Aug 15 Interesting Facts / ୮୦ ବର୍ଷରେ ଭାରତର ସ୍ୱାଧୀନତା; ଅଗଷ୍ଟ ୧୫ ସହ ଜଡ଼ିତ ଏହି ରୋଚକ ତଥ୍ୟ ଆପଣ ଜାଣନ୍ତି କି?

ଭାରତ ୧୯୪୭ ୧୫ ଅଗଷ୍ଟରେ ବ୍ରିଟିଶ ଶାସନରୁ ସ୍ୱାଧୀନତା ପାଇଥିଲା । ଏହି ଦିନରେ ଦେଶର ସ୍ୱାଧୀନତା ପାଇଁ ଅନେକ ସ୍ୱାଧୀନତା ସଂଗ୍ରାମୀ ନିଜ ଜୀବନ ଦେଇଥିଲେ । ଭାରତର ପ୍ରଥମ ସ୍ଵାଧୀନତା ଦିବସ ସହିତ ଜଡ଼ିତ ଏପରି ଅନେକ କଥା ଅଛି ଯାହା ବିଷୟରେ ବହୁତ କମ୍ ଲୋକ ଜାଣନ୍ତି । ଦେଶ ଆଜି ୮୦ତମ ସ୍ଵାଧୀନତା ଦିବସ ପାଳୁଥିବାବେଳେ ଆସନ୍ତୁ ଅଗଷ୍ଟ ୧୫ ବିଷୟରେ କିଛି ଆକର୍ଷଣୀୟ ତଥ୍ୟ ଜାଣିବା ।

ଅଗଷ୍ଟ ୧୫କୁ ନେଇ ରହିଛି ଚମକାଇଦେବା ତଥ୍ୟ

• ଆପଣ କଣ ଜାଣନ୍ତି ଯେ ମହାତ୍ମା ଗାନ୍ଧୀ ଦେଶର ସ୍ୱାଧୀନତା ପାଇଁ ଆନ୍ଦୋଳନର ନେତୃତ୍ୱ ନେଇଥିଲେ । ଅହିଂସା ଆନ୍ଦୋଳନ କରି ବ୍ରିଟିଶଙ୍କୁ ଦେଶରୁ ବିତାଡ଼ିତ କରିଥିଲେ । ମାତ୍ର ଯେତେବେଳେ ଭାରତ ୧୫ ଅଗଷ୍ଟରେ ସ୍ୱାଧୀନତା ପାଇଲା, ବାପୁ ଏହି ଉତ୍ସବଗୁଡ଼ିକରେ ଅଂଶଗ୍ରହଣ କରିନଥିଲେ । ସ୍ୱାଧୀନତା ଦିବସ ଦିନ ମହାତ୍ମା ଗାନ୍ଧୀ ବଙ୍ଗଳାରେ ହିନ୍ଦୁ ଏବଂ ମୁସଲମାନଙ୍କ ମଧ୍ୟରେ ସାମ୍ପ୍ରଦାୟିକ ହିଂସା ବନ୍ଦ କରିବା ପାଇଁ ଅନଶନରେ ଥିଲେ ।

• ଯେତେବେଳେ ପଣ୍ଡିତ ଜବାହରଲାଲ ନେହେରୁ ଏବଂ ସର୍ଦ୍ଦାର ବଲ୍ଲବ ଭାଇ ପଟେଲ ସ୍ୱାଧୀନତା ଦିବସ ସମାରୋହରେ ଅଂଶଗ୍ରହଣ କରିବା ପାଇଁ ମହାତ୍ମା ଗାନ୍ଧୀଙ୍କୁ ନିମନ୍ତ୍ରଣ ପଠାଇଲେ, ସେତେବେଳେ ଗାନ୍ଧିଜୀ ଉତ୍ତର ଦେଇଥିଲେ ଯେ 'ଯେତେବେଳେ କୋଲକାତାରେ ହିନ୍ଦୁ ଏବଂ ମୁସଲମାନ ପରସ୍ପରକୁ ହତ୍ୟା କରୁଛନ୍ତି, ମୁଁ କିପରି ଉତ୍ସବକୁ ଆସିପାରିବି ? ଦଙ୍ଗା ବନ୍ଦ କରିବା ପାଇଁ ମୁଁ ମୋର ଜୀବନ ଦେଇଦେବି ।'

• ଯେତେବେଳେ ସାରା ବିଶ୍ୱ ମଧ୍ୟରାତ୍ରିରେ ଦେଶର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁଙ୍କ ଐତିହାସିକ ଭାଷଣ "ଟ୍ରିଷ୍ଟ ୱିଥ୍ ଡେଷ୍ଟିନି" ଶୁଣିଲା, ସେହି ଦିନ ମହାତ୍ମା ଗାନ୍ଧୀ ରାତି ୯ଟାରେ ହିଁ ଶୋଇବାକୁ ଚାଲିଯାଇଥିଲେ ।