ଅର୍ଗସ ବ୍ୟୁରୋ : ଆଇଏଏସ ପାଇବା ପରେ ବାପାଙ୍କ ଅଫିସରେ ବାପାଙ୍କୁ ଦେଲେ ସରପ୍ରାଇଜ । ଭାବବିହ୍ବଳ ହୋଇ ଚେୟାରରୁ ଉଠିପଡିଲେ ବାପା । ତାଙ୍କ ସହ ଅନ୍ୟ ସହକର୍ମୀ ମାନେ । ଯେଉଁ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।

ଆଇଆଇଟି ରୁର୍କେର ସ୍ନାତକ କ୍ଷିତିଜ ଗୁରଭେଲେ ୟୁପିଏସସି(UPSC) ସିଭିଲ ସର୍ଭିସ ପରୀକ୍ଷା ୪୪୧ ତମ ରାଙ୍କରେ ଉତ୍ତୀର୍ଣ୍ଣ ହୋଇଛନ୍ତି । ପରୀକ୍ଷାରେ କୃତକାର୍ଯ୍ୟ ହେବା ପରେ ବାପାଙ୍କୁ ଖୁସି ଖବର ଦେବାପାଇଁ ବାପାଙ୍କ ଅଫିସରେ ପହଞ୍ଚିଛନ୍ତି । ଅପରାହ୍ନ ସମୟରେ ତାଙ୍କ ବାପା ସହକର୍ମୀଙ୍କ ସହ ଲଞ୍ଚ କରୁଥିବା ବେଳେ ସେ ତାଙ୍କୁ ଯାଇଁ କହିଛନ୍ତି, " ଜଣେ ଉଚ୍ଚ ପଦସ୍ଥ ଅଧିକାରୀ ଆସିଲେ , ଛିଡା ହବାକଥା କି ନୁହେଁ " ଏହାପରେ ନିଜ ସିଟରୁ ଭାବବିହ୍ବଳ ହୋଇ ଉଠି ପଡିଛନ୍ତି ବାପା । ପୁଅକୁ ଗେହ୍ଲାରେ କୁଣ୍ଡାଇ ପକାଇଥିଲେ ବାପା । ତା ସହ ଅନ୍ୟ ସହକର୍ମୀମାନେ ମଧ୍ୟ ଭାବବିହ୍ବଳ ହୋଇ ପଡିଥିଲେ ।

View this post on Instagram

A post shared by Kshitij Gurbhele (@kshitijgurbhele_)

ନିଜ ଇନଷ୍ଟାଗ୍ରାମରେ ପୋଷ୍ଟ କରି ସେ ଲେଖିଛନ୍ତି, ଏପରି ନିଜ ବାପାଙ୍କୁ ସେ ନିଜ ରେଜଲ୍ଟ ବିଷୟରେ କହିଥିଲେ । ଦୀର୍ଘ ୨ ବର୍ଷର କଠିନ ପରିଶ୍ରମ ପରେ ସେ ଏହି ସଫଳତା ପାଇଛନ୍ତି । ଏହି ସଫଳତା ପାଇଁ ସେ ନିଜ ବାପା ,ମାଆ, ଦିଦିଙ୍କୁ ଶ୍ରେୟ ଦେଇଛନ୍ତି । ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହାକୁ ୧୮ ମିଲିୟନ ଲୋକ ଦେଖିସାରିଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more