ଆମେ ପ୍ରାୟତଃ ପାଣି ପିଇଲା ପରେ ପ୍ଲାଷ୍ଟିକ୍ ବୋତଲକୁ ରାସ୍ତା କଡ଼ ହେଉ କିମ୍ବା କିଛି ଖାଲି ସ୍ଥାନ ଆମେ ଫିଙ୍ଗି ଦେଇଥାଉ । ଆଉ ଏହା ପରେ ଅଳିଆ ସଂଗ୍ରହକାରୀମାନେ ଏହି ଅଳିଆ ଉଠାଇ ନେଇଯାଆନ୍ତି। ଏହା ଏକ ବହୁତ ସାଧାରଣ କଥା । କିନ୍ତୁ ଛତିଶଗଡ଼ର ଅମ୍ବିକାପୁର ସହରର ଏକ କାଫେ ଏହି ସାଧାରଣ କଥାକୁ ଏକ ମହାନ ଚିନ୍ତାଧାରାରେ ପରିଣତ କରିଛି। ଯେଉଁଠାରେ ଲୋକମାନେ ପ୍ଲାଷ୍ଟିକ୍ ଅଳିଆ ବଦଳରେ ମାଗଣା ଖାଦ୍ୟ ପାଆନ୍ତି । ଆପଣ ଏହା ଶୁଣି ଆଶ୍ଚର୍ଯ୍ୟ ହୋଇଥିବେ। କିନ୍ତୁ ଏହା ସତ ।
ଛତିଶଗଡ଼ର ଅମ୍ବିକାପୁର ସହରରେ ଅବସ୍ଥିତ ଏହି କାଫେ ଗାର୍ବେଜ୍ କାଫେ ଭାବରେ ପ୍ରସିଦ୍ଧ । ପ୍ରକୃତରେ, ସ୍ୱଚ୍ଛ ଭାରତ ଧାରଣାକୁ ସାକାର କରିବା ପାଇଁ ୨୦୧୯ରେ ଏହି ପଦକ୍ଷେପ ଅମ୍ବିକାପୁର ମ୍ୟୁନିସିପାଲ କର୍ପୋରେସନ ଦ୍ୱାରା ଆରମ୍ଭ କରାଯାଇଥିଲା। ଏହି କାଫେର ଲକ୍ଷ୍ୟ ହେଉଛି ପରିବେଶକୁ ସଫା କରିବା, ବାସହୀନ ଏବଂ ଗରିବ ଲୋକଙ୍କୁ ଖାଦ୍ୟ ଯୋଗାଇବା।

ଅଳିଆ ବଦଳରେ ଖାଦ୍ୟ କିପରି ପାଇବେ

ଏହି କାଫେରେ, ଏକ କିଲୋ ପ୍ଲାଷ୍ଟିକ୍ ଅଳିଆ ବଦଳରେ ସେମାନଙ୍କୁ ଫୁଲ୍ ପ୍ଲେଟ୍ ପୁଷ୍ଟିକର ଖାଦ୍ୟ ମିଳିଥାଏ । ଯେଉଁଥିରେ ଭାତ, ଦୁଇଟି ତାରକାରୀ, ଡାଲମା, ରୁଟି, ସାଲାଡ ଏବଂ ଆଚାର ଅନ୍ତର୍ଭୁକ୍ତ । ସେହିପରି ଅଧ କିଲୋ ପ୍ଲାଷ୍ଟିକ୍ ପାଇଁ ସେମାନଙ୍କୁ ସମୋସା କିମ୍ବା ବଡ଼ାପାଓ ଭଳି ଖାଦ୍ୟ ମିଳିଥାଏ।

ଏହି କାଫେ ସମସ୍ତଙ୍କ ମଧ୍ୟରେ ଶିରୋନାମା ସୃଷ୍ଟି କରୁଛି। ଏହି କାଫେର ଏହି ଅନନ୍ୟ ପଦକ୍ଷେପ ଏକାଥରେ ଦୁଇଟି ସମସ୍ୟାର ସମାଧାନ କରିଛି।

ପରିବେଶ ସୁରକ୍ଷା

ଏହି କାଫେର ଏହି ପଦକ୍ଷେପ ସହିତ, ଏବେ ପରିବେଶରେ ପ୍ରଦୂଷଣ ସୃଷ୍ଟି କରୁଥିବା ପ୍ଲାଷ୍ଟିକକୁ ସହଜରେ ସଂଗ୍ରହ କରାଯାଇପାରିବ ଏବଂ ପରେ ପୁନଃଚକ୍ରଣ ପାଇଁ ପଠାଯାଇପାରିବ। ଏହା ସହିତ, ଏହି ପଦକ୍ଷେପ ଅମ୍ବିକାପୁରରେ ଅବସ୍ଥିତ ଅଳିଆ ଗଦାକୁ ହ୍ରାସ କରିବାରେ ମଧ୍ୟ ସାହାଯ୍ୟ କରିଛି ଏବଂ ପରିବେଶକୁ ସଫା କରିଛି।

କ୍ଷୁଧା ସମସ୍ୟା ଦୂର କରିବା
ଏହି କାଫେ ସେହି ଲୋକମାନଙ୍କ ପାଇଁ ଏକ ଚମତ୍କାରଠାରୁ କମ୍ ନୁହେଁ ଯେଉଁମାନେ ଦାରିଦ୍ର୍ୟ ଯୋଗୁଁ ଅନେକ ସମୟରେ ଭୋକିଲା ରହିଥାନ୍ତି । ଅମ୍ବିକାପୁରର ଏହି ଅଳିଆ କାଫେ ପ୍ରକୃତରେ ନୂତନ ଚିନ୍ତାଧାରା ଏବଂ ଜନ କଲ୍ୟାଣ ପାଇଁ ଏକ ମହାନ ପଦକ୍ଷେପ ।