Huma Reveals / ଅଭିନେତ୍ରୀ ହୁମା କହିଲେ ମନର କଥା, କେବେ ଓ କାହାକୁ କରିବେ ବିବାହ

ମୁମ୍ବାଇ,୦୭/୦୮: ବଲିଉଡଠାରୁ ଆରମ୍ଭ କରି ମନୋରଞ୍ଜନ ଜଗତରେ ଏବେ ଅଭିନେତ୍ରୀ ହୁମା କୁରେଶୀ ଏବଂ ରଚିତ ସିଂହଙ୍କ ସମ୍ପର୍କକୁ ନେଇ ଜୋରଦାର ଚର୍ଚ୍ଚା ଚାଲିଛି। ଯଦିଓ ଏହି ଦୁଇ କଳାକାର କେବେ ବି ସେମାନଙ୍କ ସମ୍ପର୍କକୁ ନେଇ କୌଣସି ଖୋଲାଖୋଲି କିଛି କହିନାହାନ୍ତି। ତଥାପି ବିଭିନ୍ନ ସ୍ଥାନରେ ସେମାନଙ୍କର ଏକାଠି ଉପସ୍ଥିତି ପ୍ରଶଂସକଙ୍କ ମନରେ ଏକପ୍ରକାରର ପ୍ରଶ୍ନବାଚୀ ସୃଷ୍ଟି କରିଛି। ସୋସିଆଲ ମିଡିଆ ଏବଂ ବିଭିନ୍ନ ଗଣମାଧ୍ୟମରେ ଏହି ଯୋଡ଼ିକୁ ନେଇ ବିଭିନ୍ନ କଳ୍ପନାଜଳ୍ପନା ଲାଗି ରହିଛି।

ବିବାହ ଗୁଜବ ଉପରେ ହୁମା ଏବଂ ରଚିତଙ୍କ ପ୍ରତିକ୍ରିୟା

କିଛି ମାସ ପୂର୍ବରୁ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଥିଲା ଯେ, ହୁମା କୁରେଶୀ ଏବଂ ରଚିତ ସିଂହ ଏହି ବର୍ଷ ଅକ୍ଟୋବର କିମ୍ବା ନଭେମ୍ବର ମାସରେ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଏହି ଖବର ଭାଇରାଲ ହେବା ପରେ ଅଭିନେତ୍ରୀ ହୁମା କୁରେଶୀ ଏକ ସାକ୍ଷାତକାରରେ ହସି ହସି କହିଥିଲେ, "ତୁମେ ଏବଂ ମୋ ମାଆଙ୍କର ସମାନ ପ୍ରଶ୍ନ ଅଛି। ମୁଁ କେବେ ବିବାହ କରିବି ତାହାର ଉତ୍ତର ମୋ ପାଖରେ ନାହିଁ। ମୁଁ ଯେତେବେଳେ ବିବାହ କରିପାରିବି ସେତେବେଳେ କରିବି। ମୋର ବହୁତ କାମ ଅଛି, ଏହି ବର୍ଷ ବହୁତ ବ୍ୟସ୍ତତା ଭିତରେ କାଟୁଛି ଏବଂ ମୁଁ ବର୍ତ୍ତମାନ କେବଳ ମୋର କ୍ୟାରିୟର ଏବଂ କାମ ପ୍ରତି ଧ୍ୟାନ ଦେଉଛି।"

ପଢନ୍ତୁ ଏହି ଖବର: ଶ୍ରେୟା ଜିତିଲେ 'ଲକ୍ ଅପ୍' ସିଜିନ୍ ୨, ଟ୍ରଫି ସହ ନେଲେ୧ କୋଟି ଟଙ୍କା

ଅନ୍ୟପକ୍ଷରେ, ରଚିତ ସିଂହ ମଧ୍ୟ ନିକଟରେ ଏକ ସାକ୍ଷାତକାରରେ ଏହି ବାହାଘର ଗୁଜବକୁ ସମ୍ପୂର୍ଣ୍ଣ ଅସ୍ୱୀକାର କରିଛନ୍ତି।  "ମୁଁ ଜାଣିନାହିଁ କିଏ ଏବଂ କେଉଁଠାରେ ମୋ ବିବାହ ଆୟୋଜନ କରୁଛି। ମୁଁ ମୋ ମାଆଙ୍କ ନମ୍ବର ସମସ୍ତଙ୍କୁ ଦେବାକୁ ଭାବୁଛି, କାରଣ ସମସ୍ତେ ମୋତେ ଫୋନ୍ କରି ଏହି ବିଷୟରେ ପଚାରୁଛନ୍ତି। ସତ କହିବାକୁ ଗଲେ, ବର୍ତ୍ତମାନ ବିବାହର କୌଣସି ଯୋଜନା ନାହିଁ।
" ଦୁହେଁ ନିଜ ନିଜ ପଟରୁ ବିବାହ ଖବରକୁ ସମ୍ପୂର୍ଣ୍ଣ ଗୁଜବ ବୋଲି କହି ଖାରଜ କରିଛନ୍ତି। କିନ୍ତୁ ପ୍ରଶଂସକମାନେ ଆଶା କରିଛନ୍ତି ଯେ ଭବିଷ୍ୟତରେ ଏହି ଯୋଡ଼ି ନିଶ୍ଚିତ ଭାବେ କୌଣସି ଏକ ବଡ଼ ନିଷ୍ପତ୍ତି ନେବେ।

