Argus News - ବେସିକ୍ ପେ' ଅଧିକ ଥିଲେ, କଟିବ ଅଧିକ PF ? କ'ଣ କହିଲା ଶ୍ରମ ମନ୍ତ୍ରଣାଳୟ ?

ନୂଆଦିଲ୍ଲୀ: ନଭେମ୍ବରରେ ଆସିଥିଲା ନୂଆ ଲେବର୍ କୋଡ୍‌କୁ ନେଇ ବିଜ୍ଞପ୍ତି । ଯାହା ପରେ ଅନେକ କର୍ମଚାରୀ ଆଶଙ୍କା କରିଥିଲେ ସେମାନଙ୍କ ହାତକୁ ଅର୍ଥାତ୍ ଖାତାକୁ ଆସୁଥିବା ମାସିକ ଦରମା କମିଯିବ । ମୂଳ ଦରମା (Basic Pay) ସହ ଅନ୍ୟସବୁକୁ ମିଶାଇ ଦରମା ହ୍ରାସର ଆଶଙ୍କା ଥିଲା । ଅନେକ ଆଶଙ୍କା କରିଥିଲେ- ମୂଳ ଦରମା ଅଧିକ ଥିଲେ, ଅଧିକ ପିଏଫ୍ (PF) କଟିବ । ଫଳରେ ମାସିକ ଦରମା କମିଯିବ ।

Fixed Term Employees will receive all benefits equal to permanent staff, including EPF, ESI, minimum wages and flexible hours.
They also become eligible for gratuity after one year, reducing contractualisation and improving employability through formal experience.#ShramevJayate pic.twitter.com/yySWoCuQSz

— Ministry of Labour & Employment, GoI (@LabourMinistry) December 12, 2025

ଘରୋଇ କର୍ମଚାରୀଙ୍କ ମଧ୍ୟରେ ନୂଆ ଶ୍ରମ ନୀତିକୁ ନେଇ ଆଶଙ୍କା ଲାଗି ରହିଥିବା ବେଳେ ସ୍ପଷ୍ଟୀକରଣ ରଖିଛି କେନ୍ଦ୍ର ଶ୍ରମ ମନ୍ତ୍ରଣାଳୟ । ସରକାରଙ୍କ ପକ୍ଷରୁ କୁହାଯାଇଛି, କର୍ମଚାରୀ ପାଉଥିବା ଦରମା ହ୍ରାସ ପାଇବ ନାହିଁ । ସୋସିଆଲ୍ ମିଡିଆ Xରେ ମନ୍ତ୍ରଣାଳୟ କହିଛି, ପିଏଫ୍ ଜମା ଜାରି ରହିବ । ପୂର୍ବ ନିୟମ ଅନୁସାରେ, ୧୫ ହଜାର ଟଙ୍କା ମୂଳ ଦରମାରେ କଟିବ ପିଏଫ୍ । ୧୫ ହଜାର ଉପରେ ମୂଳ ଦରମା ରହିଥିଲେ ଆପଣ ଇଚ୍ଛାଧୀନ ଭାବେ ଏଥିରେ ସାମିଲ୍ ହୋଇ ପାରିବେ ।

ଶ୍ରମ ମନ୍ତ୍ରଣାଳୟର ସ୍ପଷ୍ଟୀକରଣ

ସ୍ପଷ୍ଟୀକରଣ ଜାରି କରି ଶ୍ରମ ମନ୍ତ୍ରଣାଳୟ କହିଛି, "ଯାହା ଆଶଙ୍କା କରାଯାଉଛି ସେ ସବୁ ଅମୂଳକ । ନୂଆ ଶ୍ରମ ସଂଜ୍ଞା ଅନୁସାରେ, ଯଦି ମୂଳ ଦରମା ବୃଦ୍ଧି ପାଏ ତାହେଲେ ପିଏଫ୍ ଜମା ପୂର୍ବ ଭଳି ୧୫ ହଜାର ଅନୁସାରେ ହେବ । ଉଭୟ କର୍ମଚାରୀ ଓ ନିଯୁକ୍ତିଦାତା ଚାହିଁଲେ ପିଏଫ୍‌ରେ ଅଧିକ ଅର୍ଥ ଜମା କରିପାରିବେ । ପୂର୍ବଭଳି ସମସ୍ତ କର୍ମଚାରୀ ସେମାନଙ୍କୁ ହାତକୁ ଯେତିକି ଦରମା ପାଉଥିଲେ ତାହା ମିଳିବ ।"

