Kashmir Controversy / ଫାରୁକ୍ ଅବଦୁଲ୍ଲାଙ୍କ ପାକିସ୍ତାନ ପ୍ରେମ; କହିଲେ 'ପାକିସ୍ତାନ ପାଇଁ ବଞ୍ଚିଛି କାଶ୍ମୀର'

ଶ୍ରୀନଗର: ପୁଅ ମୁଖ୍ୟମନ୍ତ୍ରୀ, ଦାୟିତ୍ଵ ରାଜ୍ୟବାସୀଙ୍କ ସୁରକ୍ଷା । ରାଜ୍ୟର ମୁଖିଆ ଭାବେ ପୁଅ ଯେତେବେଳେ ସାମ୍ବିଧାନିକ ପଦରେ ରହି ଶାସନ କରୁଛନ୍ତି । ସେହି ସମୟରେ ଜଣେ ବାପାର କର୍ତ୍ତବ୍ୟ ହେଉଛି ପୁଅଠୁ ଅଧିକ । ଅର୍ଥାତ୍ ରାଜ୍ୟ ସହ ଦେଶର ମର୍ଯ୍ୟାଦା ରକ୍ଷା କରିବା ।

ଜଣେ ପୂର୍ବତନ ମୁଖ୍ୟମନ୍ତ୍ରୀତଥା ପୂର୍ବତନ କେନ୍ଦ୍ରମନ୍ତ୍ରୀଙ୍କ ଆଚରଣ ଓ ଉଚ୍ଚାରଣରେ ଦେଶ ପ୍ରେମ ଉଦ୍‌ଭାସିତ ହେବା କଥା । କିନ୍ତୁ ଜାମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ୍ ଅବଦୁଲ୍ଲା ଏବେ ଭାରତ ବଦଳରେ ପାକିସ୍ତାନ ପ୍ରେମରେ ପଡ଼ିଛନ୍ତି ।

ଏଥିସହ ପଢ଼ନ୍ତୁ: ମୁମ୍ବାଇରୁ Rapido ଡ୍ରାଇଭର ଗିରଫ; ଜୈଶ ଆତଙ୍କୀ ସହ ଥିଲା ଲିଙ୍କ୍ 

ନ୍ୟାସନାଲ କନଫରେନ୍ସ (NC) ମୁଖ୍ୟ ଫାରୁକ୍ ଅବଦୁଲ୍ଲା ଏବେ କାଶ୍ମୀରକୁ ନେଇ ଦେଇଥିବା ମନ୍ତବ୍ୟକୁ ନେଇ ରାଜନୀତି ସରଗରମ ହୋଇଛି । ଫାରୁକ୍ ଅବଦୁଲ୍ଲା କହିଛନ୍ତି, "ଜମ୍ମୁ-କାଶ୍ମୀରର ଲୋକଙ୍କୁ ପାକିସ୍ତାନ ସୁରକ୍ଷା ଦେଉଛି ।"

Baramulla, Jammu and Kashmir: National Conference President Farooq Abdullah says, "Until you stand on your own feet, you will never gain respect—remember this word of mine. If you want to stand on your own feet, then first remember your Almighty, walk on His path. That is the true power, there is no other power. Many came, many left. We have seen big stalwarts in politics who committed atrocities against us... Remember, you will not achieve anything until you stand united... In the rest of India, where there is a BJP government, do you see how their settlements are being demolished, their houses are being bulldozed, their shops are being demolished? Is anything hidden from you..."

— IANS (@ians_india) October 24, 2026

ବିଜେପିର କଡ଼ା ବିରୋଧ

ଫାରୁକ ଅବଦୁଲ୍ଲାଙ୍କ ଏଭଳି ଦେଶ ବିରୋଧୀ ମନ୍ତବ୍ୟକୁ ବିଜେପି ତୀବ୍ର ସମାଲୋଚନା କରିଛି । ବିଜେପି ନେତା ଫାରୁକଙ୍କ ଏହି ବୟାନକୁ ଦେଶ ବିରୋଧୀ ଓ ଦେଶଦ୍ରୋହ ବୋଲି କହିଛନ୍ତି । ଏଥସହ ଫାରୁକ ଅବଦୁଲ୍ଲାଙ୍କ ବିରୋଧରେ ମାମଲା ରୁଜୁ କରିବାକୁ ମଧ୍ୟ ଦାବି କରିଛନ୍ତି ।

ଅକ୍ଟୋବର ୨୪ ତାରିଖ (ଶନିବାର) ବାରାମୁଲ୍ଲାରେ ଦଳୀୟ କର୍ମୀଙ୍କ ଏକ ସମ୍ମିଳନୀରେ ଭାଷଣ ଦେବା ବେଳେ ଫାରୁକ୍ ଅବଦୁଲ୍ଲା ପାକିସ୍ତାନ ପ୍ରେମ ଦେଖାଇ ବିବାଦୀୟ ମନ୍ତବ୍ୟ ଦେଇଛନ୍ତି ।

ଫାରୁକ ଅବଦୁଲ୍ଲାଙ୍କ ଅନୁସାରେ, "ପାକିସ୍ତାନ ବିଭିନ୍ନ ଅନ୍ତର୍ଜାତୀୟ ମଞ୍ଚରେ କାଶ୍ମୀର ପ୍ରସଙ୍ଗ ଉଠାଉଛି । ଏହାଦ୍ୱାରା ଜମ୍ମୁ-କାଶ୍ମୀରର ଲୋକଙ୍କ ସମସ୍ୟା ବିଶ୍ୱ ସାମ୍ନାକୁ ଆସୁଛି ।" ସେ ଆହୁରି ଅଭିଯୋଗ କରିଛନ୍ତି ଯେ, ବିଶ୍ୱର ଚାପ ଯୋଗୁଁ ଭାରତ ସରକାର ଏହି ପ୍ରସଙ୍ଗରେ ଚୁପ୍ ରହୁଛନ୍ତି ଏବଂ କାଶ୍ମୀରବାସୀଙ୍କ ପ୍ରତି ସରକାରଙ୍କ ଉଦ୍ଦେଶ୍ୟ ଠିକ୍ ନୁହେଁ ।

କ୍ଷମା ମାଗନ୍ତୁ ଫାରୁକ୍ ଅବଦୁଲ୍ଲା

ଫାରୁକ୍ ଅବଦୁଲ୍ଲାଙ୍କ ବୟାନ ପରେ ବିଜେପି ନେତାମାନେ ଫାରୁକ୍ ଅବଦୁଲ୍ଲାଙ୍କୁ ଘେରିଛନ୍ତି । ବିଜେପି ମୁଖପାତ୍ର ଆର୍‌ପି ସିଂହ କହିଛନ୍ତି, "ଫାରୁକ୍ ଅବଦୁଲ୍ଲା ସୀମା ଆରପଟେ ଥିବା କାଶ୍ମୀରବାସୀଙ୍କ ସ୍ଥିତିକୁ ମଧ୍ୟ ଦେଖିବା ଉଚିତ୍ । ଧାରା ୩୭୦ ଉଚ୍ଛେଦ ପରେ ଜମ୍ମୁ-କାଶ୍ମୀରର ପର୍ଯ୍ୟଟନ ଓ ଅର୍ଥନୀତିରେ ଉନ୍ନତି ହୋଇଛି ।"

ବିଜେପି ନେତ୍ରୀ ୟାମିନୀ ଶର୍ମା ମଧ୍ୟ ଅବଦୁଲ୍ଲାଙ୍କ ବୟାନକୁ ସମାଲୋଚନା କରିଛନ୍ତି । ସେ କହିଛନ୍ତି, "ଏହି ମନ୍ତବ୍ୟ ପାକିସ୍ତାନର ଆଭିମୁଖ୍ୟକୁ ସମର୍ଥନ କରୁଛି ।" ଅନ୍ୟପଟେ, ବିଜେପି ବିଧାୟକ ଯୁଦ୍ଧବୀର ସେଠୀ ଏହି ବୟାନ ପାଇଁ ଫାରୁକ୍ ଅବଦୁଲ୍ଲାଙ୍କୁ କ୍ଷମା ମାଗିବାକୁ ଦାବି କରିଛନ୍ତି ।

ଏଥିସହ ପଢ଼ନ୍ତୁ: ସାମ୍ବାରେ ସନ୍ଦେହଜନକ ପାରା: ଗୋଡରେ ମୁଦି, ଉର୍ଦ୍ଦୁ ଏବଂ ପାକିସ୍ତାନୀରେ ଲେଖାଯାଇଥିବା ନୋଟ୍ 

କ’ଣ କହିଲା କଂଗ୍ରେସ ?

ଜମ୍ମୁ-କାଶ୍ମୀର ପ୍ରଦେଶ କଂଗ୍ରେସ କମିଟି ମୁଖ୍ୟ କପିଲ ସିଂହ କହିଛନ୍ତି, "ଫାରୁକ୍ ଅବଦୁଲ୍ଲା ନିଜର ବ୍ୟକ୍ତିଗତ ମତ ରଖିଥାଇପାରନ୍ତି । ତେବେ ଭାରତର ଆଭ୍ୟନ୍ତରୀଣ ପ୍ରସଙ୍ଗରେ ପାକିସ୍ତାନର ହସ୍ତକ୍ଷେପକୁ ଭାରତ ଗ୍ରହଣ କରିବ ନାହିଁ ।"

ତେବେ ଫାରୁକ ଅବଦୁଲ୍ଲାଙ୍କ ବିବାଦୀୟ ମନ୍ତବ୍ୟ ଉପରେ ଜମ୍ମୁ-କାଶ୍ମୀରର ମୁଖ୍ୟମନ୍ତ୍ରୀ ତଥା ଅବଦୁଲ୍ଲାଙ୍କ ପୁଅ ଓମାର ଅବଦୁଲ୍ଲା କୌଣସି ପ୍ରତିକ୍ରିୟା ରଖି ନାହାନ୍ତି । କାଶ୍ମୀରରୁ ଅନୁଚ୍ଛେଦ ୩୭୦ ଉଚ୍ଛେଦ ପରଠାରୁ ଅଧିକ ବିଚଳିତ ହୋଇ ପଡ଼ିଥିବା ଫାରୁକ ଅବଦୁଲ୍ଲା ପୁଣି ଥରେ ପାକିସ୍ତାନ ପ୍ରେମ ଦେଖାଇ ବିବାଦକୁ ଆହୁରି ବଢ଼ାଇଛନ୍ତି ।