ମହାରାଷ୍ଟ୍ର ଉପ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ 'X' ଆକାଉଣ୍ଟ ହ୍ୟାକ୍ ହୋଇଯାଇଛି । ସିନ୍ଦେଙ୍କ ଆକାଉଣ୍ଟରେ ପାକିସ୍ତାନ ଏବଂ ତୁର୍କୀର ପତାକା ପୋଷ୍ଟ କରାଯାଇଛି । ହ୍ୟାକର୍ସମାନେ ୨ଟି ଦେଶର ପତାକା ସହିତ ଲାଇଭ ଷ୍ଟ୍ରିମିଂ କରିଥିଲେ। ଭାରତ ପାକିସ୍ତାନରେ ମଧ୍ୟରେ ଥିବା ଦ୍ଵିତୀୟ ଏସିଆ କପ୍ ମ୍ୟାଚ ଦିନ ହିଁ ଏପରି ପୋଷ୍ଟ ତାଙ୍କ ଆକଉଣ୍ଟରେ କରାଯାଇଥିଲା ।

ତେବେ ଏହାକୁ ନେଇ ଅଧିକାରୀଙ୍କ ପକ୍ଷରୁ ତୁରନ୍ତ ସାଇବର କ୍ରାଇମ ପୋଲିସ ଟିମକୁ ଖବର ଦିଆଯାଇଥିଲା । ପରେ ଉପମୁଖ୍ୟମନ୍ତ୍ରୀଙ୍କ ସେହି ଆକାଉଣ୍ଟ ସମ୍ଭାଳୁଥିବା ଦଳ ଆକାଉଣ୍ଟଟିକୁ ପୁନଃଉଦ୍ଧାର କରିଥିଲେ । ଆକାଉଣ୍ଟକୁ ପୁନଃଉଦ୍ଧାର କରିବା ପାଇଁ ତାଙ୍କୁ ୩୦ ରୁ ୪୦ ମିନିଟ୍ ସମୟ ଲାଗିଥିଲା ।

କିନ୍ତୁ ଏହା ଭିତରେ ହିଁ ଏହି ଆକାଉଣ୍ଟରେ ପୋଷ୍ଟ ହୋଇଥିବା ଦୁଇଟି ଇସଲାମିକ ଦେଶର ପତାକାର ସ୍କ୍ରିନସଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଥିଲା । ପୂର୍ବରୁ ୨୦୨୪ ମେ' ରେ ଆସାମ ପ୍ରଦେଶ କଂଗ୍ରେସ କମିଟି ର ' x' ହ୍ୟାଣ୍ଡେଲ ହ୍ୟାକ୍ ହେବାସହ ଏହାର ନାଁ ପରିବର୍ତ୍ତନ ହୋଇ 'ଟେସଲା ଇଭେଣ୍ଟ' ରଖାଯାଇଥିଲା ଏବଂ ପ୍ରୋଫାଇଲ ଫଟୋରେ ମଧ୍ୟ ଟେସଲା ରଖାଯାଇଥିଲା ।

ଅଧିକ ପଢନ୍ତୁ : ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ହତ୍ୟା ଧମକ, ବଢିଲା ସୁରକ୍ଷା

ତେବେ ଏହି ଘଟଣା ପରେ ଏଲନ ମସ୍କଙ୍କ ଏହି ଏକ୍ସ ପ୍ଲାଟଫର୍ମର ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଅଧିକାରୀ ତଥା ବିଶେଷଜ୍ଞମାନେ କହିଛନ୍ତି, ସରକାରୀ ତଥା ରାଜନୈତିକ ବିଶିଷ୍ଟ ନେତାମାନଙ୍କ ଅଫିସିଆଲ ଆକାଉଣ୍ଟ ପ୍ରତି ବିଶେଷ ସୁରକ୍ଷା ବ୍ୟବସ୍ଥା କରିବାର ଆବଶ୍ୟକତା ରହିଛି ।