ଆରମ୍ଭ ହେଲା ଭୋଟ୍‌ ଗଣତି । ୪ ରାଜ୍ୟ ଏବଂ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ଅନୁଷ୍ଠିତ ହୋଇଥିବା ବିଧାନସଭା ନିର୍ବାଚନର ଭୋଟ୍‌ ଗଣତି ଆରମ୍ଭ ହୋଇଛି । ପ୍ରଥମେ ଷ୍ଟ୍ରଙ୍ଗ୍‌ରୁମ୍‌ ଖୋଲିବା ପରେ ସକାଳ ୮ଟାରୁ ବିଧିବଦ୍ଧ ଭାବେ ଭୋଟ୍‌ ଗଣତି ଆରମ୍ଭ ହୋଇଛି । ପ୍ରଥମେ ପୋଷ୍ଟାଲ ବାଲାଟ୍ ଗଣତି ହେଉଛି । ପୋଷ୍ଟାଲ ବାଲାଟ୍‌ ଗଣତି ଶେଷ ହେବା ପରେ ଖୋଲିବ ଇଭିଏମ୍‌ । ସେପଟେ କେଉଁ ରାଜ୍ୟରେ କେଉଁ ସରକାର ଆସିବ ତାକୁ ନେଇ ସାଧାରଣ ଜନତାଙ୍କ ମଧ୍ୟରେ ବେଶ୍‌ ଉତ୍କଣ୍ଠା ଦେଖାଦେଇଛି ।

#WATCH | Assam Assembly Elections 2026 | Guwahati, Assam: Visuals from Maniram Dewan Trade Centre in Guwahati, where the counting of votes for 126 Assembly constituencies has begun.

Counting of votes for 126 Assembly constituencies will begin from 8 am. pic.twitter.com/Kgk4JpH0mx

— ANI (@ANI) May 4, 2026

୪ ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳର ନିର୍ବାଚନ ମୋଟ ୮୨୪ଟି ଆସନର ଭାଗ୍ୟ ନିର୍ଦ୍ଧାରଣ କରିବ । ଏଥର ପଶ୍ଚିମବଙ୍ଗରେ ସର୍ବାଧିକ ୯୨% ରୁ ଅଧିକ ମତଦାନ ହୋଇଛି । ସେହିପରି ଆସାମରେ ୮୫.୩୮%, ତାମିଲନାଡୁରେ ୮୪.୬୯%, କେରଳରେ ୭୯.୬୩% ଓ ପୁଡୁଚେରୀରେ ୮୯.୮୭% ପ୍ରତିଶତ ମତଦାନ ରେକର୍ଡ ହୋଇଛି ।

କ'ଣ କହୁଛି ଏକଜିଟ୍ ପୋଲ୍ ?

ତାମିଲନାଡୁର ମୋଟ ୨୩୪ ଆସନରେ ଏପ୍ରିଲ ୨୩ରେ ଭୋଟ ଗ୍ରହଣ ହୋଇଥିଲା । ଏକଜିଟ୍ ପୋଲ୍ ଅନୁଯାୟୀ DMK+ ମେଣ୍ଟ ୧୩୧-୧୪୬ ଆସନ ସହ ପୁନର୍ବାର ସରକାର ଗଠନ କରିପାରେ । ସେହିପରି AIADMK+ ୫୬-୭୨ ଏବଂ ନୂତନ ଦଳ TVK ୨୨-୨୬ ଆସନ ପାଇବା ନେଇ ପୂର୍ବାନୁମାନ କରାଯାଉଛି ।

Counting of votes for the elections to the Assemblies of Assam, Keralam, Tamil Nadu, West Bengal and Puducherry begins. Counting of votes for by-polls in seven Assembly constituencies of five States also being done today.

In West Bengal, counting being done on 293 of the total… pic.twitter.com/DMaW2aDjnT

— ANI (@ANI) May 4, 2026

କେରଳର ମୋଟ ୧୪୦ ଆସନରେ ମତଦାନ ହୋଇଛି । ଏଠାରେ କଡ଼ା ମୁକାବିଲା ହେବାର ସମ୍ଭାବନା ଅଛି । କିଛି ଏକଜିଟ୍ ପୋଲ୍ ଅନୁଯାୟୀ INC+ (UDF) ୭୪-୮୨ ଆସନ ସହ ଆଗରେ ଥିବାବେଳେ, ଅନ୍ୟ କିଛି ପୋଲ୍ LDFକୁ ସାମାନ୍ୟ ସୁବିଧା ମିଳିପାରେ ବୋଲି ଦର୍ଶାଇଛନ୍ତି ।

ଆସାମରେ ୧୨୬ ଆସନରେ ଭୋଟ ଗ୍ରହଣ ହୋଇଥିଲା । BJP+ ମେଣ୍ଟ ୮୫-୯୫ରୁ ଅଧିକ ଆସନ ପାଇ ତୃତୀୟ ଥର ପାଇଁ କ୍ଷମତା ଦଖଲ କରିବାର ସମ୍ଭାବନା ଅଧିକ । INC+ ୨୫-୩୨ ଆସନ ମଧ୍ୟରେ ସୀମିତ ରହିପାରେ ।

ସେହିପରି ପୁଡୁଚେରୀର ୩୦ ଆସନରେ ମତଦାନ ହୋଇଥିଲ। BJP+ (NDA) ମେଣ୍ଟ ୧୭-୨୩ ଆସନ ପାଇ ପୁଣି ସରକାର ଗଠନ କରିପାରେ ବୋଲି ପୂର୍ବାନୁମାନ କରାଯାଇଛି ।

ପଶ୍ଚିମବଙ୍ଗରୁ ହଟିପାରନ୍ତି ଦିଦି !

ପଶ୍ଚିମବଙ୍ଗରେ ୨୯୩ଟି ଆସନ ପାଇଁ ହୋଇଥିବା ନିର୍ବାଚନରେ ୯୦ ପ୍ରତିଶତରୁ ଅଧିକ ମତଦାନ ବିଶ୍ଳେଷକଙ୍କୁ ଚକିତ କରିଛି । ଏଠାରେ ବିଜେପି TMC ଗଡ଼କୁ ଭାଙ୍ଗିବାରେ ସଫଳ ହୋଇଥିବା ବିଭିନ୍ନ ଏକ୍‌ଜିଟ୍‌ ପୋଲ୍‌ ପୂର୍ବାନୁମାନ କରିଛନ୍ତି । ୬ଟି ମୁଖ୍ୟ ଏକ୍‌ଜିଟ ପୋଲ୍ ମଧ୍ୟରୁ ୪ଟି ବିଜେପିର ବହୁମତ ଆକଳନ କରିଛନ୍ତି । ମାଟ୍ରିଜ୍‌ ୧୪୬ରୁ ୧୬୧ ଆସନ ଏବଂ ପି ମାର୍କ ୧୫୦ରୁ ୧୭୫ ଆସନ ବିଜେପିକୁ ମିଳିବା ନେଇ ଆକଳନ କରିଛନ୍ତି । ବିଜେପି ମ୍ୟାଜିକ୍ ନମ୍ବର ୧୪୮ ଅତିକ୍ରମ କରିବ ବୋଲି ଦର୍ଶାଇଛନ୍ତି । ସେହିପରି ପ୍ରଜାପୋଲ ମଧ୍ୟ ବିଜେପିକୁ ୧୭୮ ରୁ ୨୦୮ ଆସନ ଏବଂ ପୋଲ ଡାଏରୀ ୧୪୨ ରୁ ୧୭୧ ଆସନ ମିଳିବା ନେଇ ପୂର୍ବାନୁମାନ କରିଛନ୍ତି । ତେବେ ପିପୁଲ୍ସ ପଲ୍ସ ଟିଏମ୍‌ସିକୁ ୧୭୭-୧୮୭ ଆସନ ଦେଇ ମମତା ବାନାର୍ଜୀଙ୍କ ପ୍ରତ୍ୟାବର୍ତ୍ତନର ସୂଚନା ଦେଇଛି। ରାଜ୍ୟରେ କଂଗ୍ରେସ ଏବଂ ବାମପନ୍ଥୀ ଦଳଗୁଡ଼ିକର ପ୍ରଦର୍ଶନ ଅତ୍ୟନ୍ତ ଦୁର୍ବଳ ବୋଲି ଆକଳନ କରାଯାଇଛି ।