ଅର୍ଗସ ବ୍ୟୁରୋ : ଗୋଟିଏ ଭୁଲ ପାଇଁ ଦେବାକୁ ପଡିଲା ଫାଇନ । ଟିକଟ ଥାଏ ମଧ୍ୟ ୮୧ ହଜାର ଫାଇନ ସହ ପୋଲିସଦ୍ବାରା ଗିରଫହେଲେ କିଛି ଟ୍ରେନ ଯାତ୍ରୀ । ଏବେ ଆପଣ ଭାବୁଥିବେ ଏପରି କଣ ଭୁଲ କଲେ ଯେ, ଏକାଥରେ ୩୩୫ ଜଣଙ୍କୁ ଗିରଫ କରିବାକୁ ପଡିଲା । ଆସନ୍ତୁ ଜାଣିବା ସମ୍ପୁର୍ଣ୍ଣ ଘଟଣା । 

ଅଧିକ ପଢନ୍ତୁ : ଟ୍ରେନ୍ ବୁକିଂରେ ବଡ ରିହାତି

ନର୍ଥ ସେଣ୍ଟ୍ରାଲ ରେଲୱେ ଝାନ୍ସି ଅଞ୍ଚଳରେ ଯାଉଥିବା ବେଳେ ବିନା କାରଣରେ ଚେନ ଟାଣିଥିଲେ ୩୩୫ ଯାତ୍ରୀ । ସେମାନେ ଷ୍ଟେସନରେ ଓହ୍ଲାଇବାକୁ ଟିକେଟ କରିଥିଲେ ମଧ୍ୟ ଷ୍ଟେସନରେ ନଓହ୍ଲାଇ ନିଜ ନିଜ ଗାଁ, ଘର ପାଖରେ ଓହ୍ଲାଇବା ପାଇଁ ଚେନ ଟାଣି ଦେଇଥିଲେ । ଯାହା ରେଲୱେ ଆକ୍ଟର ବିଭିନ୍ନ ଧାରା ଅନୁଯାୟୀ ଏକ ଅପରାଧ ଅଟେ । ଏହି କାରଣରୁ ଏହି ଯାତ୍ରୀମାନଙ୍କୁ ଗିରଫ କରିବା ସହ ୮୧ ହଜାର ଟଙ୍କା ଜୋରିମାନା ଦେଇଥିଲେ । ତେବେ ଏପରି ବିନା କାରଣରେ ଚେନ ଟାଣିବା ଦ୍ବାରା ୬ ମାସରୁ ବର୍ଷେ ଯାଏଁ ଜେଲଦଣ୍ଡ ସହ ୧ ହଜାର ଟଙ୍କା ଜୋରିମାନାର ଦଣ୍ଡବିଧାନ ରହିଛି ।