ଅର୍ଗସ ବ୍ୟୁରୋ : ସାହାରା ମରୁଭୂମିରେ ବନ୍ୟା । ହଜାର ହଜାର ହେକ୍ଟର ବାଲିଚର ଜମିରେ ଏବେ ଲହଡି ଖେଳୁଛି ପାଣି । ଗତ ୫୦ ବର୍ଷ ମଧ୍ୟରେ ପ୍ରଥମ ଥର ପାଇଁ ସାହାରା ମରୁଭୂମିରେ ଏଭଳି ଦୃଶ୍ୟ ଦେଖିବାକୁ ମିଳୁଛି । ଗତ ଦୁଇ ଦିନ ଧରି ମରୋକ୍କୋର ଦକ୍ଷିଣ ଭାଗରେ ପ୍ରବଳ ବର୍ଷା ହେଉଛି । ବର୍ଷକ ମଧ୍ୟରେ ସେହି ଅଂଚଳରେ ଯେତିକି ବର୍ଷା ହୁଏ ତାଠାରୁ ଅଧିକ ପରିମାଣର ବର୍ଷା ଦୁଇ ଦିନରେ ହୋଇଛି  ।

ଅଧିକ ପଢନ୍ତୁ ଭାରତ ଖବର

ସାହାରା ମରୁଭୂମି ଭିତରେ ଥିବା ଇରିକୁଇ ହ୍ରଦ ବର୍ଷ ସାରା ଶୁଖିଲା ପଡିଥିବା ବେଳେ ଏବେ ପାଣି ଭର୍ତ୍ତି ହୋଇଯାଇଛି । ଅନେକ ସ୍ଥାନରେ ତାଳଗଛ ଗୁଡିକ ପାଣିରେ ବୁଡିଯାଇଛି । ଜଳବାୟୁ ପରିବର୍ତ୍ତନ ଓ ପରିବେଶରେ ଅସନ୍ତୁଳନ ଯୋଗୁଁ ଏଭଳି ସ୍ଥିତି ଉପୁଜିଥିବା ପାଣିପାଗ ବିଶେଷଜ୍ଞ ମାନେ ମତ ଦେଇଛନ୍ତି ।