ବଡ଼ ପରଦାରେ ଏକାଠି ନଜର ଆସିଥିଲେ ହୁମା ଏବଂ ରଚିତ

ବ୍ୟକ୍ତିଗତ ଜୀବନ ବ୍ୟତୀତ, ଏହି ଦୁଇ କଳାକାରଙ୍କୁ ନିକଟରେ ବଡ଼ ପରଦାରେ ଏକାଠି ଅଭିନୟ କରିବାର ଦେଖିବାକୁ ମିଳିଥିଲା। ସେମାନଙ୍କ ଅଭିନୀତ ଚଳଚ୍ଚିତ୍ର "ବେବି ଡୋ ଡାଏ ଡୋ" ଗତ ଜୁଲାଇ ୩, ୨୦୨୬ରେ ମୁକ୍ତିଲାଭ କରିଥିଲା। ଏହି ଫିଲ୍ମଟି ସମାଲୋଚକ ଏବଂ ଦର୍ଶକମାନଙ୍କଠାରୁ ମିଶ୍ରିତ ପ୍ରତିକ୍ରିୟା ପାଇଥିଲା। ବକ୍ସ ଅଫିସରେ ଫିଲ୍ମଟି ଆଶାନୁରୂପ ପ୍ରଦର୍ଶନ କରିପାରି ନଥିଲା। ସାକନିଲ୍କ (Sacnilk) ରିପୋର୍ଟ ଅନୁଯାୟୀ, "ବେବି ଡୋ ଡାଏ ଡୋ" ମୋଟ ୭.୧୦ କୋଟି ଟଙ୍କା ଆୟ କରିବାରେ ସଫଳ ହୋଇଥିଲା।

ହୁମା କୁରେଶୀଙ୍କ ଆଗାମୀ ବହୁପ୍ରତୀକ୍ଷିତ ଫିଲ୍ମ "ଟକ୍ସିକ"

ବିବାହ ଚର୍ଚ୍ଚା ଏବଂ ଗତ ଫିଲ୍ମର ପରାଜୟ ପରେ, ଏବେ ହୁମା କୁରେଶୀ ନିଜର ଆଗାମୀ ବ୍ଲକବଷ୍ଟର ଫିଲ୍ମ "ଟକ୍ସିକ"କୁ ନେଇ ବେଶ୍ ଚର୍ଚ୍ଚାରେ ଅଛନ୍ତି। ଏହି ଚଳଚ୍ଚିତ୍ରରେ ଦକ୍ଷିଣ ଭାରତୀୟ ସୁପରଷ୍ଟାର ୟଶ, କିୟାରା ଆଡଭାନୀ, ତାରା ସୁତାରିଆ ଏବଂ ହୁମା କୁରେଶୀ ମୁଖ୍ୟ ଭୂମିକାରେ ନଜର ଆସିବେ।  ଏହି ବହୁପ୍ରତୀକ୍ଷିତ ଫିଲ୍ମଟି ଆସନ୍ତା ଅଗଷ୍ଟ ୨୬, ୨୦୨୬ରେ ସିନେମାଘରରେ ମୁକ୍ତିଲାଭ କରିବାର ସମ୍ଭାବନା ରହିଛି।

ବିବାଦରେ ଫିଲ୍ମ "ଟକ୍ସିକ"
ରିଲିଜ୍ ପୂର୍ବରୁ ଏହି ଫିଲ୍ମଟି ଏହାର କିଛି ଅନ୍ତରଙ୍ଗ ଏବଂ ବୋଲ୍ଡ ଦୃଶ୍ୟକୁ ନେଇ ମଧ୍ୟ ବିଭିନ୍ନ ବିବାଦର ସମ୍ମୁଖୀନ ହୋଇଛି। ବର୍ତ୍ତମାନ ପାଇଁ ହୁମା ଏବଂ ରଚିତ ସିଂହ ନିଜ ନିଜର ବୃତ୍ତିଗତ ଜୀବନ ଏବଂ ଆଗାମୀ ପ୍ରୋଜେକ୍ଟଗୁଡ଼ିକ ଉପରେ ସମ୍ପୂର୍ଣ୍ଣ ଧ୍ୟାନ କେନ୍ଦ୍ରିତ କରିଛନ୍ତି।