ଅର୍ଗସ ବ୍ୟୁରୋ : ହାଇକୋର୍ଟ ଯାଏଁ ଗଲା ଚକୋଲେଟ ଓ ପଟାଟୋ ଚିପ୍ସ ଚୋରି ମାମଲା । ଶକ୍ତ ଦଣ୍ଡ ବଦଳରେ ଏକ ବୃଦ୍ଧାଶ୍ରମରେ ପ୍ରତିଦିନ ୨ ଘଣ୍ଟା ଲେଖାଏଁ ୨ ମାସ ଯାଏଁ ଶ୍ରମଦାନ କରିବାକୁ କହିଲେ ବମ୍ବେ ହାଇକୋର୍ଟର ଗୋଆ ବେଞ୍ଚ । ଗୋଆର ଏକ ବିଶ୍ବବିଦ୍ୟାଳୟରେ ଏକ ସମ୍ମିଳନୀ ଚାଲିଥିବା ବେଳେ ୫ ଜଣ ଛାତ୍ର ପଟାଟୋ ଚିପ୍ସ, ଚକୋଲେଟ, ସାନିଟାଇଜର, ପେନ୍, ନୋଟପେଡ୍ ଏବଂ ସେଲଫୋନ ଷ୍ଟାଣ୍ଡ ଚୋରି କରିଥିଲେ ।

ଧରାପଡ଼ିବା ପରେ ଛାତ୍ରମାନେ କହିଥିଲେ ଯେ, ଏସବୁ ଜିନିଷ ସେଠାରେ ଅନାବଶ୍ୟକ ଭାବେ ପଡ଼ିରହିଥିବା ଭାବି ଉଠାଇ ନେଇଥିଲେ । ପରେ ସବୁ ସାମଗ୍ରୀ ଫେରାଇ ଦେବା ସହ କ୍ଷମା ପ୍ରାର୍ଥନା କରିଥିଲେ । ଏହାପରେ କଲେଜର ଷ୍ଟାଣ୍ଡିଂ ପେନେଲ୍ ୫ ଜଣ ଛାତ୍ରଙ୍କୁ ପ୍ରଥମ ସେମିଷ୍ଟାର ପାଇଁ ରେଜିଷ୍ଟ୍ରେସନ କରିବାକୁ ମନା କରିଥିଲେ । ଏହାସହ ୫୦ ହଜାର ଟଙ୍କା ଲେଖାଏଁ ଫାଇନ ଲଗାଇଥିଲେ ।

ଅଧିକ ପଢନ୍ତୁ ଭାରତ ଖବର

ପରେ ବିଶ୍ବବିଦ୍ୟାଳୟର ନିର୍ଦ୍ଦେଶକଙ୍କ ପାଖରେ ଗୁହାରି କରିବାରୁ ନିର୍ଦ୍ଦେଶକ ୩ ଜଣ ଛାତ୍ରଙ୍କୁ ରେଜିଷ୍ଟ୍ରେନସ ପାଇଁ ଅନୁମତି ଦେଇଥିଲେ ହେଁ ଫାଇନ ପୂରା ଦେବାକୁ କହିଥିଲେ । ପରେ ଦଣ୍ଡରୁ ବର୍ତ୍ତି ନଥିବା ଦୁଇଜଣ ଛାତ୍ର ବମ୍ବେ ହାଇକୋର୍ଟର ଗୋଆ ବେଞ୍ଚଙ୍କ ଦ୍ବାରସ୍ଥ ହୋଇଥିଲେ । ତେବେ ହାଇକୋର୍ଟ ପରୀକ୍ଷାରୁ ବାରଣ ନକରିବାକୁ ବିଶ୍ବବିଦ୍ୟାଳୟକୁ ନିର୍ଦ୍ଦେଶ ଦେବା ସହ ଦଣ୍ଡ ସ୍ବରୂପ ଏକ ବୃଦ୍ଧାଶ୍ରମରେ ପ୍ରତିଦିନ ୨ ଘଣ୍ଟା ଲେଖାଏଁ ୨ ମାସ ଯାଏଁ ଶ୍ରମଦାନ ପାଇଁ ନିର୍ଦ୍ଦେଶ ଦେଇଛନ୍ତି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV