16 Gold Bricks Found / ମନ୍ଦିର ନିର୍ମାଣ ପାଇଁ ଚାଲିଥିଲା ମାଟି ଖୋଳା, ହଠାତ୍ ମିଳିଲା ପୁଳା ପୁଳା ସୁନା

ଲକ୍ଷ୍ନୌ: ଉତ୍ତରପ୍ରଦେଶର ଲଳିତପୁରରୁ ଏକ ଆଶ୍ଚର୍ଯ୍ୟକର ମାମଲା ଆସିଛି । ଯେଉଁଠି ମନ୍ଦିର ନିର୍ମାଣ ପାଇଁ ମାଟି ଖୋଳା ଚାଲିଥିଲା । ଆଉ ମାଟି ଖୋଳିବା ବେଳେ ଦେଖା ଯାଇଥିଲା କିଛି ଚମକୁଥିବା ସାମଗ୍ରୀ । ଉକ୍ତ ସାମଗ୍ରୀ ଉପରୁ ମାଟି ସମ୍ପୂର୍ଣ୍ଣ କାଢ଼ିବା ପରେ ସମସ୍ତେ ଚକିତ ହୋଇ ଯାଇଛନ୍ତି ।

ଦେଖୁ ଦେଖୁ ଗାଁରେ ଖବର ବ୍ୟାପି ଯାଇଥିଲା ଯେ ମାଟି ତଳୁ ମିଳିଛି ସୁନା ଭଣ୍ଡାର । ଗ୍ରାମବାସୀଙ୍କ ଅନୁସାରେ, ସେହି ଜମି ଖୋଳିବା ବେଳେ ୧୬ଟି ସୁନା ଇଟା ବାହାରିଛି । ଯାହାକୁ ପୂଜାପାଠ ପରେ ପୁଣି ଥରେ ପୋତି ଦେଇଛନ୍ତି ଗାଁ ଲୋକେ । ତେବେ ଏନେଇ ସରକାରୀ ସୂତ୍ରରୁ କିଛି ସ୍ପଷ୍ଟ କରାଯାଇ ନାହିଁ ।

ଏଥିସହ ପଢ଼ନ୍ତୁ: ମହାକୁମ୍ଭ ମୋନାଲିସା ଘଟଣାରେ ନୂଆ ମୋଡ଼; ମୁସଲିମ ସ୍ଵାମୀ ଆଣିଲେ ବଡ଼ ଅଭିଯୋଗ

ମାଟି ତଳେ ୧୬ଟି ସୁନା ଇଟା

ତାଲବେହଟ କୋତବାଲିର ସୁନେରିର ୱାଲଖିଆ ଗୌଡ଼ ବବ୍ବାରେ ମନ୍ଦିର ନିର୍ମାଣ ପାଇଁ ଖୋଳା ଚାଲିଛି । ଗ୍ରାମବାସୀଙ୍କ ଅନୁସାରେ, ଗୁରୁବାର ସନ୍ଧ୍ୟା ପ୍ରାୟ ୬ଟାରେ ମନ୍ଦିର ଲାଗି ଜେସିବି ସହାୟତାରେ ପିଲାର ଗାତ ଖୋଳା ଯାଉଥିଲା । ସେହି ସମୟରେ କପଡ଼ାରେ ବନ୍ଧା ଯାଇଥିବା ଏକ ପିତଳ ବକ୍ସି ମିଳିଥିଲା । ସେଠାରେ ଥିବା ଲୋକ ବକ୍ସ ଖୋଲି ଦେଖିଲା ବେଳକୁ ଥିଲା ୧୬ଟି ସୁନା ଇଟା ।

ପୂଜାପାଠ ପରେ ପୋତିଦେଲେ

ମିଳିଥିବା ସୂଚନା ଅନୁସାରେ, ମାଟି ତଳୁ ବାହାରିଥିବା ସୁନା ଇଟାକୁ ପୁଣି ଥରେ ପୂଜାର୍ଚ୍ଚନା କରାଯାଇ ସେହି ସ୍ଥାନରେ ପୋତି ଦିଆଯାଇଛି । ତେବେ ରାତିରେ ରହସ୍ୟ ଜନକ ଭାବେ ଇଟା ଗାଏବ ହୋଇ ଯାଇଥିବା କୁହାଯାଉଛି ।

ଏଥିସହ ପଢ଼ନ୍ତୁ: ଜୁଲାଇ ୩ରୁ ଅମରନାଥ ଯାତ୍ରା, ୧୫ ଏପ୍ରିଲ୍‌ରୁ ଆରମ୍ଭ ହେବ ରେଜିଷ୍ଟ୍ରେସନ୍‌

ଗ୍ରାମବାସୀଙ୍କ ଅନୁସାରେ, ଉକ୍ତ ସୁନା ଇଟାରା '୬୯୬୫' ଅଂକିତ ଥିଲା । ଏହି ଇଟା ତାନ୍ତ୍ରିକ ସହ ଜଡ଼଼ିତ ବୋଲି ବି ଚର୍ଚ୍ଚା ହେଉଛି । ସୁନା ଇଟାକୁ ନେଇ ବିଭିନ୍ନ ପ୍ରକାର ଅଟକଳ ହେଉଥିବା ବେଳେ ଅଞ୍ଚଳରେ ଚର୍ଚ୍ଚା ଜୋର୍ ଧରିଛି ।

ଏହା ପୂର୍ବରୁ ଫିରୋଜାବାଦ ଜିଲ୍ଲାର ଜସରାନାରେ ମାଟି ଖୋଳିବା ବେଳେ ଏକ ମାଠିଆ ମିଳିଥିଲା । ଜେସିବି ମାଠିଆ ଉଠାଇବା ବେଳେ ତାହା ଭାଙ୍ଗି ଯାଇଥିଲା । ଆଉ ଏଣେତେଣେ ପଡ଼ିଥିଲା ରୂପା କଏନ । ରୂପା କଏନ ପାଇଁ ଗ୍ରାମବାସୀ ପ୍ରବଳ ଭିଡ଼ ମଧ୍ୟ ଜମାଇଥିଲେ ।