ନୂଆଦିଲ୍ଲୀ: ମାଟି ଉପରେ ମଝି ଆକାଶରେ ଅଟକିଛି ୩୦୦ ଜଣଙ୍କ ନିଶ୍ଵାସ । ରୋପୱେରେ ବସି ଆକାଶ ମାର୍ଗରୁ ପର୍ଯ୍ୟଟକ ଗୁଲମର୍ଗର ସୌନ୍ଦର୍ଯ୍ୟ ଉପଭୋଗ କରୁଥିଲେ । ଆଉ ଠିକ୍ ସେହି ସମୟରେ ଅଧା ରାସ୍ତାରେ ଖରାପ ହୋଇଗଲା ରୋପେୱେ ।

ଯାହା ଫଳରେ ମଝି ଆକାଶରେ ୩୦୦ ଜଣ ପର୍ଯ୍ୟଟକ ଫସି ଯାଇଛନ୍ତି । ଜାମ୍ମୁ-କାଶ୍ମୀରର ଗୁଲମର୍ଗରେ ଏହି ଅଘଟଣ ଘଟିଛି । ମିଳିଥିବା ସୂଚନା ଅନୁସାରେ, ରୋପୱେର କ୍ୟାବିନ୍‌ରେ ପ୍ରାୟ ୩୦୦ ଜଣ ଫସି ରହିଛନ୍ତି ।

ଏଥିସହ ପଢ଼ନ୍ତୁ: ହଠାତ୍ ଭୟଙ୍କର ଶବ୍ଦ; ପଛକୁ ପଛ ପିଟିହେଲା ଅନେକ ଗାଡ଼ି, ୬ ମୃତ 

ରୋପୱେ ଅଚାନକ ଅଟକିବାରୁ ପର୍ଯ୍ୟଟକଙ୍କ ଭିତରେ ଆତଙ୍କର ବାତାବରଣ ଖେଳି ଯାଇଥିଲା । ଅନେକ ଡରି ଯାଇ ଚିତ୍କାର କରିଥିଲେ । ରୋପୱେ ଅଟକିବା କ୍ଷଣି ଆରମ୍ଭ ହୋଇଥିଲା ଉଦ୍ଧାର କାର୍ଯ୍ୟ । ଯେଉଁଥିରେ ସେନା ଯବାନଙ୍କ ସହ ପୋଲିସ ଓ ପ୍ରଶାସନ ସାମିଲ୍ ହୋଇଛି । ମୁଖ୍ୟମନ୍ତ୍ରୀ ଉମର ଅବ୍ଦୁଲା କହିଛନ୍ତି, "ସ୍ଥିତି ଉପରେ ନଜର ରଖିଛୁ, ଚିନ୍ତିତ ହେବାର ଆବଶ୍ୟକତା ନାହିଁ ।"

Government is closely monitoring the situation at the Gulmarg Gondola after the cable car service was temporarily halted due to a technical fault. All cabins remain intact and rescue operations to safely evacuate stranded tourists are underway with trained teams on the ground.…

— Office of Chief Minister, J&K (@CM_JnK) May 25, 2026

ଖରାପ ପାଗ ପାଇଁ ଉଦ୍ଧାର କାର୍ଯ୍ୟରେ ବାଧା

ଗୁଲମର୍ଗରେ SDRF, NDRF ଓ ଗୁଲମର୍ଗ ଗଣ୍ଡୋଲା କ୍ୟୁଆରଟି ଟିମ୍ ଥିବାରୁ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା । ତେବେ, ଖରାପ ପାଣିପାଗ ପାଇଁ ଉଦ୍ଧାର କାର୍ଯ୍ୟ ସାମାନ୍ୟ ବାଧାପ୍ରାପ୍ତ ହୋଇଥିଲା । 

ଏଥିସହ ପଢ଼ନ୍ତୁ: ନଦୀରେ ଶାମୁକା ଖୋଜୁ ଖୋଜୁ ଗୋଟିଏ ପରିବାରର ୭ ମହିଳାଙ୍କ ସହ ୮ ମୃତ, ୨ ନିଖୋଜ 

ବିଗତ କିଛିଦିନ ହେଲା କାଶ୍ମୀରରେ ବର୍ଷା ସହ କୁଆପଥର ପଡ଼ୁଛି । ଏବେ ପର୍ଯ୍ୟଟକଙ୍କୁ ସିଡ଼ି ପକାଇ ରୋପୱେ କ୍ୟାବିନ୍‌ରୁ ଉଦ୍ଧାର କରାଯାଉଛି । ତେବେ ରୋପୱେ ଅଟକିବା ଦ୍ଵାରା କାହାରି କୌଣସି କ୍ଷତି ହୋଇ ନାହିଁ । ବୈଷୟିକ ତ୍ରୁଟି ପରେ ଏବେ ରୋପୱେ ସେବାକୁ ସାମୟିକ ଭାବେ ବନ୍ଦ କରି ଦିଆଯାଇଛି ।

ରୋପୱେ ଅଟକିବା ଖବର ଆସିବା ରେ ଆର୍ମିର ୯ ରାଜ ରିଫ ସହ ଜମ୍ମୁ-କାଶ୍ମୀର ପୋଲିସ ସଙ୍ଗେ ସଙ୍ଗେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ରୋପୱେରେ ଏକାଧିକ ମହିଳା ଓ ଛୁଆ ଥିଲେ ।