ଅର୍ଗସ ବ୍ୟୁରୋ : ଅମୃତସର ସ୍ବର୍ଣ୍ଣ ମନ୍ଦିର ପରିସରରେ ଗୁଳିମାଡ । ଶିରୋମଣି ଅକାଳୀ ଦଳ ମୁଖ୍ୟ ତଥା ପୂର୍ବତନ ଉପ ମୁଖ୍ୟମନ୍ତ୍ରୀ ସୁଖବିର ସିଂ ବାଦଲଙ୍କୁ ଟାର୍ଗେଟ୍ କରି ଆକ୍ରମଣ । ଅଳ୍ପକେ ବର୍ତ୍ତିଲେ ସୁଖବୀର । ଆକ୍ରମଣକାରୀଙ୍କୁ ଗିରଫ କଲା ପୋଲିସ । ଶ୍ରୀ ଅକାଳ ତଖତ୍ ସାହିବର ନିର୍ଦ୍ଦେଶ ଅନୁସାରେ ସିରୋମଣି ଅକାଳୀ ଦଳ ମୁଖ୍ୟ ସୁଖବୀର ସିଂ ବାଦଲ ସ୍ବର୍ଣ୍ଣ ମନ୍ଦିର ପରିସରରେ ସେବା କରୁଥିଲେ ।

ଅଧିକ ପଢନ୍ତୁ ଭାରତ ଖବର

ଏହି ସମୟରେ ତାଙ୍କୁ ଟାର୍ଗେଟ କରି ଗୁଳିମାଡ ହୋଇଥିଲା । ୬୨ ବର୍ଷ ବୟସ୍କ ପୂର୍ବତନ ମୁଖ୍ୟମନ୍ତ୍ରୀ ସୁଖବୀର ସିଂଙ୍କ ଅକାଳୀ ଦଳ ୨୦୦୭ରୁ ୨୦୧୭ ପର୍ଯ୍ୟନ୍ତ କ୍ଷମତାରେ ରହିଥିଲା । ସେହି ସମୟରେ କରିଥିବା ଭୁଲ୍ ପାଇଁ ଅକାଳ ତଖତ୍ ସାହିବ ପକ୍ଷରୁ ଦଣ୍ଡାଦେଶ ଦିଆଯାଇଛି । ଅମ୍ରିତସର ସ୍ବର୍ଣ୍ଣ ମନ୍ଦିର ପରିସରରେ ଚପଲ ଓ ବାସନ ସଫା କରିବାକୁ ତାଙ୍କୁ କୁହାଯାଇଛି ।