ଅର୍ଗସ ବ୍ୟୁରୋ : ଆଜି ସଂସଦରେ ହେବ ମଧ୍ୟବର୍ତ୍ତିକାଳୀନ ବଜେଟ୍ ଉପସ୍ଥାପନ । ନିଜର ଷଷ୍ଠ ବଜେଟ ଉପସ୍ଥାପନ କରିବାକୁ ଯାଉଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମାଳା ସୀତାରମଣ । ସକାଳ ୧୧ଟାରେ ଉପସ୍ଥାପନ କରାଯିବ ବଜେଟ । ଚଳିତ ବର୍ଷ ଲୋକସଭା ନିର୍ବାଚନ ହେବାକୁ ଯାଉଥିବା ବେଳେ ଏହା ଏକ କାମଚଳା ବଜେଟ ହେବ । ନୂତନ ସରକାର ଗଠନ ହେବା ପର୍ଯ୍ୟନ୍ତ ବିଭିନ୍ନ କ୍ଷେତ୍ର ଏବଂ ଯୋଜନା ଲାଗି ଆବଶ୍ୟକ ପାଣ୍ଠି ପାଇଁ ବଜେଟରେ ବ୍ୟବସ୍ଥା କରାଯିବ । ସାମ୍ପ୍ରତିକ ଅର୍ଥନୈତିକ ପରିସ୍ଥିତିକୁ ଦୃଷ୍ଟିରେ ରଖି ସରକାର ବଜେଟରେ ବ୍ୟବସ୍ଥା କରିବେ ।

ଅଧିକ ପଢନ୍ତୁ : ଆସନ୍ତାକାଲି ବଜେଟ୍‌କୁ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ

୨୦୧୯ ସାଧାରଣ ନିର୍ବାଚନ ପୂର୍ବରୁ ବଡ ଘୋଷଣା କରିଥିଲେ ଅର୍ଥମନ୍ତ୍ରାଳୟର ଅତିରିକ୍ତ ଦାୟିତ୍ୱରେ ଥିବା ପୀୟୂଷ ଗୋଏଲ । ଅନ୍ତରୀଣ ବଜେଟ୍ ହୋଇଥିଲେ ମଧ୍ୟ ଚାଷୀଙ୍କ ପାଇଁ ‘ପିଏମ୍ କିଷାନ ସମ୍ମାନ ନିଧି’ ଓ ଶ୍ରମିକଙ୍କ ପାଇଁ ‘ପିଏମ ଶ୍ରମ ଯୋଗୀ ମାନଧନ ଯୋଜନା’ ଘୋଷଣା କରିଥିଲେ । ତେଣୁ ଏଥର ମଧ୍ୟ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବହିଖାତାକୁ ଅନାଇ ବସିଛନ୍ତି ସବୁବର୍ଗ ।

Argus News | argus news | -Argusnews Home: Odisha Latest News, Breaking News, Trending News, Live TV and more