ମାସିକ ୬୦ ହଜାର ପାଉଥିଲେ

କର୍ମଚାରୀଙ୍କ ମଧ୍ୟରେ ଥିବା ଦ୍ଵନ୍ଦ୍ଵ ଦୂର ପାଇଁ ଶ୍ରମ ମନ୍ତ୍ରଣାଳୟ ଉଦାହରଣ ଦେଇ ବୁଝାଇଛି । ଜଣେ ୬୦ ହଜାର ଟଙ୍କା ମାସିକ ପାଉଥିଲେ ବେସିକ୍ ପେ ଏବଂ ଡିଏ ମିଶାଇ ହେଉଛି ୨୦ ହଜାର ଟଙ୍କା । ୪୦ ହଜାର ଟଙ୍କା ଅନ୍ୟାନ୍ୟ ଭତ୍ତା ବାବଦକୁ । ଏ କ୍ଷେତ୍ରରେ ମୂଳ ଦରମା ୧୫ ହଜାର ଟଙ୍କା ହିସାବରେ ପିଏଫ୍ ଜମା ହେବ, ସମ୍ପୂର୍ଣ୍ଣ ମୂଳ ଦରମା ଉପରେ ନୁହେଁ ।

ଏଥିସହ ପଢ଼ନ୍ତୁ: ଶ୍ରେଣୀଗୃହକୁ ବନ୍ଧୁକ ନେଇ ଆସିଲେ; ପୁଣି ପ୍ରଧାନଶିକ୍ଷକଙ୍କ ମୁଣ୍ଡରେ ରଖି ଧମକାଇଲେ ନବମ ଛାତ୍ର

ତେଣୁ ପୂର୍ବ ଭଳି କର୍ମଚାରୀ ପିଏଫ୍‌କୁ ୧୮୦୦ ଟଙ୍କା ଦେବେ । ସେହିଭଳି ନିଯୁକ୍ତିଦାତା ମଧ୍ୟ ୧୮୦୦ ଟଙ୍କାର ଅଂଶ ଧନ ଦେବେ । ପୂର୍ବ ଭଳି ନୂଆ ଶ୍ରମ ନୀତି ଲାଗୁ ପରେ କର୍ମଚାରୀ ୫୬ ହଜାର ୪୦୦ ଟଙ୍କା ଦରମା ପାଇବେ ।

କେତେବେଳେ କମିବ ଦରମା ?

ନୂଆ ଶ୍ରମ ନୀତି ଅନୁସାରେ, ମୋଟ ଦରମାରୁ ଭତ୍ତା ୫୦ ପ୍ରତିଶତରୁ ଅଧିକ ହେବ ନାହିଁ । ଯଦି ଉଭୟ କର୍ମଚାରୀ ଓ ନିଯୁକ୍ତିଦାତା ମିଳିତ ଭାବେ ସମ୍ମତି ଦେଲେ ୧୫ ହଜାରରୁ ଅଧିକ ମୂଳ ଦରମା ଉପରେ ଅଧିକ ପିଏଫ୍ କଟିବ । ଏହାଦ୍ଵାରା ଅବସର ସମୟରେ ଆପଣଙ୍କ ପିଏଫ୍ ଆକାଉଣ୍ଟରେ ଅଧିକ ଜମା ରହିଥିବା ।

ନୂଆ ନିୟମର ଉଦ୍ଦେଶ୍ୟ

ନୂଆ ଶ୍ରମ ନୀତିର ଉଦ୍ଦେଶ୍ୟ- କର୍ମଚାରୀଙ୍କ ଦରମା ହ୍ରାସ କରିବା ନୁହେଁ ବରଂ ସମସ୍ତ କ୍ଷେତ୍ରରେ ଦରମା ସଂରଞ୍ଚନାରେ ସମାନତା ସହ ସ୍ଵଚ୍ଛତା ଓ ସ୍ପଷ୍ଟତା ଆଣିବା ।