ଯଦି ଆପଣ ଭାରତରୁ ଭୁଟାନକୁ ଟ୍ରେନରେ ଯାତ୍ରା କରିବାକୁ ଚାହୁଁଛନ୍ତି, ତେବେ ଆପଣଙ୍କ ପାଇଁ ଏକ ଖୁସି ଖବର ଅଛି। ଭାରତ ଏବଂ ଭୁଟାନ ସରକାର ଦୁଇଟି ନୂତନ ରେଳ ଲାଇନ ପାଇଁ ଏକ ଚୁକ୍ତିନାମା ସ୍ୱାକ୍ଷର କରିଛନ୍ତି । ଏହି ରେଳ ଲାଇନଗୁଡ଼ିକର ମୋଟ ଲମ୍ବ ପ୍ରାୟ ୯୦ କିଲୋମିଟର ହେବ । ଯେଉଁଥିରେ ୪ ହଜାର କୋଟିରୁ ଅଧିକ ଟଙ୍କା ଖର୍ଚ୍ଚ ହେବ ।

ଚାରୋଟି ସହରକୁ ସଂଯୋଗ କରିବ ରେଳ ପ୍ରକଳ୍ପ

ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଏହି ପ୍ରକଳ୍ପ ଆସାମର କୋକରାଝାରକୁ ଭୁଟାନର ଗେଲେଫୁ ଏବଂ ପଶ୍ଚିମବଙ୍ଗର ବନାରହାଟକୁ ଭୁଟାନର ସାମତ୍ସେ ସହିତ ସଂଯୋଗ କରିବ । ଏହି ପ୍ରକଳ୍ପ ଭୁଟାନର ଅର୍ଥନୀତିକୁ ବୃଦ୍ଧି କରିବ ସହ ଭାରତ ସହିତ ସମ୍ପର୍କ ଆହୁରି ମଜଭୁତ ହେବ

ସେତୁ, ରାସ୍ତା ଏବଂ ଓଭରବ୍ରିଜ୍ ମଧ୍ୟ ମଞ୍ଜୁର ହୋଇଛି

ଏହି ପ୍ରକଳ୍ପରେ ଦୁଇଟି ପ୍ରମୁଖ ସେତୁ, ୨୯ଟି ମୁଖ୍ୟ ସେତୁ, ୬୫ଟି କ୍ଷୁଦ୍ର ସେତୁ, ଗୋଟିଏ ରାସ୍ତା ଓଭରବ୍ରିଜ୍, ୩୯ଟି ରାସ୍ତା ଅଣ୍ଡରବ୍ରିଜ୍ ଏବଂ ଦୁଇଟି ୧୧ ମିଟର ଲମ୍ବା ଭାୟାଡକ୍ଟ ରହିଛି, ଯାହା କଠିନ ଭୌଗଳିକ ଅଞ୍ଚଳରେ ସୁରକ୍ଷିତ ଏବଂ ସୁଗମ ରେଳ ଯାତ୍ରା ସୁନିଶ୍ଚିତ କରିବ ।

ବୈଦେଶିକ ସଚିବ କହିଛନ୍ତି - ଭାରତ-ଭୁଟାନ ସମ୍ପର୍କ ଆହୁରି ମଜବୁତ ହେବ

ତେବେ ଏହି ରେଳ ପ୍ରକଳ୍ପ ବିଷୟରେ ବିସ୍ତୃତ ଭାବେ ସୂଚନା ଦେଇ ବୈଦେଶିକ ସଚିବ ବିକ୍ରମ ମିଶ୍ରି କହିଛନ୍ତି, ଭାରତ ଏବଂ ଭୁଟାନ ମଧ୍ୟରେ ରେଳ ସଂଯୋଗ ସ୍ଥାପନ ଏକ ପ୍ରମୁଖ ନୂତନ ପଦକ୍ଷେପ । ଭାରତ ଏବଂ ଭୁଟାନ ଅସାଧାରଣ ବିଶ୍ୱାସ, ପାରସ୍ପରିକ ସମ୍ମାନ ଏବଂ ବୁଝାମଣାର ସମ୍ପର୍କ ବହନ କରନ୍ତି ।

ଅଧିକ ପଢ଼ନ୍ତୁ: ଶ୍ୱଶୁର ଘର ସମ୍ପତ୍ତିରୁ ବୋହୁ ମାଗିପାରିବ କି ହକ୍ ?

ଗତ ବର୍ଷ ମାର୍ଚ୍ଚ ୨୦୨୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୁଟାନ ଗସ୍ତ କରିଥିଲେ । ତାଙ୍କୁ ଭୁଟାନର ସର୍ବୋଚ୍ଚ ନାଗରିକ ସମ୍ମାନ ଅର୍ଡର ଅଫ୍ ଦି ଡ୍ରୁକ୍ ୟାଲପୋ ପ୍ରଦାନ କରାଯାଇଥିଲା ।

ମହାମହିମ, ଭୁଟାନର ରାଜା ଏବଂ ଭୁଟାନର ପ୍ରଧାନମନ୍ତ୍ରୀ ନିୟମିତ ଭାବରେ ଭାରତକୁ ଆସୁଛନ୍ତି । ଭୁଟାନ୍ ରାଜା ପୂର୍ବରୁ ମହାକୁମ୍ଭରେ ଯୋଗଦେବା ପାଇଁ ଭାରତ ଆସିଥିଲେ । ସେହିପରି ପ୍ରଧାନମନ୍ତ୍ରୀ କିଛି ସପ୍ତାହ ପୂର୍ବରୁ ରାଜଗିରରେ ଭୁଟାନ ମନ୍ଦିରର ପ୍ରାଣ-ପ୍ରତିଷ୍ଠା ସମାରୋହରେ ଯୋଗଦେବା ପାଇଁ ଭାରତ ଆସିଥିଲେ । ଭାରତ ସରକାର ଭୁଟାନର ଆଧୁନିକୀକରଣରେ ବିଶେଷକରି ଭିତ୍ତିଭୂମି ଏବଂ ଦେଶର ସାମଗ୍ରିକ ଆର୍ଥିକ ବିକାଶ କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି ।