ଭାରତୀୟ ଯୁବତୀ କାଜଲ୍ ଟେକୱାନୀଙ୍କ ସହିତ ଏକ ଅଦ୍ଭୁତ ଘଟଣା ଘଟିଛି। ସେହି ଘଟଣାଟିକୁ ସେ ତାଙ୍କ ଇଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଯାହା ସୋସିଆଲ ମିଡ଼ିଆରେ ବର୍ତ୍ତମାନ ସମୟରେ ଚର୍ଚ୍ଚାର ବିଷୟ ପାଲଟିଛି । ଭାରତୀୟ ଯୁବତୀ କାଜଲ ଟେକୱାନୀଙ୍କ ସ୍ୱପ୍ନ ଥିଲା ଜର୍ମାନୀରେ କ୍ୟାରିୟର ଗଢ଼ିବା। ସେ ବର୍ଲିନରୁ ମ୍ୟୁନିଚ୍‌କୁ ଏକ ଷ୍ଟାର୍ଟଅପ୍ କମ୍ପାନୀରେ ଇଣ୍ଟର୍ନଶିପ୍ ପାଇଁ ଯାଇଥିଲେ । ଅନେକ ଇଣ୍ଟରଭ୍ୟୁ, ପରୀକ୍ଷା ଅନ୍ୟାନ୍ୟ ଅଫସକୁ ଛାଡ଼ି ଏହି କାମଟିକୁ ସେ ପସନ୍ଦ କରିଥିଲେ।

ଆରମ୍ଭରେ ସବୁଠି ଠିକ୍‌ଠାକ୍ ଲାଗିଥିଲା। କମ୍ପାନୀ କାଜଲ୍ ଟେକୱାନୀଙ୍କୁ ଆକୋମୋଡେସନ୍‌ ଦେଇଥିଲେ ଏବଂ ତାଙ୍କ କାମରେ ସନ୍ତୁଷ୍ଟ ବୋଲି କହିଥିଲେ। କିନ୍ତୁ କେବଳ ଦୁଇ ଦିନରେ ସବୁକିଛି ପଳଟିଗଲା। ତାଙ୍କୁ ମାତ୍ର ଦୁଇ ଦିନ ପରେ ଚାକିରିରୁ ବହିଷ୍କାର କରିଥିଲେ। ପ୍ରଥମ ଦିନ ସାଧାରଣଭାବେ କଟିଥିଲା। ଦ୍ୱିତୀୟ ଦିନ, ଆଖିର ସମସ୍ୟାରୁ କାରଣ ସେ କିଛି ମିନିଟ୍‌ ଡେରିରେ ଅଫିସ୍‌ରେ ପହଞ୍ଚିଥିଲେ। କିନ୍ତୁ ଟିମ୍‌କୁ ପୂର୍ବରୁ ସେ ଏହା ସୂଚନା ଦେଇଥିଲେ । ତେବେ ସେହି ସନ୍ଧ୍ୟାରେ, କମ୍ପାନୀ ତାଙ୍କୁ କାମରୁ ହଟାଇଦେଲା।

''ଥରେ ଭାବନ୍ତୁ ଯେ ଆପଣ ଏକ ନୂଆ ସହରକୁ ଇଣ୍ଟର୍ନସିପ୍ କରିବା ପାଇଁ ଯାଇଥିବେ ମାତ୍ର ୨ ଦିନ ମଧ୍ୟରେ ଚାକିରିରୁ ବାହାର କରିଦିଆଯିବ। ହଁ, ଏହା ମୋ ସହିତ ଘଟିଛି," ସେ ଭିଡିଓର କ୍ୟାପସନରେ ଲେଖିଛନ୍ତି।

View this post on Instagram

A post shared by International student in Germany || Study abroad || Work abroad (@kaajal.tekwani)

ଟେକୱାନି କହିଛନ୍ତି ଯେ ସେ ସେପ୍ଟେମ୍ବର ୧ ପର୍ଯ୍ୟନ୍ତ ତାଙ୍କର କାମ ଠିକଠାକ୍ ଚାଲିଥିଲା । ଯେତେବେଳେ ସେ ମ୍ୟୁନିଚ୍ ସ୍ଥାନାନ୍ତରିତ ହୋଇଥିଲେ। କାର୍ଯ୍ୟାଳୟରେ ତାଙ୍କର ପ୍ରଥମ ଦିନ ସୁରୁଖୁରୁରେ କଟିଥିଲା, କିନ୍ତୁ ଦ୍ୱିତୀୟ ଦିନ, ତାଙ୍କ ଆଖି ସଂକ୍ରମଣ ଯୋଗୁଁ ସେ ଅଫିସ ପହଚିଂବାରେ କିଛି ମିନିଟ୍ ବିଳମ୍ବ କରିଥିଲେ, ଯାହା ବିଷୟରେ ସେ ତାଙ୍କ ଟିମ୍ ଜଣାଇଥିଲେ। ଏହା ସତ୍ତ୍ୱେ ବି ତାଙ୍କୁ ସେହି ସନ୍ଧ୍ୟାରେ ଚାକିରିରୁ ବାହାର କରାଯାଇଥିଲା ।

