହିବ ବୋଲି ଡଗ୍ନୋସିସ୍ ପକ୍ଷରୁ କୁହାଯାଇଛି ।
ଏଥିସହ ପଢ଼ନ୍ତୁ: ରୋଗୀଙ୍କ ସ୍ୱାସ୍ଥ୍ୟ ପାଇଁ ଅତି ବିପଜ୍ଜନକ ୧୬ ମେଡିସିନ୍; ପ୍ରତିବନ୍ଧକ ଲଗାଇଲେ କେନ୍ଦ୍ର ସରକାର
📱 Get Argus News App
✨📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
Related Topics
Explore more stories