"ସେମାନେ ମୋତେ କାରଣ ଦେଇଥିଲେ ଯେ - ମୁଁ ଟିମ୍ ପାଇଁ ଉପଯୁକ୍ତ ନୁହେଁ। ଦ୍ୱିତୀୟଟି ହେଉଛି ସେମାନେ ଅଧିକ ଜ୍ଞାନୀ ଏବଂ ଅଭିଜ୍ଞତା ଥିବା କାହାକୁ ଆଶା କରିଥିଲେ। ତୃତୀୟ କାରଣ ହେଉଛି ମୁଁ ସମୟାନୁବର୍ତ୍ତୀ ନୁହେଁ କାରଣ ମୁଁ ଦ୍ଵିତୀୟ ଦିନରେ ବିଳମ୍ବ କରିଥିଲି ଅଫିସ୍ ଆସିବାରେ"

ଟେକୱାନି ସେଠାରୁ ଫେରି ଆସିଛନ୍ତି ଏବଂ ସମାନ ସୁଯୋଗ ବିଷୟରେ ଚିନ୍ତା କରିବା ସମୟରେ ସତର୍କତା ଅବଲମ୍ବନ କରିବାକୁ ଅନ୍ୟମାନଙ୍କୁ ପରାମର୍ଶ ଦେଉଛନ୍ତି। ସେ ତୁରନ୍ତ କୌଣସି ଷ୍ଟାର୍ଟଅପ୍ ପାଇଁ ସ୍ଥାନାନ୍ତର ନକରିବାକୁ ପରାମର୍ଶ ଦେଉଛନ୍ତି, ବିଶେଷକରି ଯଦି ଦରମା କମ୍ ଥାଏ ତେବେ ଏହା ବିପଦର ସଂଙ୍କେତ ହୋଇଥାଏ ।

ଏହି ଭିଡିଓଟିକୁ ଦେଖି କିଛି ବ୍ୟବହାରକାରୀ ତାଙ୍କ ଅଭିଜ୍ଞତାକୁ ବଖାଣିଛନ୍ତି, ଜଣେ ବ୍ୟବହାରକାରୀ ଲେଖିଛନ୍ତି, "ଷ୍ଟାର୍ଟ ଅପ୍ସରେ ଇଣ୍ଟର୍ନସିପ୍ କରନ୍ତୁ ନାହିଁ। ଅଧା ଲୋକଙ୍କର କୌଣସି ଅଭିଜ୍ଞତା ନାହିଁ। ତୁମକୁ ଏକ ସ୍ଥିର କମ୍ପାନୀ ଆବଶ୍ୟକ।"

ଅଧିକ ପଢ଼ନ୍ତୁ: ଫ୍ଲାଇଟ୍‌ ବିଳମ୍ବ ହେଲା ବୋଲି ଏୟାରପୋର୍ଟରେ କଲେ ଗରବା ଡାନ୍ସ, ଦେଖନ୍ତୁ...

ଆଉ ଜଣେ ମନ୍ତବ୍ୟ ଦେଇଛନ୍ତି, "ମୋ ସହିତ ମଧ୍ୟ ଏହା ଘଟିଥିଲା। କିନ୍ତୁ ପ୍ରଥମ କମ୍ପାନୀ ମୋତେ ବହିଷ୍କାର କରିବା ଦିନ ମୁଁ ଏକ ନୂତନ ଚାକିରି ପାଇଲି। ତେଣୁ, ଏହା ମୋ କ୍ଷେତ୍ରରେ ସକାରାତ୍ମକ କଥା ଥିଲା। ମୁଁ କେବଳ ଏତିକି କହିପାରିବି ଯେ ସବୁକିଛି ଏକ କାରଣ ପାଇଁ ଘଟେ, ଏବଂ ହୁଏତ ଭଗବାନ ଏଥିରେ ମଧ୍ୟ ତୁମ ପାଇଁ କିଛି ଭଲ ଯୋଜନା କରିଛନ୍ତି। ଶୁଭକାମନା।"